தமிழை அழியாமல் பேண முடியுமா?

yarlpavanan · yarlpavanan Sat Sep 08, 2012 8:11 am

நண்பர்களே! நண்பர்களே!
எத்தனை இணையப் பக்கம் பார்த்தீர்களோ
எத்தனை செய்தித்தாள் முகம் படித்தீர்களோ
எத்தனை தொலைக்காட்சிச் செய்தி பார்த்தீர்களோ
எத்தனை வானொலிச் செய்தி கேட்டீர்களே
அத்தனையும் எனக்குத் தெரியாது...
ஆனால்,
ஐ.நா. அமைப்பான UNESCO
ஐம்பது ஆண்டுகளின் பின்
அழியும் மொழிகளின் பட்டியலில்
ஐம்பத்தொன்றாகத் தமிழையும் சேர்த்துள்ளதாய்
ஒரு செய்தி
இணையப் பக்கமொன்றில் மின்னியதைக் கண்டேன்!
அழியவிருக்கும் 3000 மொழிகளைக் காக்கும்
கூகிழ் தேடற் பொறித் தளத்தில்
தமிழை அழியாமல் பேண
எவராச்சும் ஏதும் எழுதியதாய்
எந்தவொரு ஊடகத்திலும் வெளிவந்ததாய்
என் கண்ணுக்கோ காதுக்கோ எட்டவில்லை!
பாண்டிய மன்னன் ஆட்சியில்
மூன்றாம் தமிழ்ச் சங்கம் இருந்ததாய்
முழங்குவர் சிலர்...
அன்றைய மன்னர்கள்
சங்கம் அமைத்துத் தமிழைப் பேணிய
பெரியோர்கள் என்பர் சிலர்...
பழம் மொழி பெரும் மொழி
எம் தமிழுக்கு நிகரான மொழியேது என்று
புகழ் பாடுவர் சிலர்...
எவராவது
தமிழை அழியாது பேண
ஏதாவது திட்டம் வகுத்தனரா?
வள்ளுவனார் ஆக்கிய
1330 குறளை ஒன்றும் பிழைக்காமல்
127 மொழிகளில்
மொழி பெயர்த்த பெரியோர்களே - அந்த
127 மொழிக்காரரும் தமிழ் படிக்க
அவ்வவ் மொழியில்
"தமிழ் கற்கலாம் வாங்க..." என
127 நூல்களை வெளியிட்டிருக்கலாமே!
நாம் தமிழர்
நம் மொழி தமிழ் என்று
எமக்குள்ளே தான் வீரம் பேசுகிறோம்...
நம்மூர் பொத்தகக் கடையில்
உலகிலுள்ள
எந்த மொழியையும் படிக்க
நூல்கள் இருக்கென்றால்
நம்ம தமிழ் அழியாமல்
என்ன தான் செய்யும்!
விழித்தெழு தமிழா
கழித்திடாதே காலத்தை
அவ்வவ் மொழிக்காரருடன்
அவ்வவ் மொழியில் பேசாது
அந்த அந்த மொழிக்காரர்
நம்ம தமிழைப் பேசினால்
தமிழில் பதில் கூறும் நிலை
வருவதற்கு முயற்சிக்காத வரை
நம்ம தமிழை அழியாமல்
பேணிக் காக்க முடியுமா நண்பர்களே!

தமிழை அழியாமல் பேண முடியுமா?

தமிழை அழியாமல் பேண முடியுமா?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக