ஈ.மு கோழி

சென்ற வாரம் உடுமலை சுற்றுலா சென்ற போது முதன் முறையாக ஈ.மு கோழிகளை நேரில் காண நேர்ந்தது.

ஈ.மு என்றால் கிண்ணிக் கோழி போன்ற தோற்றம் கொண்டது என்பது என் இத்தனை நாள் அவதானிப்பு.

ஆனால் அப்படியல்ல அதன் உடல் வாகு. நெருப்புக் கோழிகளையொத்த மகா முரடான
உடல் அமைப்பும், சற்று அவலட்சணமான முக அமைப்பும், உறுதியான கால்களும்
கொண்டுள்ளது. ஈ.மு பாலைவனத்தில் வாழத் தகுதியான வலுவானதொரு உடல் அமைப்பைப்
பெற்று கோழிகளுக்கெல்லாம் கோழியாக ஒரு அசூரத் தோற்றம் கொண்டுள்ளது.


தற்போது நாளிதழ்களில் ஈ.மு பற்றி வரும் பிரச்சனை குறித்து அவற்றை
வளர்க்கும் பண்ணையிலேயே ஒரு ரகசியத் தகவல் சேகரித்தேன். முடிந்த வரையினில்
ஈ.மு வளர்ப்பின் பாதகங்களை பட்டியலிடுகிறேன்.

1. ஒன்றரை லட்சத்திற்கு முதலீடு செய்தால் ஐந்து வயது நிரம்பிய ஆறு கோழிகள் தருவார்களாம். அதற்கு தீவனம் மற்றும் காப்பீடு இலவசம்.

நடுத்தர வர்க்கத்தினரால் ஒரு அசூரத்தனமான காட்டுப் பிராணியை தங்கள்
வீடுகளில் வளர்க்க இயலுமா ? ஒன்றல்ல அதுவும் ஆறு. பொறுத்துக் கொள்ள முடியாத
நெடி கொண்ட அதன் வாசனையும், கலவி நேரத்தில் அதன் உற்சாகமும்(ஆறடிக்கு
எட்டி, எட்டி குதித்துப் பிளருகிறது) வீட்டில் அந்நியத்தன்மையை ஏற்படுத்தி
வந்த விலைக்கே அதை விற்க வேண்டிய பரிதாப சூழ்நிலைக்கு தள்ளப்பட்டுவிடுவோம்.
இது தான் அவர்களின் நோக்கமும்.
காப்பீடு - அதன் உடல் வாகைப் பொறுத்த
வரை சூழலை சமாளிக்கும் அதன் திறனானது ஆமையையொத்தது. நோய் எதிர்ப்பு
சக்தியானது 90% கொண்ட ஈ.முவின் ஆயுட்காலம் நாற்பது ஆண்டுகள். காப்பீட்டின்
சூட்சமம் இப்போது புரிகிறதா.

2. ஈ.முவின் முட்டைகளை ருபாய் 1500-க்கு அவர்களே பெற்றுக்கொள்கிறார்களாம்.

ஈ.மு கோழியின் முட்டையிடும் பருவ வயதானது குறைந்தது பதினெட்டு ஆண்டுகள்.
ஒரு முட்டைக்குப் பதினெட்டு வருடம் காத்திருக்க வேண்டிய முட்டாள்களா
நாம் ? இதற்கு ஒரு குழந்தையை தத்தெடுத்துக் கூட வளர்த்தெடுக்கலாம்.
புண்ணியமாவது தேறும்.

3. குறைந்த பட்சம் ஒரு கிலோ ஈ.மு மாமிசத்தின் விலையானது ருபாய் 500. ப்ரயிலர், நாடு, காடை, வான் கோழிகளெல்லாம் ஈ.முவை விட மலிவாகவும், ருசியாகவும், குறைந்த விலையிலும் கிடைக்கும் போது சந்தையில் ஈ.முவால் இந்தப் போட்டிகளையெல்லாம் சமாளிக்கவே முடியாது.

முரட்டு செம்மறி ஆட்டின் சிவந்த மாமிச நிறத்திலிருக்கும் ஈ.மு கரியின் சுவை ஒன்றும் நம்மை அடிமையாக்கும் அளவுக்கு அவ்வளவு மிருதுவாகவும் இல்லை.

4. பதினைந்து கிலோ எடை கொண்ட ஈ.முவை துண்டு போட்டால் ருபாய் 7.500 வருமானம். பதினைந்து கிலோ எடையை சுமாராக அதன் இரண்டு வயதில்தான் அடையும். இரண்டு வருடம் சென்ற பின்னரே உங்களிடம் இருந்து முதல் கோழியை பெற்றுக் கொண்டு மாத வருமானத்தை தவணை முறையில் தருவார்களாம். அதற்குள் உங்களிடம் கோழியை விற்றவனெல்லாம்
கம்பி நீட்டி விடுவான். வெறும் ஆறே மாதத்தில் 350 கோடி வரைக்கும் அடிச்சவன்
கிட்ட, கோழிக்கு இரண்டு வருடமும், முட்டைக்கு பதினெட்டு வருடமும்
காத்திருப்பது ரஜினி அரசியலுக்கு வந்து தொண்டு செய்வது போன்றது(சூர்யா
வளர்வது, விசை நடிப்பது, சேரன் சிரிப்பது எப்டி வேனா வச்சுக்கலாம்)

(நகைகள் ஏதேனும் அணிந்து ஈ.முவின் அருகில் சென்றால் அதை கொத்தித்தின்று விடுமாம்)

ஈ.மு இருந்தாலும் ஆயிரம் பொன், இறந்தாலும் ஆயிரம் பொன் - இதுதான் கம்பனி
வாசகம். ஈ.மு இறக்காது, இருந்தா அது குடுக்குற குடைச்சல் தாங்காம நாமளே
விற்று விடுவோம்.
இதையும் மீறி வாங்கி வளர்த்து இரண்டு வருடம் காத்திருப்போமேயானால் .........................விதி வலியது


courtesy : Sam Nathan : facebook charugroup

ஏமாத்துறது எப்படினு ரொம்ப நல்லா யோசிச்சி இருக்காங்க


சி.ஐ. டி வேலை பார்த்திருக்கிங்களே....


பகிர்வுக்கு நன்றி சி.ஐ.டி அண்ணா...

வாத்தியார்

ஜாஹீதாபானு wrote:ஏமாத்துறது எப்படினு ரொம்ப நல்லா யோசிச்சி இருக்காங்க


சி.ஐ. டி வேலை பார்த்திருக்கிங்களே....


பகிர்வுக்கு நன்றி சி.ஐ.டி அண்ணா...

ஈ.மு கோழிய நம்புனவங்க ஈ.வா கோழியா ஆயிட்டாங்க...

ஏமாற நமக்கு சொல்லியா தரனும்....வரவன் போறவனெல்லாம் ஏமாத்துறான்

புரட்சி wrote: வாத்தியார்

தொலைகாட்சிகளில் மோசடி மோசடி என்று சொல்லுகிறார்களே என்று எனக்கும் இத்தனை நாள் இது பற்றி ஒன்றுமே தெரியாமல் இருந்தது , இப்ப தெளிவா புரியுது நன்றி சார்

மக்கள் அனைவரும் குறுகிய காலத்தில் பணக்காரன் ஆகவேண்டும் எண்ணம் இருக்கிறவர்கள் இவர்கள் விரிக்கும் வலையில் விழுந்து விடுகிறார்கள். முதலில் ரியல் எஸ்டேட் இப்ப ஈமு..!

தகவலுக்கு நன்றி சார்!