லண்டன் ஒலிம்பிக் 2012 - செய்தித் தொகுப்புகள்

First topic message reminder :

லண்டன், ஜூலை.28-


உலகின் மிகப்பெரிய
விளையாட்டான ஒலிம்பிக் போட்டி 4 ஆண்டுகளுக்கு ஒரு முறை நடத்தப்பட்டு
வருகிறது. இதன்படி 30-வது ஒலிம்பிக் போட்டி இங்கிலாந்து தலைநகர் லண்டனில்
நேற்று தொடங்கியது.

தொடக்க விழா ஒலிம்பிக்
பார்க்கில் உள்ள ஒலிம்பிக் ஸ்டேடியத்தில், 80 ஆயிரம் பார்வையாளர்களுக்கு
மத்தியில் நேற்றிரவு மிக பிரமாண்டமாக அரங்கேறியது. ஆஸ்கார் விருது பெற்ற
ஹாலிவுட் இயக்குனரான டேனியல் பாய்லெ தொடக்க விழா நிகழ்ச்சிகளுக்கு ஏற்பாடு
செய்திருந்தார்.



உளளூர் நேரப்படி இரவு 9.00 மணிக்கு விழா நிகழ்ச்சிகள் தொடங்கினாலும்
மாலை முதலே ரசிகர்கள் படையெடுக்க தொடங்கி விட்டனர். ஒலிம்பிக்கை
மகிழ்ச்சியுடன் கொண்டாடி அனுபவியுங்கள் என்பதை குறிக்கும் வகையில் காலையில்
லண்டன் மாநகரம் முழுவதும் மணி அடிக்கப்பட்டன.

இதே
போல் ஒலிம்பிக் தொடக்கத்தின் அடையாளமாக இங்கிலாந்தில் புகழ்பெற்ற
பாராளுமன்றத்தின் 'பிக்பென்' என்று அழைக்கப்படும் ராட்சத மணிகூண்டில்
இருந்து 3 நிமிடத்தில் 40 முறை மணி ஓசை எழுப்பப்பட்டது.

லேசர்
ஒளி, வண்ணவிளக்குகளால் ஒலிம்பிக் தொடக்க விழா மைதானம் தகதகவென ஜொலித்தது.
சுமார் 10 ஆயிரம் கலைஞர்கள் மைதானத்தில் விதவிதமான நடனமாடியும்,
இங்கிலாந்தின் பாரம்பரியத்தை பறைசாற்றும் கலை நிகழ்ச்சிகளை நடத்தி
காட்டியும் காண்போரை மெய்சிலிர்க்க வைத்தனர். புதுமையான இசை நிகழ்ச்சிகளும்
விருந்து படைத்தன.

இங்கிலாந்தின் ரம்மியமான கிராம
சூழலை சித்தரிக்கும் வகையில் செயற்கை கிராமத்தை உருவாக்கி அதில் உண்மையான
ஆடு, மாடு, கோழிகள் வசிப்பது போன்று தத்துருபமான காட்சிகள் மனதை பரவசத்தில்
ஆழ்த்தின.

தொடக்க விழாவின் முக்கிய அம்சமாக 204
நாடுகளை சேர்ந்த 10 ஆயிரத்திற்கும் மேற்பட்ட வீரர், வீராங்கனைகள்
மைதானத்தில் அணிவகுத்து சென்றது கண்கொள்ளா காட்சியாக அமைந்தது.

ஒலிம்பிக்
தோன்றிய இடமான கிரீஸ், முதல் அணியாக தங்கள் நாட்டு தேசிய கொடியுடன் வலம்
வந்தது. அதன் பிறகு ஆங்கில அகர வரிசைப்படி மற்ற நாடுகள் அணிவகுத்தன. 81
பேர் கொண்ட இந்திய அணிக்கு மல்யுத்த வீரர் சுஷில்குமார் தலைமை தாங்கி தேசிய
கொடி ஏந்தி சென்றார்.

இந்திய வீரர்கள் காவி நிற
டர்பன், பேண்ட் மற்றும் நீல நிற கோர்ட்டும், பெண்கள் இந்திய பாரம்பரிய
உடையான சேலையும் அணிந்து மிடுக்காக நடந்து வந்தனர்.

கடைசி
நாடாக போட்டியை நடத்தும் இங்கிலாந்து அணி சென்றது. ஒவ்வொரு அணிகளும்
அணிவகுத்து செல்லும் போது, ஸ்டேடியத்தில் அமர்ந்திருந்த அந்த நாட்டின்
பிரதிநிதிகள் மற்றும் ரசிகர்கள் கையசைத்தும், கைதட்டியும்
உற்சாகப்படுத்தினார்கள்.

அமெரிக்காவின் முதல்பெண்மணி
மிச்செல் ஒபாமா தொடக்க விழாவில் கலந்து கொண்டு தங்கள் அணியை
குதூகலப்படுத்தினார். வீரர்கள் உறுதிமொழியும் எடுத்துக் கொண்டனர்.
ஒலிம்பிக் தொடக்க விழாவின் இறுதியில் ராட்சத கொப்பரையில் ஒலிம்பிக் தீபம்
ஏற்றப்படுவது வழக்கம்.

இந்த போட்டிக்கான தீபம் 8
ஆயிரம் மைல்களை கடந்து நேற்று காலை தேம்ஸ் நதியை பயணித்து தொடக்க விழா
நடக்கும் ஸ்டேடியத்திற்குள் தொடர் ஓட்டமாக எடுத்து வரப்பட்டது. பின்னர்
அதன் மூலம் கொப்பரையில் தீபம் ஏற்றி வைக்கப்பட்டது.

ஒலிம்பிக்
தீபம், நிறைவு விழா வரை அணையாமல் எரிந்து கொண்டிருக்கும். போட்டியை
இங்கிலாந்து ராணி இரண்டாம் எலிசபெத் அதிகாரப்பூர்வமாக தொடங்கி வைத்தார். 3
மணி நேரத்திற்கு மேலாக நீடித்த கலைநிகழ்ச்சியின் உச்சகட்டமாக இறுதியில்
வாணவேடிக்கையால் லண்டன் நகரம் சில நிமிடங்கள் வண்ணஜாலத்தால்
ஒளிர்ந்தது.அதனை லண்டன் வாசிகள் பார்த்து மகிழ்ச்சி ஆரவாரம் செய்தனர்.

போட்டியையொட்டி,
இதற்கு முன்பு எப்போதும் இல்லாத அளவுக்கு பாதுகாப்பு ஏற்பாடுகள்
செய்யப்பட்டிருந்தன. வான்வெளி தாக்குதலை முறியடிக்க ஏவுகணைகளும்
நிறுத்தப்பட்டிருந்தன.

தொடக்க விழாவை டி.வி,
இணையதளங்கள் மூலமாக உலகம் முழுவதும் சுமார் 400 கோடி பேர் கண்டுகளித்தனர்.
அடுத்த மாதம் 12-ந்தேதி வரை ஒலிம்பிக் போட்டிகள் நடைபெற உள்ளன.
ஒலிம்பிக்கில் பங்கேற்றுள்ள இந்திய அணி சாதனைகள் படைத்திட பிரதமர்
மன்மோகன்சிங் வாழ்த்து தெரிவித்துள்ளார்.

-மாலை மலர்

யினியவன் wrote:ஏழாவது ரவுண்டுக்கு அப்புறம் விஜய் இரண்டாம் நிலை.

அற்புதம்! மகிழ்ச்சியோ மகிழ்ச்சி! நன்றி யினியவன்!

வாழ்த்துகள் விஜயகுமார்! (இவர் நடிகர் விஜயகுமரா)

நடிகரல்ல - நிஜத் துப்பாக்கியை விளையாட்டுக்காக சுடுபவர்.

ஹாக்கியில் இந்தியா ஜெர்மனியிடம் 5 க்கு 2 என தோற்றது.

யினியவன் wrote:நடிகரல்ல - நிஜத் துப்பாக்கியை விளையாட்டுக்காக சுடுபவர்.

ஹாக்கியில் இந்தியா ஜெர்மனியிடம் 5 க்கு 2 என தோற்றது.

ஹாக்கிதான் பஞ்சராகி பல வருஷம் ஆச்சே!

விஜயகுமார் ஹிமாச்சலத்தை சேர்ந்த இந்திய ராணுவ வீரர்.

யினியவன் wrote:விஜயகுமார் ஹிமாச்சலத்தை சேர்ந்த இந்திய ராணுவ வீரர்.

இராணுவ வீரரா?

இவரால் இந்திய இராணுவத்துக்கே பெருமை!

சிவா wrote:

யினியவன் wrote:விஜயகுமார் ஹிமாச்சலத்தை சேர்ந்த இந்திய ராணுவ வீரர்.

இராணுவ வீரரா?

இவரால் இந்திய இராணுவத்துக்கே பெருமை!

ஆமா சிவா - அர்ஜுனா அவார்ட் விண்ணரும் ஆவார்.

இந்தியாவுக்கு 2-வது பதக்கம்: துப்பாக்கி சுடுதலில் விஜய குமார் வெள்ளி வென்றார் London வெள்ளிக்கிழமை, ஆகஸ்ட் 03, 7:46 PM IST 0கருத்துக்கள்0 இமெயில் பிரதி



லண்டன்,ஆக.3-

ஆண்கள் 25 மீட்டர் ரேபிட் பயர் பிஸ்டல் இறுதிப்போட்டி இன்று நடைபெற்றது.

இதில் இந்திய வீரர் விஜயகுமார் 30 புள்ளிகள் பெற்று வெள்ளி பதக்கம் வென்றார். 34 புள்ளிகள் பெற்ற கியூபா வீரர் தங்க பதக்கத்தையும், சீன வீரர் வெண்கல பதக்கத்தையும் வென்றனர். இந்தியா பெற்ற 2-வது பதக்கம் இதுவாகும். இரண்டு பதக்கமே துப்பாக்கி சுடுதல் போட்டியில்தான் கிடைத்தது.

வாழ்த்துக்கள் விஜயகுமார்.

தாயகத்திற்கு மற்றுமொரு பெருமை

இந்தியாவிற்கு விஜயகுமார் ஒரு மணிமகுடத்தை சுட்டு (சுடுதல் போட்டி) கொடுத்துவிட்டார். வாழ்த்துக்கள்...

விஜய குமார் வெள்ளி வென்றார்

நன்றி மற்றும் வாழ்த்துகள் விஜயகுமார்