ஸ்போர்ட்ஸ் - அமெரிக்கா - சீனா யார் நெ. 1?

008 பீஜிங் ஒலிம்பிக்ஸ் போட்டியில் அமெரிக்காவை முந்திக் கொண்டு முதலிடத்தைப் பெற்றது சீனா. ஒலிம்பிக்ஸ் வரலாற்றில் இது பெரிய திருப்பம். அமெரிக்காவை வெல்வது அவ்வளவு எளிதல்ல. அமெரிக்கர்கள் ஒலிம்பிக்ஸ் களத்தில் அள்ளவது சுலபமாகத் தோல்வியை ஏற்றுக் கொள்ளமாட்டார்கள். லண்டனில், சீனாவுக்குப் பதிலடி கொடுக்கக் காத்திருக்கிறது, அமெரிக்கா.

ஒலிம்பிக்ஸ் வரலாற்றில், சீனாவின் பங்களிப்பில் ஏராளமான சர்ச்சைகள் உருவாகியிருக்கின்றன. 30 வருடங்களுக்கு முன்பு, வருங்காலத்தில், சீனாதான் அமெரிக்காவுக்குக் கடும் நெருக்கடியைத் தரப்போகிறது என்று சொல்லியிருந்தால் யாரும் நம்பியிருக்க முடியாது. 1932 முதல் ஒலிம்பிக்ஸில், சீனா கலந்துகொண்டு வருகிறது. 1949ல், (மாவோவின்) மக்கள் சீனக் குடியரசு தேசம் உருவான பிறகு, ஒலிம்பிக்ஸில் சீனா கலந்து கொள்வதில் ஏராளமான குழப்பங்களும் தகராறுகளும் ஏற்பட்டன. அப்போது, மக்கள் சீனக் குடியரசுக்கும் (தாய்வான்) இடையே யுத்தம் நடந்துகொண்டிருந்தது. 1952ல் இரு நாடுகளும் ஒன்றாக ஒலிம்பிக்ஸில் கலந்துகொண்ட போது இவ்விருவரில் சீனப் பிரதிநிதி யார் என்கிற கேள்வி எழுந்தது. இதனால், மக்கள் சீனக் குடியரசு ஒலிம்பிக்ஸில் கலந்து கொள்ள மறுத்துவிட்டது. 1952க்குப் பிறகு தாய்வான் மட்டுமே வரிசையாக எல்லா ஒலிம்பிக்ஸ்களிலும் கலந்துகொண்டது. 1980ல்தான் இப்பிரச்னைக்கு ஒரு முடிவு எடுக்கப்பட்டது. மக்கள் சீனக் குடியரசை சீனப் பிரதிநிதியாக ஒலிம்பிக்ஸ் சங்கள் ஏற்றுக் கொண்டது. இதனால் சீனக் குடியரசு, சீன தைபே என்கிற பெயரில் ஒலிம்பிக்ஸில் கலந்துகொள்ளும் என்று அறிவிக்கப்பட்டது. பிறகு 1984ல் தான் மீண்டும் ஒலிம்பிக்ஸில் கலந்து கொண்டது, சீனா. அந்த ஒலிம்பிக்ஸில் ரஷ்யா, ஜெர்மனி போன்ற நாடுகள் கலந்து கொள்ளாததால் சீனா மூன்றாம் இடம்பிடித்தது. இதன் பிறது, சீனாவின் ஓட்டத்தை யாராலும் தடுத்து நிறுத்த முடியவில்லை.

முதலில், அமெரிக்காவும், ரஷ்யாவுக்கும் இடையே பல்லாண்டு காலமாக நிலவி வந்த போட்டியைத் தகர்த்தது. 1992 ஒலிம்பிக்ஸில், நான்காம் இடத்தைப் பிடித்த சீனா, 2000ம் ஆண்டு நடந்த சிட்னி ஒலிம்பிக்ஸில் மூன்றாம் இடத்தைப் பிடித்தது. ரஷ்யாவுக்கு அன்றிலிருந்து கெட்ட நேரம்தான். 2004 ஏதென்ஸ் ஒலிம்பிக்ஸில், முதல் முறையாக ரஷ்யாவைப் பின்னுக்குத் தள்ளி விட்டு இரண்டாம் இடத்தைப் பிடித்த சீனா, அடுத்து ஒலிம்பிக்ஸில், ஜாம்பவானான அமெரிக்காவையும் தோற்கடித்தது. அதிலும் ஒன்றிரண்டு தங்க வித்தியாசத்தில் முன்னிலை பெறவில்லை. அமெரிக்காவை விடவும் அதிகமாக 15 தங்கங்களைப் பெற்றது சீனா (சீனா 51, அமெரிக்கா 36), பீஜிங்கில், ரஷ்யாவால் 23 தங்கங்களை மட்டுமே பெறமுடிந்தது. (சீனாவிடம் தோற்றுப்போன ரஷ்யா, இந்த முறை மூன்றாம் இடத்துக்குப் போட்டியிடுகிறது. 3ம் இடத்தைப் பிடிக்க ரஷ்யாவுக்கும் இங்கிலாந்துக்கும் இடையே தான் கடுமையான போட்டி).

நவீன ஒலிம்பிக்ஸின் ராஜா, அமெரிக்காதான். 1896ல். ஏதென்ஸில் நடந்த முதல் நவீன ஒலிம்பிக்ஸிலிருந்து அமெரிக்காவின் ஆதிக்கம்தான். ரஷ்யா கடும்போட்டி கொடுத்தாலும் எப்போதும் அமெரிக்கா தான் பதக்கப் பட்டியலில் முதலிடத்தை வகிக்கும். 2008 வரை இதே நிலைமைதான். பீஜிங்கில், சீனாவை அமெரிக்கா எப்படிச் சமாளிக்கப்போகிறது என்கிற கேள்வி எழுந்தது. பயந்தது போலவே, சீனா பதக்கப்பட்டியலில் முந்திக் கொண்டது. ஒலிம்பிக்ஸ் வரலாற்றில் இது அடுத்தக் கட்டம். ஆனால், பீஜிங்கில் நடந்ததால் சீனாவால் முதலிடம் பெறமுடிந்தது என்று தன்னைத் தேற்றிக் கொண்டது. பீஜிங்கில் சீனாவை விடவும் குறைவான தங்கங்களைப் பெற்றாலும் ஒட்டுமொத்த பதக்கப் பட்டியலில் சீனாவை விடவும் 10 பதக்கங்களை அதிகமாகப் பெற்றது, அமெரிக்கா. லண்டன் ஒலிம்பிக்ஸூக்கு அமெரிக்கா 530 வீரர்களை அனுப்பியுள்ளது. ஆனால், சீனாவோ 396 வீரர்களை மட்டுமே அனுப்பியிருக்கிறது. அமெரிக்கர்கள் நீச்சல் போட்டியிலும் அத்லெடிக் போட்டிகளிலும் அதிக தங்கப் பதக்கங்களை வெல்வார்கள். ஒலிம்பிக்ஸ் புள்ளி விவரங்களின்படி, போட்டியை நடத்தும் நாடு அடுத்த ஒலிம்பிக்ஸில் 32 சதவிகிதம் குறைவான தங்கமும் 26 சதவிகிதம் குறைவான பதக்கங்களும் பெறும் என்பதால், லண்டனில் சீனாவின் திடீர் ஆதிக்கத்தை அமெரிக்கா முறியடிக்க வாய்ப்பிருக்கிறது.

- ச.ந. கண்ணன்.

நன்றி - தினமலர் மற்றும் கல்கி வார இதழ்...

நாங்கள் 1900 முதல் ஒலிம்பிக்கில் கலந்து கொள்கிறோம் என்பதை பெருமையுடன் தெரிவித்துக் கொள்கிறோம்!

- இந்தியக் குடிமகன்!

சிவா wrote:நாங்கள் 1900 முதல் ஒலிம்பிக்கில் கலந்து கொள்கிறோம் என்பதை பெருமையுடன் தெரிவித்துக் கொள்கிறோம்!

- இந்தியக் குடிமகன்!

ஓஹோ.... விஷயம் அப்படி போகுதா...

இந்த பழம் புளிக்கும்... கதை உங்களுக்கு தெரியாது போல.... சோ சாரி

கலந்துக்கொள்வதே பெருமை தானே!

சீனர்களின் உழைப்பு மரியாதைக்குரியது

இந்த முறை இந்தியாவின் பங்களிப்பில் நல்ல முன்னேற்றம் தான். இதேபோல் தொடர்ந்தால் இன்னும் 10,15 வருடங்களுக்கு அப்புறமாவது நாமும் அதிக பதங்கள் வாங்க வாய்ப்பிருக்கு.

ஒலிம்பிக்கில் கிரிக்கெட்டை சேர்க்க சொல்லுங்கள் . ஒரு பதக்கம் நமக்கு கிடைக்கும்.

இப்ப புரியுதா இந்த பட்டியல்ல நான் எப்படி வந்தேன்னு -சீனா

யினியவன் wrote:இந்த முறை இந்தியாவின் பங்களிப்பில் நல்ல முன்னேற்றம் தான். இதேபோல் தொடர்ந்தால் இன்னும் 10,15 வருடங்களுக்கு அப்புறமாவது நாமும் அதிக பதங்கள் வாங்க வாய்ப்பிருக்கு.

ஆமாமா! என் வாரிசுகள் ஒலிம்பிக்கில் கலந்து கொண்டு பதக்கங்கள் வாங்குவதற்கு 15 ஆண்டுகள் ஆகும் தானே!