தீரா-மீரா 19

சூழலும் பூமி
நின்றுபோனால் என்னவாகும்?
நகரும் அத்தனை உயிர்களும்
அஸ்தமனமாகும்;

உலவும் காற்று
உலர்ந்துபோனால் என்னவாகும்?
மூச்சு வாங்கும் உயிர்கள் இனம்
இல்லாமல்போகும்;

சுடர் ஒளிர்க்கும் சூரியன்
உடைந்துபோனால் என்னவாகும்?
உலகம் யாவும் அடுத்த கணமே
இருளில் மூழ்கும்;


இரு இதயங்கள்
பிரிக்கப்பட்டால் என்னவாகும்?
ஒட்டுவதற்கான வழி -யை தேடும்:

தீராவும்-மீராவும்
அதைத்தான் தேடினர்;

துவைத்து கசக்கப்பட்ட
துணியாய் நின்ற தீரா-வை
பார்த்தான் பார்த்தன்;

பார்த்தனை பார்த்ததும்
தீரா-வின் விழிகளிலிருந்து
விரு விரு வென விழ ஆரம்பித்தது
கண்ணீர் அருவி...

தீராவின் நிலை அறிந்த பார்த்தன்
பதமாய் பேசினான்;
குமுறிக் கொண்டிருக்கும்
குமரிக் கடல் அலையாயிருந்த
தீராவிடம் இதமாய் பேசினான்;

பாத்தன் யார்?
இதுவரை தீரா பார்க்காதவனா
இல்லை...
சிறு வயதிலிருந்து பிரியா தோழன்;

தீரா...
மீரா-வை எப்படியேனும்
காண துடித்தான்;
பார்த்தா...
வழி ஒன்று
சொல் என்றான்;

வெள்ளம் பதறினால்
கரை தாண்டும்;

நெருப்பு பதறினால்
காடு எரிபடும்;

மேகம் பதறினால்
இடி முழங்கும்;

பூமி பதறினால்
நிலம் நடுங்கும்;

தீரா பதறினான்
புரிந்து கொண்டான் பார்த்தன்;

சில நிமிட
யோசனைகளுக்கு பிறகு
பாத்தா பார்த்தான் தீராவை
பாலுக்கு அழும் குழந்தையாய்
பார்த்தன் கண்களில் தீரா;

ம்.....
இழப்புகளை சந்திக்கும்
எந்த மனிதனும்
குழந்தையாவான்‡ இதில்
தீரா மட்டும் விதிவிலக்கா ?


பார்த்தன் பல யோசனையில்
தீரா தீயானான்;
வேலாய் தோள்கள் திமிறின
பார்த்தன் சொல்லில்
புல்லாய் மாறின
தீராவின் தோள்கள்;

பார்த்தனின் தங்கை
வெண்ணிலா சென்றால் தூதாக;

ஒரு தின நிலவை
விழிகளால் தின்று கொண்டிருந்தான் தீரா;

விடியல் இமை திறக்க ஆரம்பித்தது;
வானம் வெள்ளி உடையை உடுத்த ஆயத்தமானது;
தீரா வின் விழிகள் மட்டும் சிகப்பு குளமாய்;

இரவு நிலா தொலைந்து விட்டது
வெண்ணிலா தொலைவில் வந்து விட்டது
தீராவும்-பார்த்தாவும் ஆவலின் நுனியில்;

பார்த்தனின் தங்கை வந்தாள்
பக்கத்தில்...

தீரா-வின்...
நுனி நாக்கு கடலாய்
உள் நாக்கு பாலைவனமாய்
பிசுபிசுத்த எச்சில் ஒட்டிய வார்த்தையில் கேட்டான்
பார்த்தாயா மீரா-வை ;

வெண்ணிலா உதடுகள் அசைந்தன மெல்ல
தூரத்தில் பார்த்தேன்
நதியாக;
சிறு இடைவெளியில் பார்த்தேன்
தறியாக;
நெருங்கி பார்த்தேன்
நூலாக;
மீ...ரா....-..வை;

தீரா-வின் செவியில் இறங்கிய
இந்த வார்த்தைகள்
இருதயத்திற்குள்
நஞ்சினை அரைக்க ஆரம்பித்தது;

வெண்ணிலா-வின் அடுத்த
வார்த்தை தீரா-வின்
உயிரை துளைத்தது;

என்ன அந்த வார்த்தை ?

(தொடரும்...)

கதை சொல்லும் கவிதையா?

கவிதை சொல்லம் கதையா?

எதுவாயிருப்பினும் நன்றாக உள்ளது.

இருப்பினும், தொடர் கவிதையாக தாங்கள் பதிவிடுவது தெரிகிறது.

அதை ஒரே திரியில் பதிவிட்டால், நாங்கள் வாசிக்க எளிதாகுமே.

தேடியலைவது மீதமாகுமே