என் கனவு கலைந்ததே.....

பூவன் · பூவன் Thu 13 Sep 2012 - 17:02

கனவொன்று நான் கண்டேன்
காலை விடியும் தருணமது
மணப்பெண் அலங்காரத்துடன்
மணவறையில்
என்னருகே என் காதலி
அமர்ந்திருப்பதாய்....

பொண்ணுத்தோழிக்கு நின்றவள்
என்னவள் காதில் ஏதோ சொல்ல
நாணம் என்னவளை
உண்ணத்தொடங்கியது
இவள் விழிகள் என்னை
மறைந்து மறைந்து நோக்கின
இவள் புன்னகைகளோ
என் இதயத்தை துளையிடும்
நிமிடமது...

இவளின் கொள்ளை அழகை
புகைப்படக்கருவிகள்
அனுமதியுடன் திருடுகின்றன
மண்டபம் நிரம்பியது
உறவினர் வருகையால்
மாலைகளும் பரிசுகளும் பலரின்
கரங்களில் நமக்காக காத்திருக்க...

தாலியை தட்டில் வைத்து
அனைவரிடமும் ஆசீர்வாதம் வாங்கினர்
அர்ச்சனைகள் எல்லோரின்
கரங்களிலும் தழுவும் சமையம்
தாலி என் விரல்களை சங்கமித்தது...

சடங்குகள் அனைத்தையும் நிறைவேற்றி
ஐயர் மந்திரம் சொல்லியபடி
கெட்டிமேளம் கெட்டிமேளம் என்றார்
என் காதில் ஒலித்ததோ
நான் வேலைக்கு போக வைத்திருந்த
எலாமின் ஓசை தான்
கனவு கலைந்தது
கண்விழித்ததும் சலித்துக்கொண்டேன்
நிஜத்தில் அவளுக்கு திருமணம் ஆகி
ஏழு ஆண்டுகளில்
இரண்டு பிள்ளைகள் இருப்பது
நினைவுக்கு வந்ததால்...

நன்றி ... யாழ் நிலவன்

Guest · Guest Thu 13 Sep 2012 - 18:33

சூழ் நிலை தடுத்தால் சிலரது காதல் ஒரு தலை காதல் அன்றோ என்ற ஹரி ஹரன் அவர்களின் குரல் ஒலிகிறது உங்கள் கவிதையை படித்த போது ..

அருமை பகிர்வு பூவென் ... சோகம்

என் கனவு கலைந்ததே.....

என் கனவு கலைந்ததே.....

Re: என் கனவு கலைந்ததே.....

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக