12 மணி நேர அவஸ்தை:(

**krishnaamma** · **krishnaamma** Fri Aug 24, 2012 10:21 am

சென்னை: காற்றாலை, புனல், அனல் மின்சார உற்பத்தி பாதிப்பு மற்றும் மத்திய தொகுப்பிலிருந்து கிடைக்கும் மின்சாரத்தின் அளவு குறைந்ததால், தமிழகத்தின் மொத்த மின் தேவையில், 30 சதவீதத்துக்கு மேல் பற்றாக்குறை அதிகரித்துள்ளது. இதனால், இதுவரை இல்லாத அளவாக, மாநிலத்தின் பல்வேறு பகுதிகளில், 12 மணி நேரம் வரை மின்வெட்டு அமலாகியுள்ளது. மின் உற்பத்தியை விட, தேவை அதிகரித்ததால், தி.மு.க., ஆட்சியில் (2008ம் ஆண்டு) தொழிற்சாலைகளுக்கு, வாரம் ஒரு நாள், மின் விடுமுறை அளிக்கப்பட்டது. மின் விடுமுறை மூலம் சேமிக்கப்படும் மின்சாரத்தை, வீட்டு இணைப்புகளுக்கு வழங்கி, அப்போதைக்கு நிலைமை சமாளிக்கப்பட்டது.

இரு மடங்கு:

மின் பற்றாக்குறை தொடர்ந்து அதிகரித்ததால், சென்னை தவிர பிற பகுதிகளில், நாள் தோறும், ஐந்து மணி நேரம், அறிவிக்கப்பட்ட மின் தடை நடைமுறைக்கு வந்தது. தற்போது, மின் தடை நேரம் இரு மடங்குக்கு மேலாக அதிகரித்து, 12 மணி நேரமாக மாறியுள்ளது. தமிழகத்தின் தற்போதைய உச்சபட்ட மின் தேவை, 11 ஆயிரத்து 500 மெகாவாட்; தென்மேற்கு பருவக்காற்று தீவிரம் குறைந்ததால், தற்போது காற்றாலைகளிலும் பருவமழை பொய்த்ததால், நீர் மின் நிலையங்களிலும் மின் உற்பத்தி குறைந்துள்ளது. இதனால், இரு வாரத்துக்கு முன் மின் பற்றாக்குறை, 2,500 மெகாவாட் ஆக அதிகரித்தது. பற்றாக்குறையை சமாளிக்க, இரு வாரங்களாக, தமிழகத்தில் தினமும், ஐந்து முதல், ஏழு மணி நேரம் மின் தடை செய்யப்பட்டது.

இந்நிலையில், மத்திய அரசு, தமிழகத்துக்கு வழங்கும் மின்சாரத்தில், 1,072 மெகாவாட் மின்சாரத்தைக் குறைத்து விட்டதால், இரண்டு நாட்களாக மின் பற்றாக்குறை, 3,500 முதல், 4,000 மெகாவாட்டாக அதிகரித்துள்ளது. தமிழகத்தின் மொத்த மின் தேவையில், 30 சதவீதம் பற்றாக்குறை ஏற்பட்டதால், இரு நாட்களாக மாநிலம் முழுவதும் பரவலாக, பகலில் ஐந்து முதல், ஆறு மணி நேரம், இரவில், ஒன்றரை மணி நேரத்துக்கு, ஒரு முறை என்ற அளவில், ஐந்து முதல் ஆறு மணி நேரம் என, மொத்தம், 10 முதல், 12 மணி நேரம் மின் தடை செய்யப்படுகிறது. கடந்த நான்கு ஆண்டுகளில், தமிழகத்தில் மின் தடை நேரம் இரட்டிப்பு ஆகியுள்ளது, மக்களை கடும் வேதனையில் ஆழ்த்தியுள்ளது.

முதல்வர் ஆலோசனை:

இதற்கிடையே, புதிய மின் திட்டங்களின் நிலை குறித்த ஆய்வுக் கூட்டம், முதல்வர் ஜெயலலிதா தலைமையில் நேற்று தலைமைச் செயலகத்தில் நடந்தது. கூட்டத்தில், தமிழ்நாடு மின் வாரியமும், தேசிய அனல் மின் கழகமும் இணைந்து, காஞ்சிபுரம் மாவட்டம் வல்லூரில் மேற்கொண்டு வரும், 500 மெகாவாட் திறன் கொண்ட, வல்லூர் அனல் மின் திட்டத்தின் மூன்று அலகுகள், 600 மெகாவாட் திறன் கொண்ட மேட்டூர் அனல் மின் திட்டம் மற்றும் 600 மெகாவாட் திறன் கொண்ட வடசென்னை அனல் மின் திட்டத்தின் இரண்டு அலகுகள் என, 1,700 மெகாவாட் திறன் கொண்ட மின் திட்டங்களின் முன்னேற்றம் குறித்து, ஆய்வு செய்யப்பட்டது. மேலும், தமிழகத்தில் தற்போது நிலவும், பொதுவான மின் நிலைமை குறித்தும், அதிகாரிகள் மற்றும் அமைச்சர்களுடன் முதல்வர் விவாதித்தார். புதிய மின் திட்டங்களை, விரைந்து மேற்கொள்ளத் தேவையான நடவடிக்கைகளை எடுக்கும்படி, மின் வாரிய அதிகாரிகளுக்கு முதல்வர் உத்தரவிட்டு உள்ளார்.

12 மணி நேர அவஸ்தை:

கடும் மின் வெட்டால் நாள்தோறும் பகல், இரவு என 12 மணி நேரம் மக்கள் அவஸ்தையை அனுபவிக்கின்றனர். புழுக்கத்தாலும் கொசுக்கடியாலும் இரவில் தூக்கம் கெடுகிறது. மாணவர்கள் படிப்பு பாதிக்கப்படுகிறது. பெண்கள் சமையல் செய்வதற்கு பெரும் சிரமப்படுகின்றனர். தொழிற்சாலைகளில் உற்பத்தி பாதிக்கப்படுகிறது. விவசாயப்பணிகளும் முடக்கப்பட்டுள்ளன.

**krishnaamma** · **krishnaamma** Fri Aug 24, 2012 10:23 am

என்ன சோதனை இது? என்னை கேட்டால், முடிந்தவர்கள் சோலார் சிஸ்டம் பொருத்திக்கொள்ள வேண்டியது தான். தமிழ் நாட்டில் தான் வெயிலுக்கு குறைவில்லையே? ......................... :idea:

ராம்ஜி · ராம்ஜி Fri Aug 24, 2012 10:33 am

சரியா சொன்னிங்க அம்மா. நான் இன்வேர்டர் வாங்க போகிறேன். ஆனால் சோலார் சிஸ்டம் பொருத்திக்கொள்ள குறைந்தது ஒரு லச்சம் ஆகுமே? மின் இணைப்பையும் துண்டிக்க முடியாது, ஏனென்றால் மழை காலங்களில் மின்சாரம் தேவை. ரூபாய் இருபதாயிரம் செலவு செய்து இன்வேர்டர் வாங்கினால் டிவியை தவிர மற்ற விளக்குகள் ஆறு மணிநேரம் குறைந்தது எரியுமே. இப்ப மின் சேமிப்பு விளக்குகள் நிறைய சந்தைக்கு வந்துவிட்டது. நன்றி பதிவிற்கு.

இந்த பதிவைத் துவங்கியவர் நன்றி கூறியுள்ளார் ராம்ஜி

**krishnaamma** · **krishnaamma** Fri Aug 24, 2012 10:40 am

N

ராம்ஜி wrote:சரியா சொன்னிங்க அம்மா. நான் இன்வேர்டர் வாங்க போகிறேன். ஆனால் சோலார் சிஸ்டம் பொருத்திக்கொள்ள குறைந்தது ஒரு லச்சம் ஆகுமே? மின் இணைப்பையும் துண்டிக்க முடியாது, ஏனென்றால் மழை காலங்களில் மின்சாரம் தேவை. ரூபாய் இருபதாயிரம் செலவு செய்து இன்வேர்டர் வாங்கினால் டிவியை தவிர மற்ற விளக்குகள் ஆறு மணிநேரம் குறைந்தது எரியுமே. இப்ப மின் சேமிப்பு விளக்குகள் நிறைய சந்தைக்கு வந்துவிட்டது. நன்றி பதிவிற்கு.

இல்லை ராம்ஜி, லக்ஷக்கணக்கில் செலவாகாது ... நீங்க விசாரியுங்க .... மேலும் இங்கு பெங்களூரில் வெந்நீர் இல் குளிக்க விட்டுக்கு மேலே ஒரு tank போட்டு சோலார் சிஸ்டம் போட்டாலே அரசு மான்னியம் தருகிறது. அதாவது உங்களுடைய மின்சார பில் இல் மாதம் ஒரு குறிப்பிட்ட சதவிகிதம் குறைக்கிறார்கள் ... ஆயுசு பர்யந்தம்... கண்டிப்பாக அது போல அங்கு தமிழ் நாட்டிலும் இருக்கும். விசாரியுங்கோ. மேலும் முதல் ஸ்டெப் இன்வேர்ட்டர் தான்... ஆனால் அதுவும் சார்ஜ் ஆகணுமே... அதுக்கு கரண்ட் வேண்டுமே?????????????????
.
.
அதனால் பெர்மனென்ட் சொல்லுசன் ... சோலார் தான் புன்னகை

மின்சார விளக்குகள் , மின்விசிறிகள் என்று நம் தேவைக்கு ஏற்ப சோலார் சிஸ்டம் பொருத்திக்கொள்ளலாம் புன்னகை

சிறிய அளவிலான சோலார் விளக்குகள் இருக்கு, அவற்றை பொருத்தினால் போறும் பகலில் சார்ஜ் ஆகும், சூரிய ஒளி மறைந்ததும் தானாக விளக்குகள் ஒளிரும். அது ஓர் விளக்கு சுமார் 2500 .... 3000 என்கிற அளவில் கிடைக்கிறது.
.
ALL THE BEST ! 12 மணி நேர அவஸ்தை:( 224747944

**மாணிக்கம் நடேசன்** · 14/12/2009

நல்ல தகவலுக்கு நலமான நன்றி, அக்கா.

ராம்ஜி · ராம்ஜி Fri Aug 24, 2012 11:45 am

ரொம்ப சரிதான் அம்மா. எதற்கும் சோலார் பற்றியும் விசாரிக்கிறேன். நன்றி

**krishnaamma** · **krishnaamma** Fri Aug 24, 2012 11:54 am

ராம்ஜி wrote:ரொம்ப சரிதான் அம்மா. எதற்கும் சோலார் பற்றியும் விசாரிக்கிறேன். நன்றி

நல்லது ராம்ஜி புன்னகை

நீங்கள் விசாரித்த விவரத்தை இங்கு தந்தால் நிறைய பேருக்கு உதவும். சரியா? புன்னகை

ராம்ஜி · ராம்ஜி Fri Aug 24, 2012 12:06 pm

கண்டிப்பாக தருகிறேன். விலை விவரம் கேட்டுள்ளேன்.

http://www.apex-international.org/solar-home-power-system.html

Sponsored content · Sponsored content

12 மணி நேர அவஸ்தை:(

12 மணி நேர அவஸ்தை:(

Re: 12 மணி நேர அவஸ்தை:(

Re: 12 மணி நேர அவஸ்தை:(

Re: 12 மணி நேர அவஸ்தை:(

Re: 12 மணி நேர அவஸ்தை:(

Re: 12 மணி நேர அவஸ்தை:(

Re: 12 மணி நேர அவஸ்தை:(

Re: 12 மணி நேர அவஸ்தை:(

Re: 12 மணி நேர அவஸ்தை:(

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக