பச்சடி வகைகள்

**சிவா** · **சிவா** Mon Sep 24, 2012 11:46 am

நெல்லிக்காய் பச்சடி

தேவையான பொருட்கள்

பெரிய நெல்லிக்காய் - 5
தயிர் - 1 கோப்பை
பச்சை மிளகாய் - 2
தேங்காய் துருவல் - ஒரு மேஜைக்கரண்டி
கடுகு - சிறிதளவு
உளுத்தம்பருப்பு - சிறிதளவு
கறிவேப்பிலை - சிறிதளவு
கொத்தமல்லித்தழை - சிறிதளவு
பெருங்காயத்தூள் - சிறிதளவு
எண்ணெய் - தேவையான அளவு
உப்பு - தேவையான அளவு

செய்முறை

1. சிறிது எண்ணெயில் பச்சை மிளகாயை வதக்கிக் கொள்ளவும்.

2. நெல்லிக்காயை வதக்கி, கொட்டை நீக்கி, உப்பு, வதக்கிய பச்சை மிளகாய், பெருங்காயம் சேர்த்து அரைக்கவும்.

3. அரைத்த நெல்லிக்காய் விழுதுடன் தயிரைச் சேர்க்கவும்.

4. வாணலியில் எண்ணெய் ஊற்றி கடுகு, உளுத்தம்பருப்பு, கறிவேப்பிலை போட்டு தாளித்து, தயிருடன் உள்ள நெல்லிக்காய் விழுதில் கொட்டவும்.

5. அதனுடன் நறுக்கிய கொத்தமல்லித்தழை, தேங்காய்ப்பூ சேர்த்து பரிமாறவும்.

குறிப்பு

1. தேங்காய்ப்பூவை நெல்லிக்காயுடன் சேர்த்தும் அரைக்கலாம், தனியாகவும் சேர்க்கலாம்.

**சிவா** · **சிவா** Mon Sep 24, 2012 11:47 am

கேரட் பச்சடி

தேவையான பொருட்கள்

கேரட் - 2
தயிர் - 2 கோப்பை
பச்சை மிளகாய் - 4
இஞ்சி - சிறிய துண்டு
தேங்காய் துருவல் - ஒரு மேஜைக்கரண்டி
கடுகு - சிறிதளவு
உளுத்தம்பருப்பு - சிறிதளவு
கறிவேப்பிலை - சிறிதளவு
கொத்தமல்லித்தழை - சிறிதளவு
எண்ணெய் - தேவையான அளவு
உப்பு - தேவையான அளவு

செய்முறை

1. கேரட்டை தோல் நீக்கி சுத்தம் செய்து துருவிக் கொள்ளவும்.

2. வெங்காயம், பச்சை மிளகாய், இஞ்சி ஆகியவற்றை பொடியாக நறுக்கிக் கொள்ளவும்.

3. வாணலியில் எண்ணெய் ஊற்றி கடுகு, உளுத்தம்பருப்பு, கறிவேப்பிலை போட்டு தாளித்துக்கொள்ளவும்.

4. பின்னர் அதில் வெங்காயம், பச்சை மிளகாய், இஞ்சியைச் சேர்த்து வதக்கி, கேரட் துருவல் மேல் போடவும்.

5. அதனுடன் உப்பு, தேங்காய்ப்பூ சேர்த்து கலக்கவும்.

6. பின்னர் தயிர் கலந்து, பொடியாக நறுக்கிய கொத்தமல்லித்தழை சேர்த்து பரிமாறவும்.

குறிப்பு

1. தேங்காய் துருவல் தேவைப்பட்டால் சேர்க்கலாம்.

2. கேரட்டை வேக விடக் கூடாது.

**ராஜா** · **ராஜா** Mon Sep 24, 2012 11:48 am

பச்சடி என்றால் நெருப்பில்லாமல் சமைப்பது தானே தல ,

**சிவா** · **சிவா** Mon Sep 24, 2012 11:49 am

பீட்ரூட் பச்சடி

தேவையான பொருட்கள்

பீட்ரூட் - 1
பெரிய வெங்காயம் - 1 (சிறியது)
பச்சை மிளகாய் - 4
தயிர் - 1 கோப்பை
தேங்காய் துருவல் - ஒரு மேஜைக்கரண்டி
கடுகு - சிறிதளவு
உளுத்தம்பருப்பு - சிறிதளவு
கறிவேப்பிலை - சிறிதளவு
கொத்தமல்லித்தழை - சிறிதளவு
எண்ணெய் - தேவையான அளவு
உப்பு - தேவையான அளவு

செய்முறை

1. பீட்ரூட்டை தோல் நீக்கி சுத்தம் செய்து துருவிக் கொள்ளவும்.

2. வெங்காயத்தை சன்னமாகவும், பச்சை மிளகாயை நீள வாக்கிலும் நறுக்கிக் கொள்ளவும்

3. வாணலியில் எண்ணெய் ஊற்றி கடுகு, உளுத்தம்பருப்பு கறிவேப்பிலை போட்டு தாளித்துக்கொள்ளவும்.

4. பின்னர் அதில் வெங்காயம், பச்சை மிளகாய் சேர்த்து வதக்கி, பீட்ரூட்டின் மேல் போடவும்.

5. அதனுடன் உப்பு, தேங்காய்ப்பூ சேர்த்து கலக்கவும்.

6. பின்னர் தயிர் கலந்து, பொடியாக நறுக்கிய கொத்தமல்லித்தழை சேர்த்து பரிமாறவும்.

**சிவா** · **சிவா** Mon Sep 24, 2012 11:51 am

புடலங்காய் பச்சடி

தேவையான பொருட்கள்

புடலங்காய் - ஒரு பாதி
தயிர் - 1 கோப்பை
சின்ன வெங்காயம் - 5
பச்சை மிளகாய் - 2
தேங்காய் துருவல் - 1 மேஜைக்கரண்டி
கடுகு - சிறிதளவு
உளுத்தம்பருப்பு - சிறிதளவு
கறிவேப்பிலை - சிறிதளவு
கொத்தமல்லித்தழை - சிறிதளவு
எண்ணெய் - தேவையான அளவு
உப்பு - தேவையான அளவு

செய்முறை

1. இளசான புடலங்காய் மிகப் பொடியாக நறுக்கிக் கொள்ளவும்.

2. சின்ன வெங்காயத்தைப் பொடியாகவும், பச்சை மிளகாயை நீள் வாக்கிலும் நறுக்கிக் கொள்ளவும்.

3. வாணலியில் எண்ணெய் ஊற்றி கடுகு, உளுத்தம்பருப்பு, கறிவேப்பிலை போட்டு தாளித்து, நறுக்கிய வெங்காயம், பச்சை மிளகாயைச் சேர்த்து வதக்கவும்.

4. இதனுடன் நறுக்கிய புடலங்காய், உப்பு சேர்த்து லேசாக வதக்கி இறக்கவும்.

5. புடலங்காய் ஆறியதும், தயிர், நறுக்கிய கொத்தமல்லித்தழை, தேங்காய்ப்பூ சேர்த்து பரிமாறவும்.

குறிப்பு

1. புடலங்காயுடன் உப்பு சேர்த்து பிசறி சிறிது நேரம் வைத்து, பின்னர் தண்ணீர் நீக்கி, தாளித்த பொருட்களுடன் வதக்கமல் பச்சையாகவும் சேர்க்கலாம்.

**சிவா** · **சிவா** Mon Sep 24, 2012 11:52 am

பூசணிக்காய் பச்சடி

தேவையான பொருட்கள்

பூசணிக்காய் - ஒரு சிறிய பகுதி (பத்தை)
தயிர் - 1 கோப்பை
பச்சை மிளகாய் - 2
தேங்காய் துருவல் - 2 மேஜைக்கரண்டி
கடுகு - சிறிதளவு
உளுத்தம்பருப்பு - சிறிதளவு
கறிவேப்பிலை - சிறிதளவு
கொத்தமல்லித்தழை - சிறிதளவு
பெருங்காயத்தூள் - சிறிதளவு
எண்ணெய் - தேவையான அளவு
உப்பு - தேவையான அளவு

செய்முறை

1. பூசணிக்காயை துருவி வாணலியில் சிறிது நீர் விட்டு வேகவிடவும்.

2. பச்சை மிளகாயை தனியே அரைத்துக் கொள்ளவும்.

3. காய் வெந்ததும், உப்பு, அரைத்த பச்சை மிளகாய் சேர்த்து கொதிக்க விடவும்.

4. தனியே வாணலியில் எண்ணெய் ஊற்றி கடுகு, உளுத்தம்பருப்பு, கறிவேப்பிலை போட்டு தாளித்து, வெந்து கொண்டிருக்கும் பூசணிக்காயில் கொட்டி இறக்கவும்.

5. பூசணிக்காய் ஆறியதும், தயிர், கொத்தமல்லித்தழை, தேங்காய்ப்பூ சேர்த்து பரிமாறவும்.

குறிப்பு

1. பூசணிக்காய் கொழகொழவென இல்லாமல் கெட்டியாக இருக்க வேண்டும்.

**சிவா** · **சிவா** Mon Sep 24, 2012 11:53 am

வாழைத்தண்டு பச்சடி

தேவையான பொருட்கள்

வாழைத்தண்டு - 1 (சிறியது)
கெட்டி தயிர் - 1 கோப்பை
கறிவேப்பிலை - சிறிதளவு
வர மிளகாய் - 3
கடுகு - 1/4 தேக்கரண்டி
உடைத்து உளுந்து - 1/4 தேக்கரண்டி
கடலைப் பருப்பு - 1/4 தேக்கரண்டி
பெருங்காயம் - 2 சிட்டிகை
எண்ணெய் - 1 தேக்கரண்டி
உப்பு - தேவையான அளவு

செய்முறை

1. வாழைத்தண்டை வட்டவட்டமாக நறுக்கி நார்களை நீக்கி விட்டு பொடிப்பொடியாக நறுக்கி மோர்த் தண்ணீரில் போடவும்.

2. பிறகு இதனை பிழிந்து எடுத்து ஆவியில் வேக வைத்துக் கொள்ளவும்.

3. வாணலியை அடுப்பில் வைத்து எண்ணெய் ஊற்றி கடுகு, உடைத்த உளுந்து, கடலைப்பருப்பு, கறிவேப்பிலை, வர மிளகாய், பெருங்காயம் போட்டு தாளித்து, வேக வைத்த தண்டைப் போட்டு லேசாக வதக்கி இறக்கவும்.

4. பிறகு கெட்டித் தயிரில் உப்பு சேர்த்து கலக்கி வேகவைத்து, தாளித்த வாழைத்தண்டில் கொட்டி ஒரு கிளறு கிளறி பரிமாறவும்.

குறிப்பு

1. தயிர் கலந்த பின்பு அடுப்பில் வைக்கக் கூடாது.

2. தயிர் தண்ணியாகவும் இருக்கக் கூடாது.

3. வாழைத்தண்டு கறுக்காமல் இருப்பதற்காக மோர் தண்ணீரில் போடவும்.

ஆக்கம்

ச. சுதாதேவி
சென்னை - 600 050.

**சிவா** · **சிவா** Mon Sep 24, 2012 11:54 am

ராஜா wrote:பச்சடி என்றால் நெருப்பில்லாமல் சமைப்பது தானே தல ,

அப்படி இல்லை தல, அடுப்பே இல்லாமல் சமைப்பது!

யினியவன் · யினியவன் Mon Sep 24, 2012 11:56 am

என்ன பாஸ் கிருஷ்ணாம்மாவுக்கு போட்டியா கிளம்பிட்டீங்க?

ஓகோ இன்னும் நாலு மாசத்துல நீங்கதான் சமைக்கனுமோ? அதான் ஆரம்பிச்சிட்டீங்க... புன்னகை

தா.கமலக்கண்ணன் · 18/09/2012

நன்றி நன் இதை நிச்சயம் செய்து பார்பேன்.

Sponsored content · Sponsored content

பச்சடி வகைகள்

பச்சடி வகைகள்

Re: பச்சடி வகைகள்

Re: பச்சடி வகைகள்

Re: பச்சடி வகைகள்

Re: பச்சடி வகைகள்

Re: பச்சடி வகைகள்

Re: பச்சடி வகைகள்

Re: பச்சடி வகைகள்

Re: பச்சடி வகைகள்

Re: பச்சடி வகைகள்

Re: பச்சடி வகைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக