பெங்களூர் போலீசாரின் அதிரடிவேட்டை தொடர்கிறது, மேலும் ஒரு தீவிரவாதி டாக்டர் கைது

பெங்களூர் குற்றப்பிரிவு போலீசாரின் அதிரடி வேட்டை தொடர்கிறது. நேற்று டாக்டரான இன்னொரு தீவிரவாதியை போலீசார் கைது செய்தனர். இவன் தீவிரவாத இயக்கத்திற்கு நிதி உதவி செய்ததோடு, தீவிரவாத இயக்கத்திற்கு ஆள்சேர்த்ததாக பரபரப்பு தகவல்கள் வெளியாகி உள்ளன.

தீவிரவாத இயக்கத்துடன் தொடர்பு

பெங்களூர் குற்றப்பிரிவு போலீசார் ரகசியமாக கண்காணித்து கடந்த 29-ந் தேதி பெங்களூரில் 6 தீவிரவாதிகளையும், ஊப்ளியில் 5 தீவிரவாதிகளையும் கைது செய்தனர். கைதானவர்களில் ஜாபர் இக்பால் சோலாப்பூர்(டாக்டர்), சோகிப் முகமது மிர்ஜா(விஞ்ஞானி), சித்திக்(ஒரு ஆங்கில பத்திரிகை நிருபர்) ஆகியோரும் அடங்குவார்கள். அதாவது முதலில் கைதான 11 தீவிரவாதிகளில் ஒரு டாக்டர், ஒரு விஞ்ஞானி, ஒரு நிருபர் ஆகியோர் இருந்தனர்.

அதைத்தொடர்ந்து, கடந்த 1-ந் தேதி ஐதராபாத்தில் ஒபேதுல்லா உர் ரகுமான், நேற்று முன்தினம் பெங்களூர் மெஜஸ்டிக்கில் முகமது அக்ரம் உள்பட மொத்தம் 13 பேரை குற்றப்பிரிவு போலீசார் கைது செய்து இருந்தனர். அவர்கள் அனைவரும் லஸ்கர்-இ-தொய்பா, ஹூஜி ஆகிய தீவிரவாத அமைப்புகளை சேர்ந்தவர்கள்.

முக்கிய தீவிரவாதி கைது

மேலும் எம்.எல்.ஏ, எம்.பி.க்கள், இந்து அமைப்பினரை கொலை செய்ய சதி திட்டம் தீட்டியதும், வட மாநில மக்களுக்கு எஸ்.எம்.எஸ் அனுப்பியதும், கர்நாடகம் மட்டும் அல்லாது தென் மாநிலங்களில் நாசவேலையில் ஈடுபட திட்டமிட்டு இருந்ததும் தெரியவந்தது. கைதானவர்களிடம் இருந்து 2 துப்பாக்கிகள், குண்டுகள், லேப்-டாப் கம்ப்ïட்டர்கள், சென்னையின் வரைபடங்கள் பறிமுதல் செய்யப்பட்டுள்ளது.

இந்த நிலையில், நேற்று முன்தினம் தீவிரவாத இயக்கத்திற்கு நிதி உதவி செய்து வந்த மற்றொரு முக்கிய தீவிரவாதி பெங்களூரில் கைது செய்யப்பட்டுள்ளான். கைதான தீவிரவாதி ஒரு டாக்டர் என்று தெரிய வந்து உள்ளது.

இதுகுறித்து போலீஸ் கமிஷனர் ஜோதி பிரகாஷ் மிர்ஜி நிருபர்களிடம் கூறியதாவது:-

இன்னொரு டாக்டர்

பெங்களூர் குற்றப்பிரிவு போலீசார், கர்நாடகம் மற்றும் நாட்டின் பல இடங்களில் நாச வேலையில் ஈடுபட முயன்ற 13 பேரை கைது செய்திருக்கிறார்கள். அவர்களிடம் நடத்தப்பட்ட விசாரணையின் போது, அவர்களுக்கு தீவிரவாத அமைப்புகளுடன் தொடர்பு இருப்பதும், கர்நாடகம் மற்றும் பெங்களூரில் இவர்களுடன் தொடர்புடைய பலர் பதுங்கி இருப்பது தெரியவந்தது. அதன்பேரில் தீவிர தேடுதல் நடத்தி மற்றொரு முக்கிய தீவிரவாதியை நேற்று முன்தினம் மாலையில் குற்றப்பிரிவு போலீசார் கைது செய்திருக்கிறார்கள்.

அவனுடைய பெயர் நயீம் சித்திக் என்பதாகும். அவனது சொந்த ஊர் தாவணகரே. நயீம் சித்திக் டாக்டராக பணியாற்றி வருகிறான். இவனிடம் இருந்து ஒரு லேப்-டாப் கம்ப்ïட்டர், ரூ.10 ஆயிரம் ரொக்கம் பறிமுதல் செய்யப்பட்டு இருக்கிறது. கைதான தீவிரவாதிகளுடனும், வெவ்வேறு தீவிரவாத அமைப்புகளுடனும் தொடர்பு வைத்திருந்ததும் விசாரணையில் உறுதி செய்யப்பட்டு உள்ளது.

நிதி உதவி

தீவிரவாத அமைப்புகளுக்கு தேவையான நிதி அளிப்பது உள்பட பல்வேறு உதவிகளை நயீம் சித்திக் செய்து வந்துள்ளான். மேலும் வெவ்வேறு தீவிரவாத இயக்கங்களுக்கு புதிதாக ஆட்களை சேர்க்கும் நோக்கத்துடன் வாலிபர்களுக்கு மூளை சலவையும் செய்து உள்ளான். இவ்வாறு யாரை எல்லாம் இயக்கங்களுக்கு சேர்த்திருக்கிறான் என்பது தெரியவில்லை.

அதுபோல இதுவரை எவ்வளவு நிதி உதவி செய்திருக்கிறான் என்பது பற்றி நயீம் சித்திக்கிடம் தொடர்ந்து விசாரணை நடக்கிறது. அதுபோல கைதான மற்ற தீவிரவாதிகளிடமும் ரகசிய இடத்தில் வைத்து விசாரித்து வருகிறோம். அப்போது இன்னும் முக்கிய தகவல்கள் கிடைக்கும் என்று கருதுகிறேன்.

இவ்வாறு அவர் கூறினார்.

மொத்தம் 18 பேர்

பெங்களூர், ஊப்ளி, ஐதராபாத்தில் இதுவரை 14 தீவிரவாதிகளை குற்றப்பிரிவு போலீசார் கைது செய்திருக்கிறார்கள். இவர்களுடன் தொடர்பு உள்ளதாக மராட்டிய மாநிலத்தில் 4 பேரை தீவிரவாத தடுப்பு போலீசார் ஏற்கனவே கைது செய்துள்ளனர். இதுவரை கர்நாடகம் மற்றும் மராட்டியத்தில் மொத்தம் 18 பேர் கைதாகி இருப்பது குறிப்பிடத்தக்கது.

தினத்தந்தி

கைதான 11 தீவிரவாதிகளில் ஒரு டாக்டர், ஒரு விஞ்ஞானி, ஒரு நிருபர் ஆகியோர் இருந்தனர்

மொத்தம் 18 பேரா , அப்ப இவனுங்களுக்கு பிரியாணி ஆக்கி போடுறதுக்குன்னு தனியா ஒரு ஆளை நியமிச்சுடவேண்டியது தான்.