”ஒன்றுமில்லை”

**rameshnaga** · **rameshnaga** Mon Aug 13, 2012 2:11 pm

First topic message reminder :

தெரிந்தவர் வீட்டுக்குப்
போயிருந்தேன்;
தொலைக்காட்சியில்
நெடுந்தொடர்
பார்த்துக் கொண்டிருந்தார்கள்.

என்னைப் பார்த்தவுடன்...
"வா..வா.."உட்கார்..
இந்த நெடுந்தொடர் அருமைதானே!
ஆனால் டி.ஆர்.பி. ரேட்டிங்தான் இல்லை....
சுத்த மோசம் இந்த ரேட்டிங் சிஸ்டம்...என்றவர்
நெடுந்தொடர் பார்க்கத் தொடங்கினார்.
நானும் பார்த்தேன்.

நெடுந்தொடர் முடிந்தவுடன்...
"ம்ம்! அப்புறம்!"..என்றார்.

"ஒன்றுமில்லை!"...
என்று சொல்லிவிட்டு
வந்துவிட்டேன்.

இப்போதெல்லாம்...
இரவுகளில்...
உறவினர் வீட்டுக்குச்
சென்று திரும்புகையில்...

"ஒன்றுமில்லை"யாகத்
திரும்புவதுதான்
அதிகமாகி இருக்கிறது.