சீனாவில் நிலநடுக்கம்: பலி எண்ணிக்கை 43 ஆக உயர்வு

**சிவா** · **சிவா** Fri Sep 07, 2012 6:29 pm

சீனாவின் யுன்னான், குயிசோவ் மற்றும் சிகுவான் மாகாணங்களில் இன்று ஏற்பட்ட நிலநடுக்கத்தால் பலியானோரின் எண்ணிக்கை 43 ஆக உயர்ந்துள்ளது. சுமார் 20,000 வீடுகள் சேதமடைந்துள்ளன. 5.7 ரிக்டர் அளவில் பதிவான இந்த நிலநடுக்கம் சுமார் 14 கிலோமீட்டர் சுற்றளவில் உணரப்பட்டது.

யுன்னான் மாகாணத்தில் முதலில் ஏற்பட்ட லேசான நிலநடுக்கத்தால் பீதியடைந்த மக்கள் கட்டிடங்களை விட்டு வெளியே ஓடினர். ஆனால் அடுத்த ஒருமணி நேரத்தில் 5.6 ரிக்டர் அளவில் மீண்டும் ஏற்பட்ட நிலநடுக்கத்தால் கட்டிடங்கள் சேதமடைந்து, உயிரிழப்புகள் ஏற்பட்டதாக சீன அரசின் செய்தி நிறுவனங்கள் தெரிவித்துள்ளன.

சீனாவின் எல்லையோர மாகாணங்களில் இன்று காலை முதல் மதியம் வரை மொத்தம் நான்கு முறை ஏற்பட்டுள்ள நிலநடுக்கத்தால் மக்கள் மிகவும் பீதி அடைந்துள்ளனர். கடந்த 2008-ம் ஆண்டு சீனாவின் சிகுவான் மாகாணத்தில் ஏற்பட்ட கடும் நிலநடுக்கத்தால் பள்ளிக்கூடங்கள் உள்பட பல்வேறு கட்டிடங்கள் இடிந்ததில் 90,000 பேர் பலியாயினர் என்பது குறிப்பிடத்தக்கது.

மாலைமலர்

**சிவா** · **சிவா** Fri Sep 07, 2012 6:38 pm

கோஸ்டாரிகாவில் நிலநடுக்கம்: 2 பேர் பலி-20 பேர் படுகாயம்

சான்ஜோஸ்: மத்திய அமெரிக்க நாடான கோஸ்டாரிகாவில் ஏற்பட்ட நிலநடுக்கத்தில் 2 பேர் பலியாகினர். மேலும் 20க்கும் மேற்பட்டோர் படுகாயமடைந்ததாக செஞ்சிலுவை சங்கம் தெரிவித்துள்ளது.

மத்திய அமெரிக்க நாடான கோஸ்டாரிகாவில் அடிக்கடி நிலநடுக்கம் ஏற்படுவது வழக்கம். இந்த நிலையில் கடந்த 5ம் தேதி இரவு ஏற்பட்ட 7.6 ரிக்டர் அளவில் நிலநடுக்கம் ஏற்பட்டது. இதில் சான் ஜோஸில் இருந்த சில கட்டிடங்கள் இடிந்து விழுந்தது.

நிலநடுக்கத்தை தொடர்ந்து வீடுகள், அலுவலகங்களில் இருந்த மக்கள் அலறியடித்து கொண்டு சாலைகளில் குவிந்தனர். நிலநடுக்கத்தின் அதிர்ச்சி மற்றும் கட்டிட இடிபாடுகளில் சிக்கிய 2 பேர் பலியாகினர். மேலும் 20க்கும் மேற்பட்டோர் படுகாயமடைந்து மருத்துவமனையில் சிகிச்சைக்காக சேர்க்கப்பட்டுள்ளதாக செஞ்சிலுவை சங்கத்தினர் தெரிவித்தனர்.

இது குறித்து நிலநடுக்கத்தில் பாதிக்கப்பட்ட பொதுமக்கள் கூறியதாவது,

இங்கு நிலநடுக்கம் அவ்வப்போது ஏற்படுவதால், அதில் இருந்து தப்புவது எப்படி என்று அறிந்துள்ளோம். ஆனால் இந்த முறை ஏற்பட்ட நிலநடுக்கம் மிகவும் பயங்கரமாக இருந்தது. இதனால் பல இடங்களில் வீடுகள் விரிசல் ஏற்பட்ட நிலையில் உள்ளது என்றனர்.

உலகின் சிறந்த சுற்றுலா தளங்களில் ஒன்றான கோஸ்டாரிகாவிற்கு, அமெரிக்காவில் இருந்து ஆண்டுதோறும் 5 லட்சத்திற்கும் மேற்பட்ட சுற்றுப்பயணிகள் வந்து செல்வது குறிப்பிடத்தக்கது.

விநாயகாசெந்தில் · 09/05/2012

Sponsored content · Sponsored content

சீனாவில் நிலநடுக்கம்: பலி எண்ணிக்கை 43 ஆக உயர்வு

சீனாவில் நிலநடுக்கம்: பலி எண்ணிக்கை 43 ஆக உயர்வு

Re: சீனாவில் நிலநடுக்கம்: பலி எண்ணிக்கை 43 ஆக உயர்வு

Re: சீனாவில் நிலநடுக்கம்: பலி எண்ணிக்கை 43 ஆக உயர்வு

Re: சீனாவில் நிலநடுக்கம்: பலி எண்ணிக்கை 43 ஆக உயர்வு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக