கூடங்குளம் மக்களின் அச்சத்தை போக்கத் தயங்குவது ஏன்? ‌‌ம‌த்‌திய அரசு‌க்கு சீமா‌ன் கேள்வி

அணு சக்தியை மக்களின் தேவைக்காகத்தான் பயன்படுத்துகிறோம் என்று கூறும் மத்திய அரசு, அது தொடர்பான அச்சுறுத்தும் கேள்விகளுக்கு பதில் அளிக்காமல் ஓடுவது ஏன்? நா‌ம் த‌மிழ‌ர் க‌ட்‌சி‌‌யி‌ன் தலைமை ஒரு‌ங்‌கிணை‌ப்பாள‌ர் ‌சீமா‌ன் கே‌ள்‌வி எழு‌ப்‌பியு‌ள்ளா‌ர்.

இது தொட‌ர்பாக அவ‌ர் இ‌ன்று வெ‌ளி‌யி‌ட்டு‌ள்ள அ‌றி‌க்கை‌யி‌ல், கூடங்குளத்தில் நிறுவப்பட்டுள்ள அணு மின் உலைகளால் தங்கள் வாழ்விற்கும், வாழ்வாதரங்களுக்கும் அச்சுறுத்தல் உள்ளது என்று கூறி, அப்பகுதி மக்கள் தொடங்கிய போராட்டம் ஓர் ஆண்டுக் காலம் ஆகிய பின்னரும் தொடர்ந்துக் கொண்டிருக்கிறது. ஆனால் அணு மின் நிலைய நிர்வாகமோ அல்லது மத்திய, மாநில அரசுகளோ அவர்களின் நியாயமான ஐயங்களுக்கு விடையளிக்காமல் காலத்தை கடத்திக் கொண்டிருப்பது மட்டுமின்றி, சட்ட ரீதியாக நடத்த வேண்டிய அவசர நிலை பயிற்சியையும் நடத்தாமல், அணு மின் நிலையத்தை இயக்கப் போவதாகவும் அறிவித்துள்ளனர்.

இது மக்களின் கோரிக்கைகளுக்கு மதிப்பளிக்காத, ஜனநாயகத்திற்கு எதிரான போக்காகும். நக்கநேரி என்று ஒரு கிராமத்தில் மட்டும், எவ்வித முன்னறிவிப்பும் இன்றி, ஒரு விளகக்கத்தை மட்டும் அப்பகுதி மக்களுக்கு அளித்துவிட்டு, கூடங்குளம் அணு மின் நிலையத்தை சுற்றியுள்ள அனைத்து மக்களுக்கும் பேரிடர் பயிற்சி நடத்திவிட்டதாக இந்திய அணு மின் கழகம் கூறியிருப்பது, மக்களை ஏமாற்றும் மோசடியாகும். மக்கள் நலனில் தங்களுக்கு எவ்வித அக்கறையுமில்லை என்பதையே இந்திய அணு மின் கழக்கத்தின் நடவடிக்கைகள் உறுதிப்படுத்துகின்றன.

கூடங்குளம் அணு மின் நிலையத்திற்கு அணு உலைகளைத் தயாரித்தும் தரும் இரஷ்ய நாட்டிற்கும், ஆட்டம்ஸ்ட்ராய் நிறுவனத்திற்கும்தான் மத்திய அரசின் அணு சக்திக் கழகம் மதிப்பளிக்கிறதே தவிர, கூடங்குளம் மக்களின் எதிர்பார்ப்பிற்கு எந்த மரியாதையும் அளிக்கப்படவில்லை. அணு சக்தியை மக்களின் தேவைக்காகத்தான் பயன்படுத்துகிறோம் என்று கூறும் மத்திய அரசு, அது தொடர்பான அச்சுறுத்தும் கேள்விகளுக்கு பதில் அளிக்காமல் ஓடுவது ஏன்? என்பது புரியவில்லை.

அணு உலைகள் தொடர்பான உண்மைகளை மக்களிடம் பகிர்ந்துகொண்டால் அது அயல் நாட்டு நிறுவனங்களிடமிருந்து பெரும் எண்ணிக்கையில் அணு உலைகளை வாங்கி நிறுவும் தங்களின் திட்டத்திற்கு முட்டுக்கட்டையாகிவிடும் என்று மத்திய அரசு அஞ்சுகிறதா என்று நாம் தமிழர் கேள்வி எழுப்புகிறது.

நாட்டு மக்களின் தேவைக்காகவே தாங்கள் அணு உலைகளை நிறுவி, அதன் மூலம் மின்சாரம் உற்பத்தி செய்வது தங்களின் நோக்கம் என்பதில் மத்திய அரசு உண்மையாக இருந்தால், கூடங்குளத்தில் கடந்த ஒராண்டுக் காலமாக போராடிவரும் அவர்களுக்கு மதிப்பளித்து, அவர்களின் அச்சத்தைப் போக்கும் நடவடிக்கைகளை இதற்கு மேலாவது மேற்கொள்ள வேண்டும். அதனைச் செய்யாமல், அப்பகுதி மக்களின் போராட்டத்தை வலிமையிழக்கச் செய்யும் நடவடிக்கைகளில் ஈடுபட்டால், அது மத்திய அரசின் நோக்கத்தின் மீது ஐயத்தை வலிமையாக்கும் என்பதை நாம் தமிழர் கட்சி எச்சரிக்கையுடன் கூறிக்கொள்கிறது எ‌ன்று ‌‌சீமா‌ன் கூ‌றியு‌ள்ளா‌ர்

--
வெப் துனியா

இவர்கள் மக்களின் பிணங்களின் மீது நவீனமயமாக்கப்பட்ட, தொழிலமயமாக்கப்பட்ட நாட்டை நிறுவப்போகிறார்கள். இயந்திரங்கள் மட்டுமே இருக்கும் ஒரு சுடுகாடுதான் வருங்கால இந்தியா.