கிரிக்கெட்டில் சாதிக்க தூண்டியது நெருக்கடிதான்: மனம் திறக்கிறார் லட்சுமண்

nanban224 · nanban224 Thu Sep 06, 2012 4:09 pm

நெருக்கடியான நேரங்கள் தான் என்னிடம் உள்ள திறமைகளை வெளிக்கொண்டுவர உதவியது என்று நான்காவது இன்னிங்ஸ் நாயகன் என்றழைக்கப்படும் ஓய்வு பெற்ற இந்திய வீரர் லட்சுமண் தெரிவித்தார்.இந்திய அணியின் நடுவரிசை துடுப்பாட்ட வீரர் லட்சுமண் (வயது 37). நியூசிலாந்துக்கெதிரான டெஸ்ட் தொடரில் இடம் பெற்ற நிலையிலும், திடீரென ஓய்வை அறிவித்து எல்லோருக்கும் அதிர்ச்சி கொடுத்தார்.

கிரிக்கெட் வாழ்க்கையில் வெற்றிகரமாக ஜொலித்தது எப்படி என்று லட்சுமண் கூறுகையில், எப்போதெல்லாம் அணி நெருக்கடியான நேரத்தில் தவிக்கிறதோ, அதுபோன்ற கடினமான சூழ்நிலையில் விளையாட எனக்கு அதிகம் பிடிக்கும்.

இதுதான் என்னிடம் உள்ள திறமைகளை வெளிக்கொண்டு வந்தது. இதனால் தான் ஐதராபாத்தின் முக்கிய துடுப்பாட்டவீரராக உருவெடுத்தேன் என்று நினைப்பதுண்டு.

சிக்கலான நேரங்களில் பொறுப்பெடுத்துக் கொண்டு, வழக்கத்துக்கு மாறாக அதிக திறமை வெளிப்படுத்துவேன். இப்படி நெருக்கடியான நேரங்களில் சிறப்பாக விளையாடுவது தான் எனது பெரிய வலிமை.

இந்திய அணியின் அணித்தலைவர்களாக இருந்த சச்சின், கங்குலி, கும்ளே என்று அனைவருமே என்னைக் கவர்ந்தனர்.

இவர்களது திறமை குறித்த அனுபவங்களை, ஓய்வறையில் கேட்டுத் தெரிந்து கொள்வேன். இந்தியாவுக்காக தொடர்ந்து திறமை வெளிப்படுத்த வேண்டும் என்ற லட்சியம் மட்டுமே இவர்களிடம் இருந்தது.

தற்போதுள்ள வீரர்களில் ஷேவாக்கின் துடுப்பாட்டத்தை ரசித்து பார்ப்பேன் என்றும் ஏனெனில், ஒரு சிலநேரங்களில் இவர் நம்ப முடியாத அளவில் விளையாடுவார் எனவும் தெரிவித்தார்.

விநாயகாசெந்தில் · 09/05/2012

பகிர்வுக்கு நன்றி நண்பா மகிழ்ச்சி

முஹைதீன் · முஹைதீன் Thu Sep 06, 2012 7:00 pm

இவரை பார்த்து சச்சின் திருந்த வேண்டும்.

விநாயகாசெந்தில் · 09/05/2012

எனக்கு பிடித்த மட்டை வீச்சாளர்

**ராஜா** · **ராஜா** Mon Sep 10, 2012 6:52 pm

.... நெருக்கடியான நேரத்தில் நீங்க விளையாடின போட்டிகளை விடவும் , கவுத்து விட்டுட்டு முகத்தை தொங்கபோட்டுட்டு வெளியேறின போட்டிகள் தான் மிக அதிகம் யுவர்ஆனர் ... சிரி

balakarthik · balakarthik Mon Sep 10, 2012 6:56 pm

ராஜா wrote: .... நெருக்கடியான நேரத்தில் நீங்க விளையாடின போட்டிகளை விடவும் , கவுத்து விட்டுட்டு முகத்தை தொங்கபோட்டுட்டு வெளியேறின போட்டிகள் தான் மிக அதிகம் யுவர்ஆனர் ...

அதுக்கு இவர குத்தம் சொல்லலாமா பந்து வீச்சாளர் நெருகடியில நல்லா விளையாடிட்டார் போல இருக்கு இவரு என்ன பண்ணுவாரு