பட்டாணி

நாம் தினமும் சாப்பிடும் காய்கறிகளில் என்னென்ன சத்துக்கள் நிறைந்திருக்கிறது என்பது நம்மில் பலருக்குத் தெரியாது. ஆனாலும் சாப்பிட்டு வருகிறோம். இனி நாம் அவற்றைத் தெரிந்து கொண்டு, அவசியமான சத்துமிக்க காய்கறிகளையே உணவில் சேர்த்துக் கொள்ளலாம்.

இப்போது சிறுவர்கள் முதல் பெரியவர்கள் வரை அனைவரும் விரும்பி சாப்பிடும் பட்டாணி பற்றி தெரிந்து கொள்ளலாம்...

* பட்டாணி அறிவியலில் பேப்பேசி குடும்பத்தின் கீழ் வகைப்படுத்தப்படுகிறது. இதன் அறிவியல் பெயர் பசைவம் சட்டைவம்.

* பட்டாணி (Green Peas) வடக்கிந்தியாவை தாயகமாகக் கொண்ட பயிராகும். மிதவெப்ப மண்டல பகுதியில் நன்கு வளரும்.

* பருப்பு வகை தானியமான பட்டாணி அதிக சத்துக்களைக் கொண்டதாகும். தாது உப்புக்கள், வைட்டமின்கள், நோய் எதிர்ப்பொருள்கள் நிறைய உண்டு.

* பீன்ஸ்சுடன் ஒப்பிடும்போது பட்டாணி கலோரி குறைந்த உணவுப் பொருளாகும். 100 கிராம் பட்டாணியில் 81 கலோரி ஆற்றல் இருக்கிறது. நார்ச்சத்து நிறைந்த பட்டாணியில் கொலஸ்ட்டிரால் (கொழுப்புகள்) இல்லையென்பது நற்செய்தியாகும்.

* நமது உடலுக்கு அன்றாடம் தேவைப்படும் அவசிய சத்துப் பொருட்களில் ஒன்றான போலிக் அமிலம் புதிதாய் பறித்த பட்டாணியில் மிகுந்து காணப்படுவது குறிப்பிடத்தக்கது. இதிலுள்ள பி-காம்ப்ளக்ஸ் டி.என்.ஏ. கூட்டிணைப்பில் பங்கெடுக்கிறது.

* கர்ப்பிணித் தாய்மார்களுக்கும், கருவில் வளரும் குழந்தைக்கும் மிக அதிக நன்மை பயக்கும் உணவுப் பொருள்களில் முக்கியமானது பட்டாணி.

* பட்டாணியில் விட்டமின் சி (அஸ்கார்பிக் அமிலம்) 67 சதவீதம் இருக்கிறது. இதுவும் தினமும் உடலில் சேர்க்க வேண்டிய சத்துப்பொருளாகும். நோய் எதிர்ப்பு பொருளாகவும் இது பயன்படும்.

* இவை தவிர பட்டாணியில் வைட்டமின் ஏ, வைட்டமின் கே போன்றவையும் கணிசமான அளவில் உள்ளன.

* பட்டாணியில் சாலட், குருமா, பிரைடுரைஸ், கூட்டு, நூடுல்ஸ் என பல சுவையான உணவுகள் தயாரித்துச் சாப்பிடலாம்.

இலவச கேஸ் சப்ளை செய்தாலும்... சத்தான உணவுதான்