வெறும் புஸ்வானங்களே!

**கா.ந.கல்யாணசுந்தரம்** · 28/02/2009

வெள்ளம் வந்தால் தான்
வெள்ளிக்காசுகள் என்று
படகோட்டிகள் காத்திருந்தாலும்
உற்றார் உறவுகளை இழந்து
தவிப்போர்க்கு ஒரு வாய் சோறும்
குடிப்பதற்கு நல்ல தண்ணீரும்
கிடைக்காமல் போகிறது!
வாழ்க்கையின் ஏற்றத் தாழ்வுகள்
இவர்களின் அன்றாடத் தேடல்களில்
பள்ளத்தாக்குகளாக மாறிப்போயின!
வாழ்க்கை வெளிச்சமின்றி
திருமணவூர்வலத்தில் எத்தனை எத்தனையோ
எழ்மைக்கரங்கள் விளக்குக்கம்பங்களாக
உலா வருகின்றன!
கால் வயிற்றுக் கஞ்சிக்கு
கயிற்றில் வாடும் கூத்தாடிகள்
சுண்டி எரியும் சில்லறைக் காசுகளில்
காலத்தைக் கடத்தினாலும்
வயிற்றுக்குள் கனன்று கொண்டிருக்கும்
வேட்கையின் ஜுவாலைகள் இந்த சமுதாயத்தை
எப்போதாவது சுட்டெரிக்கும்!
தண்ணீர் காண நிலவில் மோதும்
ராக்கெட்டுகள்....
ஒரு சராசரி மனிதனின் தேவையில்
வெறும் புஸ்வானங்களே!

..............கா.ந. கல்யாணசுந்தரம்.

**சிவா** · **சிவா** Fri Oct 09, 2009 9:34 pm

///ஒரு சராசரி மனிதனின் தேவையில்
வெறும் புஸ்வானங்களே///

முற்றிலும் உண்மை கல்யாணசுந்தரம்! சமுதாய சிந்தனையுள்ள கவிதை. வாழ்த்துக்கள்!

வெறும் புஸ்வானங்களே!

வெறும் புஸ்வானங்களே!

Re: வெறும் புஸ்வானங்களே!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக