கிரிக்கெட்:பீட்டர்சன் அதிரடி நீக்கம்

லண்டன்:இங்கிலாந்து டெஸ்ட் அணியில் இருந்து கெவின் பீட்டர்சன் அதிரடியாக நீக்கப்பட்டார்.இங்கிலாந்து வீரர் பீட்டர்சன், 32. சமீபத்தில், ஒருநாள் போட்டியில் இருந்து ஓய்வு பெறுவதாக அறிவித்த இவர், பின் மீண்டும் விளையாடத் தயார் என்றார். டுவென்டி-20 உலக கோப்பை அணியில் இடம் கிடைக்கும் என்று காத்திருந்தார்.கடைசியில் ஒருநாள் போட்டியில் பங்கேற்றால் தான் டுவென்டி-20 அணியில் இடம் என்று, இங்கிலாந்து போர்டு, இவருக்கான வாய்ப்பை மறுத்தது. டெஸ்ட் போட்டியில் மட்டும் பங்கேற்கிறார். தென் ஆப்ரிக்க அணிக்கு எதிரான இரண்டாவது டெஸ்டில், பீட்டர்சன் அடித்த (182, 12 ரன்கள்) சதம், போட்டி டிரா ஆக உதவியது.மீண்டும் பிரச்னை:இதனிடையே, இங்கிலாந்து அணி கேப்டன் ஸ்டிராஸ், பயிற்சியாளர் ஆன்டி பிளவர் குறித்து, பீட்டர்சன் அவதூறான முறையில், தென் ஆப்ரிக்க வீரர்களுக்கு டுவிட்டரில் செய்தி அனுப்பினார்.இதனால், அணியில் இருந்து இவர் நீக்கப்படலாம் என்ற செய்திகள் வெளியானது. இந்நிலையில் யு டியூப் இணையதளத்தில், தான் மீண்டும் அனைத்து வித போட்டிகளிலும் பங்கேற்க ஆர்வமாக இருப்பதாக, பல்டி அடித்து இருந்தார்.வெற்றிக்கு வாழ்த்துகள்:ஆனால், இப்போது மூன்றாவது டெஸ்ட் போட்டிக்கான அணியில் இருந்தும் பீட்டசர்ன் அதிரடியாக நீக்கப்பட்டார். இதுகுறித்து பீட்டர்சன் கூறுகையில், டெஸ்ட் அணியில் தேர்வு செய்யாதது மிகவும் ஏமாற்றமாக உள்ளது. இது எனக்கும், குடும்பத்துக்கும் மன உலைச்சலை கொண்டு வந்துள்ளது. இருப்பினும், இங்கிலாந்தை நேசிக்கிறேன். கிரிக்கெட்டை விரும்புகிறேன். மூன்றாவது டெஸ்டில் வெற்றி பெற வாழ்த்துகிறேன், என்றார்.அவ்வளவு தானா:மூன்றாவது டெஸ்டில் கட்டாயம் வென்றால் தான் நம்பர்-1 இடத்தை தக்க வைக்க முடியும் என்ற இக்கட்டான நிலையிலும், நல்ல பார்மில் உள்ள பீட்டர்சனை நீக்கியுள்ளனர். ஏற்கனவே, ஒருநாள் மற்றும் டுவென்டி-20 போட்டிகளில் ஓய்வு அறிவித்த நிலையில், டெஸ்ட் அணியிலும் இப்படி நடந்தது, இவரது எதிர்கால கிரிக்கெட் வாழ்க்கையை கேள்விக் குறியாக்கியுள்ளது.

இங்க இடம் இல்லைனா என்ன......... இருக்கவே இருக்கு ஐ.பி.எல் அங்க வந்து திறமையா விளையாடினா பணம் கொட்டோ கொட்டுனு கொட்டும்.........