தென்னாடுடைய சிவனே போற்றி எந்நாட்டவர்க்கும் இறைவா போற்றி

அனைவருக்கும் வணக்கம் , தமிழ்நாட்டில் உள்ள சிவன் கோவில்களையும் , பாடல் பெற்ற சிவஸ்தலங்களின் தலவரலாறு மற்றும் சிறப்புகளையும் மிக அழகாக தொகுத்துள்ளார்கள். சிவனடியார்கள் அனைவருக்கும் பயனுள்ள தளம்.
தள முகவரி : http://www.shivatemples.com/index_t.html
==================================================================================================

தளத்தின் முகப்பில் இருந்து :-

இமயம் முதல் குமரி வரை பரந்து விரிந்துள்ள இந்த
புனிதமான பாரத நாட்டில் உள்ள தமிழ்நாட்டில் எத்தனை எத்தனையோ சிவாலயங்களும்,
விஷ்ணு ஆலயங்களும் உள்ளன. 108 திருப்பதிகள் அல்லது 108 வைஷ்ணவ திவ்ய
தேசங்கள் எண்று போற்றப்படும் விஷ்ணு ஆலயங்களில் 84 ஆலயங்கள் தமிழ்நாட்டில்
தான் உள்ளது. அதே போன்று இந்தியாவில் பல சிவன் கோவில்கள் இருந்தாலும்,
குறிப்பாக பாடல் பெற்ற சிவஸ்தலம் என்று போற்றப்படும் 274 ஆலயங்களில் 264
கோவில்கள் தமிழ்நாட்டில் தான் உள்ளன. இந்த கோவில்கள் ஒவ்வொன்றும்
தனிச்சிறப்பும், தொன்மையும், பெருமையும் உள்ளவை.மஹாபாரதத்தில் வேதவியாசர் அர்ஜுனனை பார்த்து "எவன் ஒருவன் வைகறைத் துயிலெழுந்து மனத்தூய்மையோடு ருத்ர ஜபம் செய்கின்றானோ அவன் இவ்வுலகில் அடைய முடியாத ஐஸ்வர்யம் எண்று எதுவும் இல்லை" என்று சொல்கிறார்.
கலியுகத்தில்
பிறவி எடுத்தோர் உய்யும் மார்க்கத்தைப் பெறுவதற்குத் துனையாக இருப்பது சிவ
மந்திரம், சிவ தரிசனம், சிவ வழிபாடு முதலியனவாகும். இவை மூன்றும் வாழ்வில்
இன்றியமையாதவை. சிவமே எல்லா உலகங்களுக்கும், எல்லா உயிர்களுக்கும்
முதலானவன். எல்லாம் சிவமயம்! எங்கும் சிவமயம்! எதிலும் சிவமயம்!
ஆம்.
நமசிவாய என்ற ஐந்தெழுத்து மந்திரத்தை தினமும் ஜபித்து வந்தாலே வாழ்வில்
எல்லா கஷ்டங்களும் நீங்கிவிடும். சிவன் கோவிலுக்கு சிறிதளவு பணி செய்தாலும்
மகத்தான பலன் கிடைக்கும். சிவலிங்கத்திற்கு வலை கட்டி பாதுகாத்த சிலந்தி
மறு பிறவியில் கோட்செங்கட் சோழனாகப் பிறந்து தமிழகத்தில் பல
மாடக்கோவில்களைக் கட்டி சிவன் திருப்பணி செய்து புகழ் பெற்றான். சிவன்
கோவில் விளக்கு எரிய திரியை தூண்டி விட்ட எலி மறு பிறவியில் சிவன் அருளால்
மகாபலி சக்ரவர்த்தியாகப் பிறந்தான். சிவ நாமத்திற்கு அப்படியொரு மகிமை.
சிவசிவ என்று தினமும் மனதால் நினைத்து உச்சரித்தாலே போதும். பாவங்கள்
நீங்கும். மனம் தூய்மை அடையும்.
அடியார்கள் போற்றும் அம்பலத்தரசன்
அமர்ந்திருக்கும் தேவாரப் பாடல் பெற்ற 274 சிவஸ்தலங்களில் தமிநாட்டில் உள்ள
264 தேவாரப் பாடல் பெற்ற சிவஸ்தலங்களைப் பற்றிய வலைத்தளம் இது. இந்த 264
கோயில்களும் தமிழ்நாட்டில் எங்கெங்கு உள்ளன, அங்கு எப்படி செல்வது,
அவற்றின் சிறப்புகள் யாவை என்பது பற்றிய ஓர் சிறிய கண்ணோட்டம் தான் இந்த
முயற்சி.
இணையதளத்தைப் பற்றிwww.shivatemples.com
தனது ஏழாவது ஆண்டில் அடியெடுத்து வைத்துள்ளது. இதுநாள் வரை இந்த
இணையதளத்தைப் பார்வையிட்டு ஊக்கப்படுத்திய நண்பர்கள் அனைவருக்கும் நன்றி.
மூன்றாவது ஆண்டு துவக்கத்தில் இந்த இணையதளத்தின் தமிழ் பதிப்பு
வெளியிடப்பட்டது. ஆங்கிலப் பதிப்பை விட தமிழ் பதிப்பில் அதிக செய்திகள்,
அதிக விபரங்கள் குறிப்பிடப்பட்டுள்ளன. தமிழ் பதிப்பை பார்வையிட்டு உங்கள்
கருத்துக்களைக் கூறுமாறு கோருகிறோம்.

சிவன் மிகவும் சக்தி வாய்ந்த தெய்வம் என்பது உண்மையே

நேரம் கிடைக்கியிலே படித்து தெரிந்து கொள்கிறேன் அண்ணா.மிகவும் நன்றி அண்ணா.

தென்னாடுடைய சிவனே போற்றி!
எந்நாட்டவர்க்கும் இறைவா போற்றி!

இன்னிக்கு என்ன சிவனடியார் ஸ்பெஷல்?

சக்தியின் உக்கிரம் தாங்க முடியலையோ இன்னிக்கு வீட்ல?

நன்றி தல , அனைவரும் செல்லவேண்டிய அற்புதமான தலங்கள் இவைகள். ஒவ்வொன்றும் பல நூறு / ஆயிரம் வருட பழமையான கோவில்கள்.