முக அழகு முக்கியமல்ல

அழகைப் பற்றி கவலைப்படும்போது மனதில் எதிர்மறை சிந்தனைகள் உருவாகும். அவை நம்மை சோர்வடையச் செய்வதோடு நம் திறமையையும் அது புதைத்துவிடும்.

அழகு என்பது முகத்திலோ, உடலிலோ அல்ல. மனதில் இருக்கும் தன்னம்பிக்கைதான் பேரழகு. தன்னம்பிக்கை மூலம் வெளிப்படும் அழகு உடல் குறைகளைக்கூட மறைத்துவிடும்.

உடல் குறைகள் பெரும்பாலும் தவிர்க்க முடியாதது. ஒருவர் உயரம் குறைவாக இருந்தால் அது அவருடைய வம்சாவழியின் தொடர்ச்சியாகவும் இருக்கும்.

முகப்பருவை எடுத்துக்கொள்ளுங்கள். இளமைப் பருவத்தில் 85 சதவீதம் பேருக்கு முகப் பருக்கள் வந்துவிடுகின்றன. அதில் 25 சதவீதம் பேருக்கு அதன் அடையாளம் முகத்திலே தங்கி விடுகிறது.

இன்றைய வாழ்க்கை சூழலில் உணவின் மாற்றங்களால், வாழ்க்கை முறையால், சுற்றுப்புற சூழலால் முகப்பருவும் ஏற்படுகிறது. உடல் பருமனும் ஏற்படுகிறது. இந்தியாவில் 55 சதவீதம் பேர் வரை உடல் பருமனால் அவதிப்படுகிறார்கள். உடல் எடை அதிகரிப்பும், முகப்பருவும் வந்துவிட்டால் அதை குறைக்க முற்படவேண்டுமே தவிர, அதையே நினைத்து வருந்தி, சோகத்தில் மூழ்கிப்போய்விடக் கூடாது.

சினிமா மற்றும் டெலிவிஷன்களில் முகவசீகரம் மற்றும் கட்டான உடலுக்கே முதலிடம் தரப்படுகிறது. நல்ல உயரம், முக அழகுடன் இருக்கும் நபர் கதாநாயகனாகவும் குள்ளமாக இருக்கும் நடிகர் சிரிப்பு கதாபாத்திரத்திலும் நடிக்கிறார்கள். ஆனால் ரசிகர்களை சிரிக்கவும், சிந்திக்கவும் வைக்கிறவர்கள் சிரிப்பு நடிகர்கள்தான்.

நம்முடைய புற அழகை மற்றவர்கள் விமர்சிக்கலாம். அப்படிப்பட்டவர்களுக்கு முக்கியத்துவம் கொடுத்து நம்மை நாமே, தாழ்த்திக் கொள்ளக் கூடாது.

இன்று கடைகளில் ஏகப்பட்ட அழகு சாதனங்கள் விற்பனைக்கு வந்து குவிந்துவிட்டன. அதை வாங்குபவர்கள் மிக மிக அதிகரித்திருக்கிறார்கள். ஆனால் எந்த அழகு சாதனத்தாலும் இயற்கையை எதிர்த்து ஜெயிக்க முடியாது.

மனோதத்துவ நிபுணர் டாக்டர் குப்தா கூறுகிறார். "முக அழகிற்கு அதிக முக்கியத்துவம் கொடுக்கும் இளம்பெண்கள் பலர் தங்கள் தனித்தன்மையை இழந்து மனஅழுத்தத்திற்கு உள்ளாகுகிறார்கள். இதனால் ஏற்படும் மனப் போராட்டம், அவர்களை வாழ்க்கையில் வெறுப் படைய செய்கிறது. கோபம், எரிச்சல், எதிர்காலத்தைப் பற்றிய பயம் அவர்களை சூழ்ந்து கொள்கிறது.

இப்படிப்பட்டவர்கள் உலகத் தலைவர்களின் வாழ்க்கை வரலாற்றை புரட்டிப்பார்க்கவேண்டும். ஆபிரகாம் லிங்கன் முகவசீகரத்தை வைத்தா அமெரிக்க அதிபரானார்? நெல்சன் மண்டேலா எதைக் கொண்டு உலகப் புகழ் பெற்றார். சார்லி சாப்ளின் சாதனைக்கு அவர் உடல் அழகா காரணமாக இருந்தது? வெளியழகை நினைத்து அவர்கள் கவலைப்பட்டிருந்தால் உலகப்புகழ் பெற்றிருக்க முடியுமா?

வாழ்க்கையில் ஒவ்வொருவரும் சாதிக்க பிறந்திருக்கிறோம் என்பதை நினைவில் கொள்ள வேண்டும். தங்களின் வெளியழகை நோக்கி வரும் விமர்சனங்கள் வெறும் காகித அம்புகள் தான். நம்மை சிதைக்கும் சக்தி அந்த அம்புகளுக்கு இல்லை. அதனால் அதை நினைத்து வருந்தக்கூடாது. இதயம் அழகானால் எல்லாம் அழகாகும்.''

தினத்தந்தி

ஒருவர் மற்றவரிடம் எப்படி நடந்துக்கொள்கிறார் என்பதை வைத்தே அவர்களுக்கு மரியாதை கொடுக்கப்படும்.. எவ்வளவு அழகானவராக இருந்தாலும் பழக்கவழக்கம் சரியில்லையென்றால் ..?

அசுரன் wrote:ஒருவர் மற்றவரிடம் எப்படி நடந்துக்கொள்கிறார் என்பதை வைத்தே அவர்களுக்கு மரியாதை கொடுக்கப்படும்.. எவ்வளவு அழகானவராக இருந்தாலும் பழக்கவழக்கம் சரியில்லையென்றால் ..?

சாதிக்க பிறந்திருக்கிறோம் என்பதை நினைவில் கொள்ள வேண்டும்.

அழகு என்பது முக்கியமில்லை தான் உள்ளம் அழகாக இருந்தால் வெளிதோற்றமும் அழகாக இருக்கும்.

அழகு என்பது முக்கியமில்லை தான் உள்ளம் அழகாக இருந்தால் வெளிதோற்றமும் அழகாக இருக்கும்.

நான் கூட மு.கருணாநிதியின் மகன் அழகிரிய (முக அழகு) சொல்ரீங்கலோன்னு நெனச்சேன்.

படித்தேன் ...அழகு நீ சிரித்தல் அழகு..