பங்குச்சந்தையில் பணம் எப்படிப்போடுவது?

கடந்த இதழில் கடைசி பாராவாக வந்த “எவ்வளவு ரூபாய்க்கு பங்குகளை வாங்க வேண்டும்’ என்ற கேள்வியைப் படித்த நண்பர் ஒருவர், “லட்சக்கணக்கான வாசகர்கள் படிக்கும் சூழலில் ஒவ்வொருவருக்கும் ஒவ்வொரு விதமான வரவு செலவு இருக்கும் உங்களால் எப்படி பொதுவான முதலீட்டுக் கணக்கைச் சொல்லமுடியும்’ என்றார்.

ஆற்றில் கொட்டினாலும் அளந்து கொட்டுங்கள் என்பார்கள். ஆழம் தெரிந்த ஆற்றுக்கே இதுதான் என்றால் ஆழம் தெரியாத பங்குச் சந்தையில் போடும்போது என்னவெல்லாம் கவனிக்க வேண்டும். நொடிக்கு நொடி வேறுமுகம் காட்டும் பங்குச் சந்தையை சுலபமாக எதிர்கொள்ள வேண்டுமென்றால் அதற்கென்று ஒரு யுக்தியைக் கையாள வேண்டும்.

உங்களிடம் உபரியாக ஒரு பத்தாயிரம் ரூபாய் இருக்கிறது. பங்குச் சந்தையில் வர்த்தகம் செய்யும் தயார்நிலையில் இருக்கிறீர்கள். இந்தச் சூழலில் பத்தாயிரம் ரூபாய்க்கும் பங்குகளை வாங்கிவிடக்கூடாது. அதுதான் நான் சொல்ல வந்த விஷயம்.

ஓர் உதாரணத்துக்கு ஒரு பங்கினை எடுத்துக் கொள்வோம். அதன் விலை நூறாக இருக்கிறது என்றா நிலையில் பத்தாயிரம் ரூபாய்க்கு நூறு பங்குகளை வாங்கி விடலாம். என்ன வாங்கிவிடலாமா...? கையில் காசு இருக்கிறது வாங்கிவிட வேண்டியதுதானே என்கிறீர்களா...? அதுதான் தவறு.

நூறு ரூபாய் விலையாக இருக்கும் பங்கில் பாதி தொகையை முதலீடு செய்ய வேண்டும். அதாவது ஐயாயிரம் ரூபாய்க்கு பங்குகளை வாங்க வேண்டும். மீதி தொகையைக் கையில் வைத்துக் கொள்ள வேண்டும்.

எதற்கு இப்படி கொஞ்சம் கொஞ்சமாக முதலீடு செய்ய வேண்டும் என்றால் அப்போதுதான் சந்தையின் ஏற்றத் தாழ்வுகளைச் சமாளிக்க முடியும். ஒருவேளை நூறு பங்குகளை முதலிலேயே வாங்கியிருந்தால் அடுத்த நாள் ஏற்படும் விலைச் சரிவை நம்மால் பயன்படுத்திக் கொள்ள முடியாது.

எவ்வளவுக்கு பங்குகளை வாங்குவது என்ற கேள்விக்கு இன்னொரு பதிலும் இருக்கிறது. அதே பத்தாயிரம் ரூபாய்க்கு ஒரே நிறுவனப் பங்குகளை வாங்குவதை விட விதவிதமான பங்குகளை வாங்கமுடியும். இதற்கும் எவ்வளவு பங்குகளை வாங்குவது என்ற யோசனை பயனளிக்கும். இதில் என்ன நன்மை இருக்கிறது?

உங்களிடம் இருக்கும் பத்தாயிரம் ரூபாயில் ஆயிரம் ரூபாய்க்கு வங்கித் துறை பங்குகளை வாங்குகிறீர்கள், இரண்டாயிரம் ரூபாய்க்கு எண்ணெய் நிறுவனப் பங்குகளை வாங்குகிறீர்கள். ஐயாயிரம் ரூபாயை கட்டுமானத்துறை நிறுவனப் பங்கிலும் இரண்டாயிரம் ரூபாய் ஐடி நிறுவனப் பங்கிலும் முதலீடு செய்கிறீர்கள். இதைத்தான் பங்கு போர்ட்ஃபோலியோ என்பார்கள். இதுவும் மிக முக்கியமான விஷயம்.

இப்படி பகிர்ந்து முதலீடு செய்வதால் சந்தையில் ஏற்படும் மாற்றங்களால் ஒருதுறை பலவீனமடைந்தாலும் இன்னொரு துறை நமக்குக் கைகொடுக்கும் அந்த லாபம் நமக்குக் கிடைப்பதற்குக் காரணமாக இருப்பது முதலீட்டுப் பகிர்வுதான்.
ஒவ்வொரு முதலீட்டாளருக்கும் ஒரு போர்ட்ஃபோலியோ இருக்க வேண்டியது அவசியம். எப்படி வங்கி முதலீட்டில் கொஞ்சம், பரஸ்பர நிதியில் கொஞ்சம், யூலிப்பில் கொஞ்சம், பத்திரங்களில் கொஞ்சம் என்று போட்டு வைக்கும் முதலீட்டு போர்ட்ஃபோலியோ போலவே பங்குச் சந்தைக்குள்ளும் எல்லாத் துறைகளிலும் கலந்து முதலீடு செய்யும் போர்ட்ஃபோலியோ அவசியம் இருக்க வேண்டும்.

மியூச்சுவல் ஃபண்ட் போல பங்கச் சந்தையில் பணத்தைப் போட்டால் வருவது வரட்டும் என்று சும்மா இருந்துவிட முடியாது. தினசரி ஒருமணி நேரமாவது சந்தை நடவடிக்கைகளைக் கண்காணிப்பதற்காக ஒதுக்கி கவனிக்க வேண்டும். எந்தத் துறை பங்குகள் ஏறியிருக்கின்றன. அதற்கு என்ன காரணம், என்னவெல்லாம் சரிந்திருக்கின்றன, அதற்கு என்ன காரணம் என்றெல்லாம் கொஞ்சம் ஆராய வேண்டும்.

- எம்.எஸ்.தீபதர்ஷினி

நன்றி - குமுதம்

இரவுப் பத்திரிகை பிரசன்னாவாக அவதாரம் எடுத்து செய்திகளை பகிரும் பிரசன்னாவுக்கு நன்றி.

ஏற்கனவே போட்ட அம்பதாயிரம் இப்ப அய்யாயிரமா இருக்கு

முரளிராஜா wrote: ஏற்கனவே போட்ட அம்பதாயிரம் இப்ப அய்யாயிரமா இருக்கு

பணம் போட மட்டும் தான் இந்த பதிவு. எடுக்க முடியாது.

அட நீங்க வேற பிரபு கடந்த இரண்டு மாதம் முன்பு அந்த தொகை 12000 மா இருந்தது
அப்ப்வாது நான் எடுத்து இருந்து இருக்கலாம்

அட கொடுமையே! இதில் சிலருக்கு லாபம். பலருக்கு நாமம்.

அடடா அந்த கொடும ஏன் சார் சொல்லுறீங்க நானும் ரொம்ப ரொம்ப நாமம் வாங்கிருக்கேன்

yugam_2001 wrote:அடடா அந்த கொடும ஏன் சார் சொல்லுறீங்க நானும் ரொம்ப ரொம்ப நாமம் வாங்கிருக்கேன்

அருமை ஈகரையின் சொத்து ..பிரசன்னா

பங்குகளை எப்படி கவனிப்பது நண்பரே
இன்ட்ர்நெட் மூலமாக என்ன நிலவரம் என்றும் பார்க்க முடியுமா