‌நி‌றைவடை‌ந்தது 'ல‌ண்ட‌ன் 2012 ஒலிம்பிக்'

Guest · Guest Mon Aug 13, 2012 10:09 am

வண்ண மயமான கலை நிகழ்ச்சிகள், கோலாகலமான இசை நிகழ்ச்சிகளுடன் லண்டன் ஒலிம்பிக் போட்டி இன்று அதிகாலை நிறைவடைந்தது.

இந்திய நேரப்படி அதிகாலை ஒன்றரை மணியளவில், லண்டன் ஒலிம்பிக் மைதானத்தில் நிறைவு விழா நிகழ்ச்சிகள் தொடங்கின. லண்டன் ஐ, பிக் பென் மற்றும் லண்டன் பாலம் ஆகியவற்றின் மாதிரிகள் காண்பிக்கப்பட்டன.

நிறைவு விழாவின் போது, வீரர், வீராங்கனைகள் தங்கள் நாட்டுக் கொடியை ஏந்தி அணிவகுத்துச் சென்றனர். இந்தியாவின் சார்பில், குத்துச்சண்டையில் வெண்கலப் பதக்கம் வென்ற வீராங்கனை மேரி கோம் தேசியக் கொடியை ஏந்திச் சென்றார்.

பின்னர் அனைத்து வீரர், வீராங்கனைகளும் ஒருங்கிணைந்து, கலை நிகழ்ச்சிகளைப் பார்த்து ரசித்தனர். அதனைத் தொடர்ந்து ஆடவருக்கான மராத்தான் ஓட்டத்தில் வெற்றி பெற்ற வீரர்களுக்கு பதக்கம் வழங்கும் நிகழ்ச்சி நடைபெற்றது.

தொடர்ந்து நடைபெற்ற கலை நிகழ்ச்சிகளுக்கு இடையே, சர்வதேச ஒலிம்பிக் கமிட்டியின் தலைவர் ஜாக் ரோக் உரையாற்றினார்.

30வது ஒலிம்பிக் போட்டிகளை வெற்றிகரமாக நடத்திக் கொடுத்த லண்டனுக்கும், இங்கிலந்து மக்களுக்கும் அவர் நன்றி தெரிவித்துக் கொண்டார்.

நிறைவு விழா நிகழ்ச்சிகள் நடைபெற்றது இரவு நேரத்தில் என்றாலும், ஒலிம்பிக் மைதானத்தில் நிகழ்த்தப்பட்ட வாண வேடிக்கை நிகழ்ச்சிகள் அந்தப் பகுதியை பகல் போல் ஜொலிக்கச் செய்தது. 3 ம‌ணி நேரத்திற்கும் மேலாக நடைபெற்ற நிறைவு விழா நிகழ்ச்சி அதிகாலை 4. 45 மணியளவில் முடிவுக்கு வந்தது.

லண்டனில் ஒலிம்பிக் போட்டிகள் நடத்தப்படுவது இது 3 வது முறை. கடந்த 1908, 1948 ஆ‌கிய ஆண்டுகளில் இதே லண்டனில் ஒலிம்பிக் போட்டிகள் நடத்தப்பட்டன. தற்போது மூன்றாவது முறையாக ஒலிம்பிக் போட்டியை வெற்றிகரமாக நடத்தியதன் மூலம், அதிக ஒலிம்பிக் போட்டிகளை நடத்திய ஒரே நகரம் என்ற பெருமையை லண்டன் பெற்றுள்ளது.
லண்டன் 2012 ஒலிம்பிக்
--
வெப் துனியா தமிழ்

Guest · Guest Mon Aug 13, 2012 10:12 am

கோலாகலமான இசை நிகழ்ச்சிகளுடன் நிறைவடைந்தது 2012 ஒலிம்பிக்ஸ்

‌நி‌றைவடை‌ந்தது 'ல‌ண்ட‌ன் 2012 ஒலிம்பிக்' CC10

லண்டன் ஒலிம்பிக் போட்டி, வண்ண மயமான கலை நிகழ்ச்சிகள், கோலாகலமான இசை நிகழ்ச்சிகளுடன் இன்று அதிகாலை நிறைவடைந்தது. தொடக்க விழாவில் சாதிக்க வேண்டுமென்ற துடிப்புடன் இருந்த வீரர், வீராங்கனைகள், நிறைவு விழாவில், பதக்கம் வென்று சாதித்ததை மகிழ்ச்சி பொங்கக் கொண்டாடினர்.

லண்டனில் ஒலிம்பிக் போட்டிகள் நடத்தப்படுவது இது மூன்றாவது முறை… கடந்த 1908ம் ஆண்டு மற்றும் 1948ம் ஆண்டுகளில் இதே லண்டனில் ஒலிம்பிக் போட்டிகள் நடத்தப்பட்டன. தற்போது மூன்றாவது முறையாக ஒலிம்பிக் போட்டியை வெற்றிகரமாக நடத்தியதன் மூலம், அதிக ஒலிம்பிக் போட்டிகளை நடத்திய ஒரே நகரம் என்ற பெருமையை லண்டன் பெற்றுள்ளது.
இந்திய நேரப்படி அதிகாலை ஒன்றரை மணியளவில், லண்டன் ஒலிம்பிக் மைதானத்தில் நிறைவு விழா நிகழ்ச்சிகள் தொடங்கின. லண்டன் ஐ, பிக் பென் மற்றும் லண்டன் பாலம் ஆகியவற்றின் மாதிரிகள் காண்பிக்கப்பட்டன. வின்ஸ்டன் சர்ச்சின் போல் வேடமணிந்த ஒருவர் கலை நிகழ்ச்சிகளை நடத்தியது பார்வையாளர்களை ஆச்சரியப்படுத்தியது. பாடகர்கள் ரே டேவிஸ் மற்றும் எமிலி ஆகியோர் பாடல்களைப் பாடி ரசிகர்களை மகிழ்வித்தனர்.

நிறைவு விழாவின் போது, வீரர், வீராங்கனைகள் தங்கள் நாட்டுக் கொடியை ஏந்தி அணிவகுத்துச் சென்றனர். இந்தியாவின் சார்பில், குத்துச்சண்டையில் வெண்கலப் பதக்கம் வென்ற வீராங்கனை மேரி கோம் தேசியக் கொடியை ஏந்திச் சென்றார். பின்னர் அனைத்து வீரர், வீராங்கனைகளும் ஒருங்கிணைந்து, கலை நிகழ்ச்சிகளைப் பார்த்து ரசித்தனர். அதனைத் தொடர்ந்து ஆடவருக்கான மராத்தான் ஓட்டத்தில் வெற்றி பெற்ற வீரர்களுக்கு பதக்கம் வழங்கும் நிகழ்ச்சி நடைபெற்றது.
உகாண்டா வீரர் ஸ்டீஃபன் கிப்ரோடிச் தங்கப் பதக்கத்தை பெருமிதத்துடன் ஏற்றுக் கொண்டார். கென்ய வீரர்கள் அபெல் மற்றும் வில்சன் ஆகியோர் வெள்ளி மற்றும் வெண்கலப் பதக்கங்களை வென்றனர்.

தொடர்ந்து நடைபெற்ற கலை நிகழ்ச்சிகளுக்கு இடையே, சர்வதேச ஒலிம்பிக் கமிட்டியின் தலைவர் ஜாக் ரோக் உரையாற்றினார்.
30வது ஒலிம்பிக் போட்டிகளை வெற்றிகரமாக நடத்திக் கொடுத்த லண்டனுக்கும், இங்கிலந்து மக்களுக்கும் அவர் நன்றி தெரிவித்துக் கொண்டார்.
நிறைவு விழா நிகழ்ச்சிகள் நடைபெற்றது இரவு நேரத்தில் என்றாலும், ஒலிம்பிக் மைதானத்தில் நிகழ்த்தப்பட்ட வாண வேடிக்கை நிகழ்ச்சிகள் அந்தப் பகுதியை பகல் போல் ஜொலிக்கச் செய்தது.

சுமார் மூன்று மணி நேரத்திற்கும் மேலாக நடைபெற்ற நிறைவு விழா நிகழ்ச்சி அதிகாலை 4. 45 மணியளவில் முடிவுக்கு வந்தது.

--
புதிய தலைமுறை