மக்களை முட்டாளாக்கும் முட்டாள் தொ(ல்)லை காட்சிகள் !!!

மக்களை முட்டாளாக்கும் முட்டாள் தொ(ல்)லை காட்சிகள் !!!

சில தமிழ்த் தொலைக்காட்சிச் சானல்களில் இரவு 10:30 மணிக்கு தொடங்கும் நிகழ்ச்சி அது.
ஒரு முன்னணி நடிகரின் பாதி முகத்தையும் அவரது சமகாலத்தவரான முன்னணி நடிகர் ஒருவரின் பாதி முகத்தையும் ஒன்று சேர்த்துக் காட்டி விட்டு அந்நிகழ்ச்சியின் தொகுப்பாளர் கேள்வி கேட்கிறார். 'திரையில் காட்டப்பட்டிருக்கிற இரு முன்னணி நட்ச்சத்திரங்கள் யார்?' என்பதுதான் அது. இது போதாது என்று இந்த இரு நடிகர்களும் இணைந்து நடித்த படத்தின் பெயரையும் க்ளூவாகத் தருகிறார்.
உடனே, யாரோ ஒருவருக்கு லைன் (?) கிடைத்துவிட, அவர் இரு நகைச்சுவை நடிகர்களின் பெயர்களைத் தவறாகச் சொல்கிறார்.தினமும் இரவு 10:30 மணிக்கு தொடங்கும் இந்த நிகழ்ச்சி நள்ளிரவு 12 மணிக்கு முடிவடைகிறது. பரிசுத் தொகையோ ரூ.55,000. என்ன நிகழ்ச்சி இது? ஏன் இவர்கள் இந்தப்பணத்தை நமக்குத் தருவதாய் சொல்கிறார்கள்? உண்மையிலேயே கொடுக்கிறார்களா? அவர்களின் நோக்கம் என்ன? இதன் பின்புலம் என்ன? என்பதை விசாரித்தால் சில திடுக்கிடும் உண்மைகள் கிடைத்தன.

இந்த நிகழ்ச்சிகளில். திரையில் காட்டப்படும் உருவங்கள் இலகுவில் கண்டுபிடிக்கக் கூடியதாகவும், உருவங்கள் குறித்து கேட்கப்படும் கேள்விகளும் மிக எளிதானதாகவுமே அமைகின்றன. அதற்குக் காரணம், பார்ப்பவர்கள் உடனே அதற்கான பதிலை தெரிவித்து பரிசைப் பெற்றுவிட வேண்டும் என்ற உந்துதலை ஏற்படுத்துவதுதான்.

திரையின் மூலையில் மின்னும் தொலைபேசி என், உண்மையில் தொலைபேசி எண் அல்ல. அது ஒரு சர்வர். தமிழகம் முழுவதும் எத்தனை ஆயிரம் பேர் ஃபோன் செய்தாலும் அவர்களை வெயிட்டிங் லிஸ்டில் காக்க வைத்து கால் பேலன்சை அபகரித்துவிடும். ( ஒரு அழைப்புக்கு பத்து ரூபாய்) ஒன்றரை மணிநேரம் நடக்கும் இந்த ஏமாற்றுப் போட்டியில் உலகெல்லாம் உள்ள மக்கள், குறிப்பாக தமிழர்களே ஏமாந்து கொண்டிருக்கிறார்கள்.

இந்த நிகழ்ச்சியிலிருந்து நாம் அறிய வேண்டிய உண்மைகள் சில:-

1. இந்த நிகழ்ச்சியில் வெயிட்டிங் லிஸ்டில் இருப்பவர்கள்தான் பொதுமக்கள். பேசுபவர்கள் உண்மையில் ஸ்டுடியோவில் வேலை செய்பவர்கள். பேசுபவரின் செல்போன் நம்பர், ஊர் பெயர் திரையில் காட்டப்படுவது இல்லை. வேண்டுமென்றே தவறான பதிலை சொல்லிக் கொண்டிருப்பதுதான் இவர்கள் பணி.

2. ஒவ்வொரு நாளும் கடைசியில் ஒரே ஒருவர் மூலமாக (அதுவும் ஸ்டுடியோ ஆள்தான் ) நிகழ்ச்சி முடியும் கடைசி நேரத்தில்தான் சரியான பதில் சொல்லப்படுகிறது.இதிலிருந்தே சேனல்கள் திட்டமிட்டு ஏமாற்றுகின்றன என்பதை அறியலாம்.

3. கால் வெயிட்டிங்கிற்குப் பதில், நம்பர் பிசி என்று பதில் வந்தால் கூட நமது பேலன்ஸ் தப்பிக்கும். ஆனால், கால் வெயிட்டிங் ஆப்ஷனில் அனைவரின் பணத்தையும் பறிப்பதுதான் இவர்களின் நோக்கம்.

4. நாம் நினைப்பது போல் இது நேரலை நிகழ்ச்சி அல்ல. இது முன்பே பதிவு செய்யப்பட நிகழ்க்சி. அதாவது பிணத்துக்கு அறுவை சிகிச்சை.

5. இதை தன்னுடைய சொந்த நிகழ்ச்சியாக தயாரிக்காமல், வேறு ஒரு நிறுவனத்திடம் இந்த நிகழ்ச்சியை ஒப்படைத்துவிட்டு தப்பித்துக் கொள்கின்றன டி.வி. சேனல்கள்.

இவர்கள் அடிக்கும் கூட்டுக் கொள்ளைக்கு நாட்டின் அனைத்து தொலைத்தொடர்பு நிறுவனங்களும் உடந்தை.

இதைப் படித்தபிறகாவது, இம்மாதிரியான நிகழ்ச்சிகளை பார்ப்பதைத் தவிருங்கள். உங்களுக்குத் தெரிந்தவர்களிடம் சொல்லுங்கள். நமது பர்சுகளை வேட்டையாடும் இந்த வேட்டை நாய்களுக்கு வேட்டு வையுங்கள்........நன்றி facebook நண்பர்கள்

இது உண்மைதான். இவர்கள் நம்மிடமிருந்து இன்னும் நிறைய வழிகளில் திருகிறார்கள்.. கேள்வி பதில், நடன நிகழ்ச்சி, மற்றும் கோட்டீஸ்வரன் என எல்லா நிகழ்ச்சிகளிலும் எஸ் எம் எஸ் கேள்வி என்று ஒன்றை கேட்கிறார்கள். அதற்கு பல்லாயிரம் பேர் பதில் சொல்லி எஸ் எம் எஸ் அனுப்புவார்கள். ஆனால் பரிசு ஒரு ரிஸ்டு வாட்ச் ஒரே ஒருவருக்கு அல்லது 10 பேருக்கு என்று அத்தணை எஸ்எம்எஸ் பணத்தையும் கபளீகரம் செய்துவிடுவார்கள். விஜய் டீவி இதுபோன்ற கொள்ளைகளில் அதிகம் ஈடுபடுகிறது.

இன்னும் எத்தனை வழிகளைத் தான் கண்டுப்பிடித்துக்கொண்டே இருப்பார்களோ கொள்ளையடிக்க
நன்றி தகவலுக்கு

ஓ இதுல இவ்வளவு விசயம் இருக்கா?

விநாயகாசெந்தில் நீங்கள் பதியும் பெரும்பாலான செய்திகள் இங்கு ஏற்கனவே இருப்பது தான் ,

சிரமம் பாராமல் புதிய பதிவு முகநூலில் இருந்தோ அல்லது வலைபூக்களில் இருந்தோ காப்பி செய்து போடும்போது இங்கு
search.eegarai.info ஒருமுறை அந்த தலைப்பையோ அல்லது அந்த பதிவு குறித்த ஓரிரண்டு வார்த்தைகளை எழுதி தேடிப்பாருங்கள்.

ஏமாறவங்க இருக்கிற வரைக்கும் ஏமாத்துரவங்க இருக்கத்தானே செய்ராங்க. எங்க ஊர்லையும் ஒரு வானொலி நிலையம் இப்படித்தான் இதத்தான் செய்யுராங்க.

முரளிராஜா wrote:ஓ இதுல இவ்வளவு விசயம் இருக்கா?

ராப்பூரா ரொம்ப காலமா அலைபேசிய பயன்படுத்தி நிறைய விட்டது போல் தொனிக்குதே!!!!

யினியவன் wrote:

முரளிராஜா wrote:ஓ இதுல இவ்வளவு விசயம் இருக்கா?

ராப்பூரா ரொம்ப காலமா அலைபேசிய பயன்படுத்தி நிறைய விட்டது போல் தொனிக்குதே!!!!

நல்லா யோசிச்சு பாருங்க என்கிட்ட விடிய விடிய பேசி பேலன்ச இழந்தது யாருனு

பேலன்ஸ் இழந்தது என்னவோ உண்மைதான் - ஆனா அது நிதானம் எனும் பேலன்ஸ் தானுங்கோ!!!

அப்ப என்கிட்ட பேசினதெல்லாம் நிதானம் இல்லாமதானா