மதுரை மாநகர் - வைரமுத்து

பாண்டியர் குதிரைக் குளம்படியும் - துாள்
பறக்கும் இளைஞர் சிலம்படியும் - மதி
தோண்டிய புலவர் சொல்லடியும் - இளம்
தோகைமார்தம் மெல்லடியும்
மயங்கி ஒலித்த மாமதுரை - இது
மாலையில் மல்லிகைப் பூமதுரை

நீண்டு கிடக்கும் வீதிகளும் - வான்
நிமிர்ந்து முட்டும் கோபுரமும்
ஆண்ட பரம்பரைச் சின்னங்களும் - தமிழ்
அழுந்தப் பதிந்த சுவடுகளும்
காணக் கிடைக்கும் பழமதுரை - தன்
கட்டுக் கோப்பால் இளமதுரை

மல்லிகை மௌவல் அரவிந்தம் - வாய்
மலரும் கழுநீர் சுரபுன்னை
குல்லை வகுளம் குருக்கத்தி - இவை
கொள்ளை அடித்த வையைநதி
நாளும் ஓடிய நதிமதுரை - நீர்
நாட்டிய மாடிய பதிமதுரை

தென்னவன் நீதி பிழைத்ததனால் - அது
தெரிந்து மரணம் அழைத்ததனால்
கண்ணகி திருகி எறிந்ததனால் - அவள்
கந்தக முலையில் எரிந்ததனால்
நீதிக் கஞ்சிய தொன்மதுரை - இன்று
ஜாதிக் கஞ்சும் தென்மதுரை

தமிழைக் குடித்த கடலோடு - நான்
தழுவேன் என்றே சபதமிட்டே
அமிர்தம் பரப்பும் வையைநதி - நீர்
ஆழி கலப்பது தவிர்ப்பதனால்
மானம் எழுதிய மாமதுரை - இது
மரபுகள் மாறா வேல்மதுரை

மதுரை தாமரைப் பூவென்றும் - அதன்
மலர்ந்த இதழே தெருவென்றும்
இதழில் ஒட்டிய தாதுக்கள் - அவை
எம்குடி மக்கள் திரளென்றும் - பரி
பாடல் பாடிய பால்மதுரை - வட
மதுரா புரியினும் மேல்மதுரை

மீசை வளர்த்த பாண்டியரும் - பின்
களப்பிரர் பல்லவர் சோழர்களும் - மண்
ஆசை வளர்த்த அந்நியரும் - அந்த
அந்நியரில்சில கண்ணியரும்
ஆட்சிபுரிந்த தென்மதுரை -
மீனாட்சியினால் இது பெண்மதுரை

மண்ணைத் திருட வந்தவரைத் - தம்
வயிற்றுப் பசிக்கு வந்தவரை - செம்
பொன்னைத் திருட வந்தவரை - ஊர்
பொசுக்கிக் போக வந்தவரை - தன்
சேயாய் மாற்றிய தாய்மதுரை - அவர்
தாயாய் வணங்கிய தூய்மதுரை

அரபுநாட்டுச் சுண்ணாம்பில் - கரும்பு
அரைத்துப் பிழிந்த சாறர்ற்றி
மரபுக்கவிதை படைத்தல்போல் - ஒரு
மண்டபம் திருமலை கட்டியதால்
கண்கள் மயங்கும் கலைமதுரை - இது
கவிதைத் தமிழின் தலைமதுரை

வையைக் கரையின் சோலைகளும் - அங்கு
வரிக்குயில் பாடிய பாடல்களும்
மெய்யைச் சொல்லிய புலவர்களும் - தம்
மேனி கறுத்த மறவர்களும்
மிச்சமிருக்கும் தொன்மதுரை - தமிழ்
மெச்சி முடிக்கும் தென்மதுரை

போட்டி வளர்க்கும் மன்றங்களும் - எழும்
பூசை மணிகளின் ஓசைகளும் - இசை
நீட்டி முழங்கும் பேச்சொலியும் - நெஞ்சை
நிறுத்திப் போகும் வளையொலியும்
தொடர்ந்து கேட்கும் எழில்மதுரை - கண்
தர்ங்காதிருக்கும் தொழில்மதுரை

ஆலைகள் தொழில்கள் புதுக்காமல் - வெறும்
அரசியல் திரைப்படம் பெருக்கியதில்
வேலைகள் இல்லாத் திருக்கூட்டம் - தினம்
வெட்டிப்பேச்சு வளர்ப்பதனால்
பட்டாக் கத்திகள் சூழ்மதுரை - இன்று
பட்டப் பகலில் பாழ்மதுரை

நெஞ்சு வறண்டு போனதனால் வையை
நேர்கோடாக ஆனதனால்
பஞ்சம் பிழைக்க வந்தோர் - நதியைப்
பட்டாப் போட்டுக் கொண்டதனால்
முகத்தை இழந்த முதுமதுரை - பழைய
மூச்சில் வாழும் பதிமதுரை

கவிதை அருமை , அதற்கு நீங்க எடுத்துருக்குற காணொளியும் அருமை.

எப்ப தல ஒளிப்பதிவாளரா ஆனீங்க ?!

ராஜா wrote:கவிதை அருமை , அதற்கு நீங்க எடுத்துருக்குற காணொளியும் அருமை.

எப்ப தல ஒளிப்பதிவாளரா ஆனீங்க ?!

ஈகரைக்காக அனைத்து அவதாரங்களையும் எடுக்க வேண்டியுள்ளதே தல.!

ஆஹா, கடைசி வரிகளை எடிட் செய்யாமல் விட்டுவிட்டேன் தல! சே...!!

சிவா wrote:ஆஹா, கடைசி வரிகளை எடிட் செய்யாமல் விட்டுவிட்டேன் தல! சே...!!

பெயர்களை சேர்த்து திரும்பவும் அப்டேட் செய்யுங்கள் , மிக அருமையாக இருக்கிறது தல . விரைவில் அனைத்து உறுப்பினர்களின் பெயர்களையும் சேர்த்து இது போல காணொளி உருவாக்கலாம்.

அடுத்த காணொளியில் எடிட் செய்கிறேன் தல! யுடியூப்பில் அப்லோட் செய்துவிட்டேன். என் கணினியில் இருந்த சிலரது புகைப்படங்களை மட்டுமே இணைத்துள்ளேன்.

அடுத்தடுத்த காணொளிகளில் மேலும் மற்ற உறுப்பினர்களின் புகைப்படங்களையும் இணைத்துவிடுகிறேன்!

கதாசிரியர், இயக்குநர், ஒளிப்பதிவாளர், வசனகர்த்தா சிவாவுக்கு வாழ்த்துகள்.

Spoiler:

கல்லுன்னு சொல்லிட்டீங்க சிவாவை.

நம்ம ஈகரை கவிதைகள் நெறைய இருக்கே சிவா. அவற்றை உங்க குரலில் வாசித்து அதை யூ டியூப் பண்ணலாமே. ஈகரை வைரமுத்துவின் குரலை அந்த சலங்கைச் சிரிப்புக்கிடையே கேட்க..ஒரு ஆசைதான்

யினியவன் wrote:கல்லுன்னு சொல்லிட்டீங்க சிவாவை.

இல்லையான்னு அவரையே கேளுங்க யினி