நண்பன்

**T.N.Balasubramanian** · **T.N.Balasubramanian** Sun Aug 05, 2012 8:43 pm

நண்பன்

அலை வரிசை ஒன்றாகி
விலை இல்லா உயிராகி
நீ நினைப்பதையே
அவன் நினைத்து
உந்தன் எண்ணத்தை
செயலாக்கும்
உந்தன் உயிரின்
பிரதிபலிப்பின் பெயர்
நண்பன்.

ரமணியன்.

இரா.பகவதி · இரா.பகவதி Sun Aug 05, 2012 8:55 pm

அய்யா அருமை உங்களுக்கு என் இனிய நண்பர்கள் தின வாழ்த்துக்கள் சூப்பருங்க

**T.N.Balasubramanian** · **T.N.Balasubramanian** Sun Aug 05, 2012 8:58 pm

வாழ்த்துக்கள் /நன்றி பகவதி. அன்பு மலர்

ரமணியன்

venugobal · venugobal Sun Aug 05, 2012 9:09 pm

கவிதை நன்று! ஆனால், அது சொல்லும் கருத்தில் எனக்கு மாறுபாடு உண்டு. வள்ளுவனார் 'நட்பு' பற்றி மட்டும் ஐந்து அதிகாரங்கள் ஒதுக்கியுள்ளார். ஒருவனின் வாழ்க்கைப்பாதையையே நட்பு இமைப்பொழுதில் மாற்றிவிடும். என்ன சொல்லி என்ன? எவரும் திருந்தியப்பாடில்லை! 'நண்பன் கிடைத்தால் எல்லாம் ஓசி! நண்பா நீ ஒரு இலவச டாக்சி!' இப்படியெல்லாம் பாடல் வரிகள்!!!
'நகுதற் பொருட்டன்று நட்டல் மிகுதிக்கண்
மேற்சென்று இடித்தற் பொருட்டு' கூடியிருந்து நகைப்பதற்கும் கும்மாளம் அடிப்பதற்கும் அன்று நட்பு! தவறும்போது இடித்துரைத்துத் திருத்தவே!' கொஞ்சம் கசப்பாகத்தான் இருக்கும்! அமைவாக இருந்து யோசித்தால் உண்மை புலப்படும்! சிந்தை தெளிவுறும்.

நண்பர் தினத்தில் சிந்தனைக்கு இக்கருத்தை முன்வைக்கிறேன்!
ஆராய்ந்து கொள்ளும் நட்பால்
ஓராயிரம் நன்மை உண்டு -- நன்கு
தேராமல் கொள்ளும் நட்பால்
சூழ்ந்திடும் துன்பம் நூறு!