பிரிட்டன் இளவரசிக்கு சொத்தைப் பற்களா?

**சிவா** · **சிவா** Sat 4 Aug 2012 - 12:27

பிரிட்டன் இளவரசர் வில்லியமின் மனைவி, கதே. இவரை அந்த நாட்டு மக்கள், ஒரு தேவதையைப் போல் நினைத்துக் கொண்டிருக்கின்றனர். கோவில் கட்டி கும்பிடாத குறை தான். மறைந்த இளவரசி டயானாவின் மறு வடிவமாக, அவரை கருதுகின்றனர். பிரிட்டன் அரச குடும்பத்தின், "ஸ்வீட்' செல்லமும், கதே தான்.

ஆனால், அமெரிக்காவைச் சேர்ந்த பிரபலமான பத்திரிகை, இளவரசி கதேயின் பற்கள், பூச்சியால் அரிக்கப்பட்டு சொத்தையாக இருப்பதாக செய்தி வெளியிட்டு, பெரும் சர்ச்சையை ஏற்படுத்தியுள்ளது. கதே, சொத்தைப் பற்களுடன் காட்சி அளிக்கும் படம் ஒன்றையும் அட்டையில் வெளியிட்டு, ஒட்டு மொத்தமாக அவரது, "இமேஜை' காலி செய்துள்ளது.

சொத்தைப் பற்களை மறைக்கும் வகையில், பாலீஷ் செய்வதற்காக, கடந்தாண்டு மட்டும் பல லட்சம் ரூபாய்களை கதே செலவிட்டதாகவும், பிரான்சை சேர்ந்த பிரபல பல் டாக்டர் ஒருவர் தான், கதேக்கு சிகிச்சை அளித்ததாகவும், அந்த பத்திரிகையில் கூறப்பட்டுள்ளது.

இந்த செய்தியால், கதேவுக்கு வருத்தம் ஏற்பட்டதோ, இல்லையோ, பிரிட்டன் மக்கள், துடி துடித்துப் போய் இருக்கின்றனர். அவர்களின் கோபம், அமெரிக்க மீடியாக்கள் மீது திரும்பியுள்ளது.