லண்டன் ஒலிம்பிக் 2012 - செய்தித் தொகுப்புகள்

First topic message reminder :

லண்டன், ஜூலை.28-


உலகின் மிகப்பெரிய
விளையாட்டான ஒலிம்பிக் போட்டி 4 ஆண்டுகளுக்கு ஒரு முறை நடத்தப்பட்டு
வருகிறது. இதன்படி 30-வது ஒலிம்பிக் போட்டி இங்கிலாந்து தலைநகர் லண்டனில்
நேற்று தொடங்கியது.

தொடக்க விழா ஒலிம்பிக்
பார்க்கில் உள்ள ஒலிம்பிக் ஸ்டேடியத்தில், 80 ஆயிரம் பார்வையாளர்களுக்கு
மத்தியில் நேற்றிரவு மிக பிரமாண்டமாக அரங்கேறியது. ஆஸ்கார் விருது பெற்ற
ஹாலிவுட் இயக்குனரான டேனியல் பாய்லெ தொடக்க விழா நிகழ்ச்சிகளுக்கு ஏற்பாடு
செய்திருந்தார்.



உளளூர் நேரப்படி இரவு 9.00 மணிக்கு விழா நிகழ்ச்சிகள் தொடங்கினாலும்
மாலை முதலே ரசிகர்கள் படையெடுக்க தொடங்கி விட்டனர். ஒலிம்பிக்கை
மகிழ்ச்சியுடன் கொண்டாடி அனுபவியுங்கள் என்பதை குறிக்கும் வகையில் காலையில்
லண்டன் மாநகரம் முழுவதும் மணி அடிக்கப்பட்டன.

இதே
போல் ஒலிம்பிக் தொடக்கத்தின் அடையாளமாக இங்கிலாந்தில் புகழ்பெற்ற
பாராளுமன்றத்தின் 'பிக்பென்' என்று அழைக்கப்படும் ராட்சத மணிகூண்டில்
இருந்து 3 நிமிடத்தில் 40 முறை மணி ஓசை எழுப்பப்பட்டது.

லேசர்
ஒளி, வண்ணவிளக்குகளால் ஒலிம்பிக் தொடக்க விழா மைதானம் தகதகவென ஜொலித்தது.
சுமார் 10 ஆயிரம் கலைஞர்கள் மைதானத்தில் விதவிதமான நடனமாடியும்,
இங்கிலாந்தின் பாரம்பரியத்தை பறைசாற்றும் கலை நிகழ்ச்சிகளை நடத்தி
காட்டியும் காண்போரை மெய்சிலிர்க்க வைத்தனர். புதுமையான இசை நிகழ்ச்சிகளும்
விருந்து படைத்தன.

இங்கிலாந்தின் ரம்மியமான கிராம
சூழலை சித்தரிக்கும் வகையில் செயற்கை கிராமத்தை உருவாக்கி அதில் உண்மையான
ஆடு, மாடு, கோழிகள் வசிப்பது போன்று தத்துருபமான காட்சிகள் மனதை பரவசத்தில்
ஆழ்த்தின.

தொடக்க விழாவின் முக்கிய அம்சமாக 204
நாடுகளை சேர்ந்த 10 ஆயிரத்திற்கும் மேற்பட்ட வீரர், வீராங்கனைகள்
மைதானத்தில் அணிவகுத்து சென்றது கண்கொள்ளா காட்சியாக அமைந்தது.

ஒலிம்பிக்
தோன்றிய இடமான கிரீஸ், முதல் அணியாக தங்கள் நாட்டு தேசிய கொடியுடன் வலம்
வந்தது. அதன் பிறகு ஆங்கில அகர வரிசைப்படி மற்ற நாடுகள் அணிவகுத்தன. 81
பேர் கொண்ட இந்திய அணிக்கு மல்யுத்த வீரர் சுஷில்குமார் தலைமை தாங்கி தேசிய
கொடி ஏந்தி சென்றார்.

இந்திய வீரர்கள் காவி நிற
டர்பன், பேண்ட் மற்றும் நீல நிற கோர்ட்டும், பெண்கள் இந்திய பாரம்பரிய
உடையான சேலையும் அணிந்து மிடுக்காக நடந்து வந்தனர்.

கடைசி
நாடாக போட்டியை நடத்தும் இங்கிலாந்து அணி சென்றது. ஒவ்வொரு அணிகளும்
அணிவகுத்து செல்லும் போது, ஸ்டேடியத்தில் அமர்ந்திருந்த அந்த நாட்டின்
பிரதிநிதிகள் மற்றும் ரசிகர்கள் கையசைத்தும், கைதட்டியும்
உற்சாகப்படுத்தினார்கள்.

அமெரிக்காவின் முதல்பெண்மணி
மிச்செல் ஒபாமா தொடக்க விழாவில் கலந்து கொண்டு தங்கள் அணியை
குதூகலப்படுத்தினார். வீரர்கள் உறுதிமொழியும் எடுத்துக் கொண்டனர்.
ஒலிம்பிக் தொடக்க விழாவின் இறுதியில் ராட்சத கொப்பரையில் ஒலிம்பிக் தீபம்
ஏற்றப்படுவது வழக்கம்.

இந்த போட்டிக்கான தீபம் 8
ஆயிரம் மைல்களை கடந்து நேற்று காலை தேம்ஸ் நதியை பயணித்து தொடக்க விழா
நடக்கும் ஸ்டேடியத்திற்குள் தொடர் ஓட்டமாக எடுத்து வரப்பட்டது. பின்னர்
அதன் மூலம் கொப்பரையில் தீபம் ஏற்றி வைக்கப்பட்டது.

ஒலிம்பிக்
தீபம், நிறைவு விழா வரை அணையாமல் எரிந்து கொண்டிருக்கும். போட்டியை
இங்கிலாந்து ராணி இரண்டாம் எலிசபெத் அதிகாரப்பூர்வமாக தொடங்கி வைத்தார். 3
மணி நேரத்திற்கு மேலாக நீடித்த கலைநிகழ்ச்சியின் உச்சகட்டமாக இறுதியில்
வாணவேடிக்கையால் லண்டன் நகரம் சில நிமிடங்கள் வண்ணஜாலத்தால்
ஒளிர்ந்தது.அதனை லண்டன் வாசிகள் பார்த்து மகிழ்ச்சி ஆரவாரம் செய்தனர்.

போட்டியையொட்டி,
இதற்கு முன்பு எப்போதும் இல்லாத அளவுக்கு பாதுகாப்பு ஏற்பாடுகள்
செய்யப்பட்டிருந்தன. வான்வெளி தாக்குதலை முறியடிக்க ஏவுகணைகளும்
நிறுத்தப்பட்டிருந்தன.

தொடக்க விழாவை டி.வி,
இணையதளங்கள் மூலமாக உலகம் முழுவதும் சுமார் 400 கோடி பேர் கண்டுகளித்தனர்.
அடுத்த மாதம் 12-ந்தேதி வரை ஒலிம்பிக் போட்டிகள் நடைபெற உள்ளன.
ஒலிம்பிக்கில் பங்கேற்றுள்ள இந்திய அணி சாதனைகள் படைத்திட பிரதமர்
மன்மோகன்சிங் வாழ்த்து தெரிவித்துள்ளார்.

-மாலை மலர்

பேட்மிண்டன்: பெண்கள் ஒற்றையர் பிரிவில் சாய்னா வெற்றி


லண்டன்,ஜுலை.29-

பேட்மிண்டன் பெண்கள் ஒற்றையர்
பிரிவில் இந்திய வீராங்கனை சாய்னா நேவால், சுவிட்சர்லாந்து வீராங்கனை
ஜக்யூட்டை எதிர்கொண்டார். இப்போட்டியில் இந்திய வீராங்கனை சாய்னா 21-9,
21-4 என்ற கணக்கில் சுவிட்சர்லாந்து வீராங்கனையை எளிதில் தோற்கடித்தார்.



'இ' பிரிவில் இடம்பெற்றுள்ள சாய்னா அடுத்து பெல்ஜியம் வீராங்கனை லியான்னேயை
வரும் 30-ந்தேதி எதிர்கொள்கிறார். இப்போட்டி இந்திய நேரப்படி இரவு 11
மணிக்கு நடைபெறுகிறது.

-மாலை மலர்

குத்துச்சண்டை: லைட் வெயிட் 60 கிலோ பிரிவில் ஜெய் பகவான் வெற்றி...


லண்டன்,ஜுலை.29-

குத்துச்சண்டை லைட் வெயிட் 60
கிலோ பிரிவு போட்டி இன்று இந்திய நேரப்படி இரவு 7 மணிக்கு நடைபெற்றது.
இதில் இந்திய வீரர் ஜெய் பகவான், சிசெல்ஸ் வீரர் அலிசோப்புடன் மோதினார்.




முதல் சுற்றை 7-3 என்ற கைப்பற்றிய இந்திய வீரர் ஜெய் பகவான்,
இரண்டாவது சுற்றையும் எளிதாக 7-3 என்ற கணக்கில் கைப்பற்றினார். மூன்றாவது
சுற்றை 4-2 என்ற கணக்கில் கைப்பற்றி கால்இறுதிக்கு முந்தைய சுற்றுக்கு
முன்னேறினார்.

கால் இறுதிக்கு முந்தைய சுற்றில்
கஜகஜஸ்தான் வீரரை வரும் ஆகஸ்டு மாதம் 2-ந்தேதி சந்திக்கிறார். இப்போட்டி
இந்திய நேரப்படி மாலை 6.30 மணிக்கு நடைபெறுகிறது.

-மாலை மலர்

சாய்னா பதக்கம் பெறுவாரா?

ஒவ்வொரு ஒலிம்பிக்கிலும் இந்தியா தங்கம் வெல்லுமா என்பதைவிட ஏதாவது ஒரு பதக்கம் பெறுமா என்றுதான் ஏங்க வேண்டியுள்ளது.

121 கோடி மக்கள் கொண்ட நாட்டிற்கு வந்த சத்திய சோதனை இது!

சீனர்கள் உலகையே வெல்ல வல்லவர்கள் என்பதற்கு அவர்களின் விளையாட்டுத் திறமையே சான்று! நாம் இன்னும் பழமை மட்டுமே பேசிக்கொண்டிருக்கிறோம். அவர்கள் சாதித்துக் கொண்டிருக்கிறார்கள்.

வென்றவுடன் பனியனில் உள்ள இந்தியா கொடியை பெருமையுடன்
காண்பித்த ஜெய் பகவான் அவர்களுக்கு அணைத்து இந்தியர்களின்
சார்பாக கோடானு கோடி நன்றி

நாடுகள்				மொத்தம்
சீனா	6	3	2	11
அமெரிக்கா	3	3	2	8
இத்தாலி	2	3	2	7
களக்ஸ்தான்	2	0	0	2
தென்கொரியா	2	1	2	5
பிரேசில்	1	1	1	3
நெதர்லாந்து	1	1	0	2
ஜனநாயக மக்கள் குடியரசு கொரியா	1	0	1	2
ரஷ்யா	1	0	2	3
ஆஸ்திரேலியா	1	0	1	2
ஜார்ஜியா	1	0	0	1
ஜப்பான்	0	2	3	5
போலந்து	0	1	0	1
பிரான்ஸ்	0	1	0	1
கொலம்பியா	0	1	0	1
ரொமேனியா	0	1	0	1
வடகொரியா	0	0	1	1
உக்ரைன்	0	0	1	1
இந்தியா	0	0	0	0

லண்டன் ஒலிம்பிக் துப்பாக்கி சுடுதல் 10 மீ., "ஏர் ரைபிள்' பிரிவில் இந்தியாவின் ககன் நரங் வெண்கலப் பதக்கம் வென்றார். இதன்மூலம் லண்டன் ஒலிம்பிக்கில் பதக்கம் வென்ற முதல் இந்தியர் என்ற சாதனை படைத்தார்.
லண்டன் ஒலிம்பிக் துப்பாக்கி சுடுதல் ஆண்களுக்கான 10 மீ., "ஏர் ரைபிள்' பிரிவு தகுதிச் சுற்றில் இந்தியாவின் ககன் நரங் 598 புள்ளிகள் பெற்று 3வது இடம் பிடித்து பைனலுக்கு முன்னேறினார்.பைனலில் அசத்திய இவர் 103.1 புள்ளிகள் பெற்று, மொத்தம் 701.1 புள்ளிகளுடன் மூன்றாவது இடம் பிடித்து வெண்கலப் பதக்கம் வென்றார். இதன்மூலம் லண்டன் ஒலிம்பிக்கில் பதக்கம் வென்ற முதல் இந்தியர் என்ற பெருமை பெற்றார். தவிர, ஒலிம்பிக் துப்பாக்கி சுடுதலில் பதக்கம் வென்ற மூன்றாவது வீரரானார். முன்னதாக ராஜ்யவர்தன் சிங் ரத்தோர் (2004 ஏதென்ஸ், டபுள் டிராப், வெள்ளி), அபினவ் பிந்த்ரா (2008 பீஜிங், 10 மீ., ஏர் ரைபிள், தங்கம்) ஆகியோர் பதக்கம் வென்றனர்.
இப்போட்டியில் முதலிரண்டு இடத்தை ருமேனியாவின் ஆலின் ஜார்ஜ் மோல்டோவியாயு (702.1 புள்ளி), இத்தாலியின் நிக்கோலோ கேம்ப்ரியானி (701.5 புள்ளி) பிடித்தனர்.

நன்றி:தினமலர்

வாழ்த்துகள் ககன் நரங். பதக்க பட்டியலில் இடம் பிடித்து விட்டோம். இந்தியா வாழ்க.

யினியவன் wrote:வாழ்த்துகள் ககன் நரங். பதக்க பட்டியலில் இடம் பிடித்து விட்டோம். இந்தியா வாழ்க.

பாருங்க நம்ம நாட்டு நெலமய பிரபு.