பொது இடத்தில் பெண்கள் செல்போனில் பேசினால் சுட்டுக் கொல்வோம்

**சிவா** · **சிவா** Mon 13 Aug 2012 - 11:34

காஷ்மீர் மாநிலத்தில் சில நாட்களுக்கு முன்பு, ``பொது இடங்களுக்கு பெண்கள் பர்தா அணிந்து தான் வரவேண்டும். பர்தா அணியாமல் யாராவது வந்தால் முகத்தில் ஆசிட் ஊற்றுவோம்'' என்று எச்சரிக்கை போஸ்டர்கள் ஒட்டப்பட்டிருந்தன. அந்த போஸ்டர்கள் லஷ்கர் இ தொய்பா, அல்கொய்தா முஜாஹிதீன் ஆகிய தீவிரவாத இயக்கங்கள் பெயரில் கையினால் எழுதப்பட்டிருந்தன.

இப்போது, பெண்களுக்கான மற்றொரு எச்சரிக்கை போஸ்டர்கள் ஒட்டப்பட்டுள்ளன. அந்த மாநிலத்தில் உள்ள ஷோபியன் மாவட்டத்தில் இந்த போஸ்டர்கள் ஒட்டப்பட்டுள்ளன.

அந்த போஸ்டர்களில் ``பொது இடங்களில் பெண்கள் செல்போனில் பேசக் கூடாது. மீறி பெண்கள் யாராவது பொது இடங்களில் செல்போனில் பேசுவதை பார்த்தால் சுட்டுக் கொல்வோம்'' என்று எச்சரிக்கை விடுக்கப்பட்டுள்ளது.

இதுகுறித்து தெற்கு காஷ்மீர் மண்டல போலீஸ் அதிகாரி ஒருவரிடம் கேட்டபோது, ``இந்த போஸ்டர்கள் உண்மையானதா? அல்லது வெறும் குறும்புக்காக யாராவது செய்துள்ளார்களா? என்று தெரியாமல் கூறுவது முறையல்ல. இதுபற்றி விசாரணை நடத்தி வருகிறோம்'' என்றார்.

தினத்தந்தி

யினியவன் · யினியவன் Mon 13 Aug 2012 - 11:43

பிரிவினை வாதிகளை ஆதரிக்கும் சிலர் இதை சிந்திக்க வேண்டும்.

இந்தியாவிலிருந்து விடுதலை பெற்று ஒரு அடிமை வாழ்க்கை இது போல் வாழத்தான் விடுதலை வேண்டுமா என?