லாட்டரியில் ரூ.1,277 கோடி வென்ற தம்பதி

வாசுசெல்வா · வாசுசெல்வா Wed Aug 15, 2012 3:21 pm

லண்டன்: இங்கிலாந்தைச் சேர்ந்த தம்பதிக்கு லாட்டரியில் ரூ.1,277 கோடி பரிசு விழுந்துள்ளது.

கடந்த 2004ம் ஆண்டு முதல் யூரோ மில்லியன் லாட்டரி குலுக்கல் ஐரோப்பா கண்டத்தில் நடந்து வருகிறது. இங்கிலாந்தின் நேஷனல் லாட்டரி நிறுவனம் நடத்தும் இந்த குலுக்கலுக்கான டிக்கெட்டுகள் மேற்கு ஐரோப்பிய நாடுகளான ஆஸ்திரியா, பெல்ஜியம், இங்கிலாந்து, பிரான்ஸ், அயர்லாந்து, லக்சம்பர்க், போர்ச்சுக்கல், ஸ்பெயின், சுவிட்சர்லாந்து உள்ளிட்ட 9 நாடுகளில் விற்பகப்படுகிறது.

இந்த ஆண்டுக்கான லாட்டரி குலுக்கல் கடந்த 10ம் தேதி நடைபெற்றது. இதில் இங்கிலாந்தில் உள்ள சஃப்போக்கைச் சேர்ந்த தம்பதி ஏட்ரியன் பேபோர்டு(41) மற்றும் கில்லியன்(40) ஆகியோருககு ரூ.1,277 கோடி பரிசு விழுந்துள்ளது. கடந்த 8 ஆண்டுகளுக்கு முன்பு திருமணமான அவர்களுக்கு 6 வயதில் ஒரு மகளும், 4 வயதில் ஒரு மகனும் உள்ளனர். ஹெர்ட்போர்ட்ஷையரில் உள்ள டவுன் ஹால் கன்ட்ரி ஹவுஸ் ஹோட்டலில் நடந்த விழாவில் அவர்கள் தான் லாட்டரி குலுக்கலில் வெற்றி பெற்றவர்கள் என்று அறிவிக்கப்பட்டது.

ஹேவர்ஹில்லில் பார்ட்னர்ஷிப் முறையில் மியூசிக் கடை வைத்துள்ளார் ஏட்ரியன். கில்லியன் கேம்ப்ரிட்ஜில் உள்ள ஆட்டன்ப்ரூக்ஸ் மருத்துவமனையில் குழந்தைகள் வார்டில் சுகாதார உதவியாளராக உள்ளார். தற்போது லாட்டரி பணத்தை வைத்து என்ன செய்வது என்று அவர்கள் திட்டமிட்டு வருகின்றனர். சகல வசதிகளுடன் கூடிய வீட்டை வாங்க முடிவு செய்துள்ளனர். மேலும் கில்லியன் தனது கனவு காரான ஆடி க்யூ7 ஒன்றை வாங்கவிருக்கிறார்.

தட்ஸ்தமிழ்

யினியவன் · யினியவன் Wed Aug 15, 2012 3:42 pm

நமக்கு விழலேன்னாலும் இதுபோல் செய்திகள் சந்தோஷம் தான் தருகிறது. வாழ்த்துகள் அவர்களுக்கு.

விநாயகாசெந்தில் · 09/05/2012

வாழ்த்துக்கள் ஏட்ரியன் பேபோர்டு(41) மற்றும் கில்லியன்(40) மகிழ்ச்சி

**மாணிக்கம் நடேசன்** · 14/12/2009

எனக்கு மட்டும் இத்தொகை கிடைத்திருந்தால், ஈகரை குடும்ப நிகழ்ச்சியை மலேசியாவில் உள்ள ஐந்து நட்சத்திர விடுதியில் இலவச விமான டிக்கட்டோடு நடத்த ஏற்பாடு செய்திருப்பேன். சொகுசு பேருந்து ஏற்பாடு செய்து மலேசியா முழுவதும் சுற்றுலா போக ஏற்பாடு செய்திருப்பேன். திரும்பும் போது கையில் ஒரு லட்சம் ரூபாய் ஸோப்பிங், எல்லாம் இப்போ கனவுதான்.

Guest · Guest Wed Aug 15, 2012 4:55 pm

மாணிக்கம் நடேசன் wrote:எனக்கு மட்டும் இத்தொகை கிடைத்திருந்தால், ஈகரை குடும்ப நிகழ்ச்சியை மலேசியாவில் உள்ள ஐந்து நட்சத்திர விடுதியில் இலவச விமான டிக்கட்டோடு நடத்த ஏற்பாடு செய்திருப்பேன். சொகுசு பேருந்து ஏற்பாடு செய்து மலேசியா முழுவதும் சுற்றுலா போக ஏற்பாடு செய்திருப்பேன். திரும்பும் போது கையில் ஒரு லட்சம் ரூபாய் ஸோப்பிங், எல்லாம் இப்போ கனவுதான்.

இத நாங்க நம்புனுமா ?

**மாணிக்கம் நடேசன்** · 14/12/2009

ஏன், இப்படி நடக்க கூடாதா?

அசுரன் · அசுரன் Wed Aug 15, 2012 7:24 pm

இவ்வளவு பணம் எனக்கு கிடைத்திருந்தால் எனக்கு தெரிந்த கஷ்டப்படும் ஏழை உறவினர்களுக்கு பிரித்துக்கொடுத்திருப்பேன், என் நெடுநாள் கனவான ஏழைகள் இல்லம் ஒன்றை திறந்திருப்பேன்.... இது என் ஆவல் தான், பணம் கிடைத்தால் எப்படி மாறுவேனோ தெரியாது? சோகம்

இந்த செய்தி படிக்கும்போதே இனியவன் சொன்னதுமாதிரி மனதுக்கு மகிழ்ச்சியாக உள்ளது

bluestarkarthik · bluestarkarthik Wed Aug 15, 2012 11:41 pm

புரட்சி wrote:
மாணிக்கம் நடேசன் wrote:எனக்கு மட்டும் இத்தொகை கிடைத்திருந்தால், ஈகரை குடும்ப நிகழ்ச்சியை மலேசியாவில் உள்ள ஐந்து நட்சத்திர விடுதியில் இலவச விமான டிக்கட்டோடு நடத்த ஏற்பாடு செய்திருப்பேன். சொகுசு பேருந்து ஏற்பாடு செய்து மலேசியா முழுவதும் சுற்றுலா போக ஏற்பாடு செய்திருப்பேன். திரும்பும் போது கையில் ஒரு லட்சம் ரூபாய் ஸோப்பிங், எல்லாம் இப்போ கனவுதான்.

இத நாங்க நம்புனுமா ?

**T.N.Balasubramanian** · **T.N.Balasubramanian** Thu Aug 16, 2012 8:14 am

1277 கோடி வென்ற தம்பதிகளை வாழ்த்தும் தருணத்தில், எத்தனை பேர்களின் ரத்தமும் வேர்வையும் 1277 கோடியாக மாறி இருக்கிறதோ?
ரமணியன்

**ராஜா** · **ராஜா** Thu Aug 16, 2012 10:36 am

அசுரன் wrote:இவ்வளவு பணம் எனக்கு கிடைத்திருந்தால் எனக்கு தெரிந்த கஷ்டப்படும் ஏழை உறவினர்களுக்கு பிரித்துக்கொடுத்திருப்பேன், என் நெடுநாள் கனவான ஏழைகள் இல்லம் ஒன்றை திறந்திருப்பேன்.... இது என் ஆவல் தான், பணம் கிடைத்தால் எப்படி மாறுவேனோ தெரியாது?
இந்த செய்தி படிக்கும்போதே இனியவன் சொன்னதுமாதிரி மனதுக்கு மகிழ்ச்சியாக உள்ளது