ஆவணி ராசிபலன்

First topic message reminder :

மேஷம் (அசுவினி, பரணி, கார்த்திகை1) - இலக்கை எட்டலாம்!



மனசாட்சியை மதித்துநடக்கும் மேஷராசி அன்பர்களே!

உங்கள் ராசிநாதன் செவ்வாய் ராசிக்கு ஏழாம் வீட்டில் அனுகூலக் குறைவாக உள்ளார். குரு, சுக்கிரன், சனியின் அமர்வு நற்பலன் தரும் வகையில் உள்ளது. செவ்வாயின் சப்தம பார்வை ராசியில் பதிவதால் உங்களின் செயல்பாடுகளை சீர்தூக்கிப் பார்த்தபின் புதிய முயற்சியில் ஈடுபட்டால் வெற்றி அதிகரிக்கும். வீடு, வாகன வகையில் பெரிய அளவிலான மாற்றம் எதுவும் செய்ய வேண்டாம். புத்திரர்கள் தயக்கத்துடன் செயல்பட்டு அமைதியை இழப்பர். உடல்நலத்தில் அக்கறை கொள்வது நல்லது. எதிரிகளின் ஏளனப் பேச்சைக் கருத்தில் கொள்ள வேண்டாம். தம்பதியர் கருத்து வேறுபாடுகளால் வாக்குவாதத்தில் ஈடுபடுவர். உறவினர்களின் வருகையால் குடும்பத்தில் செலவு அதிகரிக்கும். தொழிலதிபர்கள் இடையூறுகளை சரிசெய்து உற்பத்தி, தரத்தினை உயர்த்துவர். புதிய ஒப்பந்தம் மூலம் தாராள லாபம் கிடைக்கும். வியாபாரிகள் சந்தைப்போட்டியை சமாளிக்கும் புதிய உத்திகளை பின்பற்றுவர். விற்பனை சீராகி எதிர்பார்த்த இலக்கை அடைவர். பணியாளர்கள் உடல்நலத்தை சரிவர பேணுவது நல்லது. எதிர் பார்த்த சலுகைப்பயன்கள் கிடைக்கப் பெறுவர். குடும்ப பெண்கள் கணவருடன் சிறு விஷயத்திற்காகவும் சச்சரவில் ஈடுபடுவர். பணிபுரியும் பெண்கள் உயரதிகாரிகளின் வழிகாட்டுதலை கவனமுடன் பின்பற்றுவது நன்மை தரும். சுயதொழில் புரியும் பெண்கள் மூலதனத்தை அதிகப்படுத்தி விற்பனையை மேம்படுத்துவர். அரசியல்வாதிகள் ஆதரவாளர்களிடம் செல்வாக்கும், எதிரியால் சிரமத்தையும் அடைவர். விவசாயிகள் தாராள மகசூல் கிடைக்கப் பெறுவர்.மாணவர்கள் கடின முயற்சியால் திட்டமிட்ட தேர்ச்சி இலக்கை அடைவர்.

பரிகாரம்: தட்சிணாமூர்த்தியை வழிபடுவதால் வாழ்வில் சகல வளமும் கிடைக்கும்.
உஷார் நாள்: 24.8.12 காலை 8.10 - 26.8.12 காலை 10.34
வெற்றிநாள்: செப்டம்பர் 9, 10, 11
நிறம்: ரோஸ், வெள்ளை எண்: 1, 6

வெளிப்படையாக பேசுகிற வெள்ளை மனம் கொண்ட கும்பராசி அன்பர்களே!

உங்கள் ராசிநாதன் சனி, ஆவணி 27 (செப்12) வரை எட்டாம் இடத்தில் இருந்து அஷ்டமச்சனியாக செயல்படுவார். எனவே எதிலும் கவனம் தேவை. பின், நல்ல பலன்கள் தொடர ஆரம்பிக்கும். நவக்கிரகங்களில் சுக்கிரன் மட்டுமே மாதத்தின் முதல் 15 நாட்கள் உங்கள் வாழ்வு வளம்பெற உதவுகிறார். எந்த புதிய செயல்களிலும் ஈடுபட வேண்டாம். பேச்சில் நிதானமும் இதமான நடைமுறையை பின்பற்றவும். வீடு, வாகனத்தில் அறிமுகம் இல்லாத எவருக்கும் இடம்தரக்கூடாது. சிலர் நல்லவர் போல நடித்து உங்களை ஏமாற்ற முயற்சிப்பர். கவனம். புத்திரர்கள் பிடிவாத குணத்தினால் உங்கள் சொல் கேட்டு நடக்க மறுப்பர். ஓய்வுநேரத்தைப் பயன்படுத்த தவறுவதால் உடல்நலக்குறைவு ஏற்படும். தம்பதியர் குடும்ப சிரமத்தின் தாக்கம் உணர்ந்து விட்டுக்கொடுக்கும் மனப்பாங்குடன் செயல்படுவது நல்லது. தொழிலதிபர்கள் பணியாளர்களின் ஒத்துழைப்பை பெறுவதில் சிரமங்களைச் சந்திக்க நேரிடும். விசுவாசம் நிறைந்த நிர்வாக பணியாளர்களின் உதவியால் நிலைமை சீராகும். வியாபாரிகள் அளவான மூலதனத்துடன் அதிக உழைப்பால் வியாபார நடை முறையை பாதுகாப்பது நல்லது. பணியாளர்கள் குழப்பமான மனநிலையால் பணியில் குளறுபடி, குறைபாடுகளை எதிர்கொள்வர். பொறுமை அவசியம். குடும்ப பெண்கள் கணவரின் கடந்தகால அன்பு, பாசம், பொறுப்புக்களை நினைவில் கொண்டு செயல்படுவதால் மட்டுமே தற்போதைய வாழ்வு சீராக அமையும். பணிபுரியும் பெண்கள் இலக்கை நிறைவேற்றுவதில் தாமதம் கொள்வர். சுயதொழில் புரியும் பெண்கள் அளவான மூலதனத்துடன் கடின உழைப்பால் வியாபார நடைமுறையை தற்காத்துக் கொள்வது நல்லது. அரசியல்வாதிகள் வம்பு, விவகாரங்களில் கலந்து கொள்வதைத் தவிர்க்கவும். விவ சாயிகளுக்கு சுமாரான மகசூல் உண்டு. மாணவர்கள் படிப்பில் சுமாரான தேர்ச்சி அடைவர்.

பரிகாரம்: சிவனை வழிபடுவதால் வாழ்வில் நன்மை கூடும்.
உஷார் நாள்: 20.8.12 அதிகாலை 2.03 - 22.8.12 காலை 5.37 மற்றும் 16.9.12 முழுவதும்
வெற்றி நாள்: செப்டம்பர் 4, 5, 6
நிறம்: பச்சை, சிமென்ட் எண்: 4, 5

விசுவாச குணத்துடன் நடந்து நற்பெயர் பெறும் மீனராசி அன்பர்களே!

உங்கள் ராசிநாதன் குரு மூன்றாம் இடமான சுக்கிரன் வீட்டில் உள்ளார். இது சாதகநிலை அல்ல. இருப்பினும் சூரியன், புதன், சுக்கிரன், கேது அளப்பரிய நற்பலன் தரும் இடங்களில் இருந்து செயல்படுகின்றனர். உங்கள் நடை, உடை, பாவனையில் வசீகர மாற்றம் உருவாகும். புதியவர்களின் நட்பு, சமூகத்தில் அந்தஸ்து கிடைக்கும். வீடு, வாகனத்தில் திட்டமிட்ட வளர்ச்சிப்பணி நிறைவேறும். உறவினர் வருகையால் வீட்டில் மகிழ்ச்சி கூடும். புத்திரர்கள் நற்செயல்களால் தகுதி, திறமையை வளர்த்துக் கொள்வர். அவர்களின் வளர்ச்சி கண்டு பெருமை அடைவீர்கள். எதிரிகளின் தொல்லை அணுகாத சுமூக வாழ்வுமுறை அமையும். கடன் பாக்கி வசூலாகும். உடல்நலம் சீராக இருக்கும். தம்பதியர் அன்பு, பாசத்துடன் நடந்து உறவினர்களிடம் பாராட்டு பெறுவர். வீட்டின் அத்தியாவசியத் தேவைகள் பெருமளவில் நிறைவேறும். நெருங்கிய நண்பரின்கஷ்ட சூழ்நிலையை சரிசெய்வீர்கள்.

தொழிலதிபர்கள் தாராள உற்பத்தியும் புதிய ஒப்பந்தமும் கிடைக்கப்பெறுவர். அபரிமிதமான பணவரவு உண்டு. வியாபாரிகள் அதிக சரக்கு கொள்முதல் செய்வர். விற்பனையிலும் எதிர்பாராத முன்னேற்றம் உண்டு. பணியாளர்கள் ஆர்வமுடன் செயல்பட்டு நிர்வாகத்திடம் நற்பெயர் பெறுவர். பதவி உயர்வு, விரும்பிய இடமாற்றம் எளிதில் கிடைக்கும். குடும்பப் பெண்கள் சந்தோஷ சூழ்நிலை அமைந்து, குடும்பத்தின் எதிர்காலவளர்ச்சிப்பணிகளை இனிதாக மேற்கொள்வர். பணிபுரியும் பெண்கள் பணித்திறமை வளர்ந்து புதிய பொறுப்புக்களை ஏற்கும் நிலை வரும். சுயதொழில் புரியும் பெண்கள் கூடுதல் ஆர்டர் கிடைத்து உற்பத்தியை உயர்த்துவர். லாபவிகிதம் அதிகரித்து புதிய சேமிப்பாக மாறும். அரசியல்வாதிகள் வெகுநாள் எதிர்பார்த்த பதவி, பொறுப்பு எளிதில் பெறுவர். விவசாயிகளுக்கு தாராள மகசூலும், கால்நடை வளர்ப்பில் உபரி பணவரவும் உண்டு. மாணவர்கள் சாதனை நிகழ்த்தும் நோக்கில் படிப்பில் முன்னேற்றம் காண்பர்.

பரிகாரம்: பைரவரை வழிபடுவதால் தொழிலில் வளர்ச்சி ஏற்படும்.
உஷார் நாள்: 22.8.12 காலை 5.37-24.8.12 காலை 8.10.
வெற்றி நாள்: செப்டம்பர் 7, 8
நிறம்: ஆரஞ்ச், நீலம் எண்: 1, 8