ஹாலிவுட் இயக்குநர்கள் - கிறிஸ்டோபர் நோலன்

திரைப்படங்கள்
1.ஃபாலோயிங்
2.மெமென்டோ
3.இன்சோம்னியா
4.பேட்மேன் பிகின்ஸ்
5.தி பிரஸ்டீஜ்
6.தி டார்க் நைட்
7.இன்செப்ஷன்
8.தி டார்க் நைட் ரைஸஸ்.

நோலனின் இங்கிலாந்தில் பிறந்து அங்கேயே கல்வி கற்று வளர்ந்தவர். இங்கிலாந்து மற்றும் அமெரிக்கக் குடியுரிமை உடையவர். டாரன்டெல்லா, லார்செனி, டூடில்பக் முதலிய குறும்படங்களை இயக்கினார்.

அவரது முதல் முழுநீளத்திரைப்படமான ஃபாலோயிங் மிகக் குறைவான தொகையுடன் கறுப்பு வெள்ளைத் திரைப்படமாக மிகக் குறைந்த திரையரங்குகளில் வெளியிடப்பட்டு ஐம்பதினாயிரம் டாலர்களை வசூலித்தது. நான்-லீனியர் (இதைத் தமிழில் துல்லியமாக மொழிபெயர்க்க முடியவில்லை. தோழர்கள் உதவவும்) திரைக்கதை உத்திக்காக மிகவும் பாராட்டப்பட்டது. பிற்பாடு வெளியான நோலனின் பல திரைப்படங்களில் இவ்வுத்தியைக் காணலாம்.

நோலனின் இரண்டாவது திரைப்படமான மெமென்டோ அவரது சகோதரர் ஜோனதன் எழுதிய மெமென்டோ மோரி சிறுகதையைத் தழுவி எடுக்கப்பட்டது. இத்திரைப்படமும் நான்-லீனியர் கதைப்போக்கினைப் பின்பற்றியது. அதிகமாக வசூல் இல்லாமலிருந்த போதும் இத்திரைப்படம் அதிகமாக பாராட்டப்பட்டது. இன்றுகூட அத்திரைப்படத்தைப் பார்க்கும் போது அதில் புதைந்திருக்கும் மர்மத்தன்மையை உணரலாம். (இத்தகைய அருமையான திரைக்கதை கஜினி என்ற பெயரால் இந்திய மசாலா தூவப்பட்டு சிதைக்கப்பட்டது தனிக்கதை).

நோலனின் மூன்றாவது திரைப்படமான இன்சோம்னியாவில் பழம்பெரும் நடிகரான அல் பாசினோ காவல்துறை துப்பறிவாளராக நடித்தார். இத்திரைப்படம் 1997ல் வெளிவந்த ஒரு நார்வே திரைப்படத்தைத் தழுவி எடுக்கப்பட்டது. அந்தக் காவல்துறை அதிகாரியின் மனப்போராட்டங்களை இப்படம் சித்தரித்தது.

தி பிரஸ்டீஜ் திரைப்படத்தில் ஹியூ ஜாக்மனும், கிறிஸ்டியன் பேலும் கண்கட்டு வித்தை நிபுணர்களாக நடித்திருப்பார்கள். அவர்களிருவருக்குமிடையிலான போட்டியை நான் லீனியர் வகையில் சித்தரித்தது இத்திரைப்படம்.

இன்செப்ஷன் திரைப்படத்தில் டைட்டானிக் புகழ் காப்ரியோ கனவுகளைத் திருடுபவராக நடித்திருந்தார். கனவுகளுக்குள் கனவு என்று செல்கிறது திரைப்படம்.

இது மட்டுமல்லாமல் நோலன் மூன்று பேட்மேன் படங்கைளயும் இயக்கியுள்ளார்.