வீட்டிலே popcorn செய்வது எப்படி ? -இனிப்பு / Caramel Popcorn

First topic message reminder :

popcorn  செய்வது எப்படி ?

தேவையானவை :

50  கிராம் பாப்கார்ன் அதாவது காய்ந்த சோளம்
1 தேக்கரண்டி எதாவது ஒரு எண்ணெய்
உப்பு கொஞ்சம்

செய்முறை :

7 .5  அல்லாது 10  லிட்டர் குக்கர் அல்லது ஒரு ஆழமான இலுப்ப சட்டி மூடியுடன் எடுத்துக்கொள்ளுங்கள்.
எண்ணெய் , உப்பு மற்றும் சோளத்தை அதில் போடுங்கள்.
அடுப்பில்  வையுங்கள் , சோளம் நன்கு பொரிந்து  வெடிக்க ஆரம்பித்ததும் மூடியால் மூடிவிடவும்.
'பட் பட்' என்று வெடிக்கும் சத்தம் கேட்க ஆரம்பித்ததும், அடுப்பை சின்னதாக வைக்கவும்.
முழுதாக  சத்தம் நின்றதும் அடுப்பை அணைத்து விடவும் .
திறந்து பார்த்தால் அந்த குக்கர் நிறைய பாப்கார்ன் இருக்கும்.
கப்பில் போட்டு சாப்பிட வேண்டியது தான்.

குறிப்பு: தேவையானால் தேங்காய் எண்ணெயில் பொரிக்கலாம். காரம் தேவையானால் எண்ணெய் இல் சோளத்தை   போடும் முன் பொடியாக நறுக்கின பச்சை மிளகாய்  போட்டு பொறித்து  எடுத்து விடவும். பிறகு சோளத்தை போட்டு பொரிக்கவும்.

சார்லஸ் mc wrote:இரண்டு பதிவுகளையும் விரும்பினேன்.

நன்றி சார்லஸ்

இனிப்பு / Caramel Popcorn 2

தேவையானவை:

50 கிராம் பாப்கார்ன் அதாவது காய்ந்த சோளம்
1 தேக்கரண்டி எதாவது ஒரு எண்ணெய்
100  கிராம்  சர்க்கரை
1 தேக்கரண்டி வெண்ணை
ஒரு சிட்டிகை உப்பு
இரண்டு சிட்டிகைகள் சோடாஉப்பு

செய்முறை :

7 .5 அல்லாது 10 லிட்டர் குக்கர் அல்லது ஒரு ஆழமான இலுப்ப சட்டி மூடியுடன் எடுத்துக்கொள்ளுங்கள்.
எண்ணெய் மற்றும் சோளத்தை அதில் போடுங்கள்.
அடுப்பில் வையுங்கள் , சோளம் நன்கு பொரிந்து வெடிக்க ஆரம்பித்ததும் மூடியால் மூடிவிடவும்.
'பட் பட்' என்று வெடிக்கும் சத்தம் கேட்க ஆரம்பித்ததும், அடுப்பை சின்னதாக வைக்கவும்.
முழுதாக சத்தம் நின்றதும் அடுப்பை அணைத்து விடவும் .
திறந்து பார்த்தால் அந்த குக்கர் நிறைய பாப்கார்ன் இருக்கும்.
இதை அப்படியே வைத்துவிட்டு மற்றும் ஒரு வாணலி அல்லது ஆழமான உருளி அல்லது நான்ஸ்டிக் பாத்திரத்தில் சர்க்கரையை போடவும்.
அது நன்கு உருகி கட்டி இல்லாமல் தண்ணீர் போல ஆகவேண்டும்.
எனவே அதைக் கிளறிக்கொண்டே இருங்கள்.
அத்துடன் சிட்டிகை உப்பு போடுங்கள்.
முழுவதும் ஒருவித பிரவுன் கலரில் நீர்க்க ஆகும்.
இதுவே 'காரமல்' எனப்படுவது.
இப்பொழுது இதில் வெண்ணையைப் போட்டு அடுப்பைச்சின்னதாக்கவும்.
கிளறிக்கொண்டே இருங்கள், வெண்ணை உருகட்டும்.
எல்லாமாக சேர்ந்து கொண்டதும், அடுப்பை அணைத்துவிடவும்.
பிறகு,  இதில் பொறித்துவைத்த பாப்கானைப் போட்டு கிளறுங்கள்.
எல்லா பாப்கானிலும் 'காரமல்/ caramel நன்கு பரவ வேண்டும்.
அவ்வளவுதான், கொஞ்சநேரம் ஆறவிடுங்கள், பிறகு உதிர்த்து பரிமாறுங்கள்.
ம்ம்...மிகவும் சுவையான 'கேரமல் பாப்கார்ன்' தயார்.
இது குழந்தைகளுக்கு மட்டும் இல்லை நமக்கும் மிகவும் பிடிக்கும்

நேற்றுதான் செய்தேன்..... முதன் முறையாக... அருமையாக வந்தது...போட்டோ பாருங்கள்



குறிப்பு: இதிலேயே Butterfly  popcorn  மற்றும் round  popcorn  என்று இருக்கிறதாம், எனக்கு இப்பொழுதுதான் தெரியும்...அந்த round  popcorn  உபயோகித்தால் இந்த கேரமல் பாப்கார்ன் மிகவும் அருமையாக , பார்க்க அழகாக இருக்கும் அவ்வளவுதான். ருசி இல் வேறுபாடு கிடையாது நான் அந்த பாப்கார்ன் ஐ சாப்பிட்டு இருக்கிறேன் ...நான் Butterfly  பாப்கார்ன் இல் தான் செய்தேன். ருசி இல் வேறுபாடு கிடையாது