நாளை நடப்பது நாளைக்கே நடக்கட்டும்!!!

ஒரு முறை ஒரு மனிதருக்கு அவர் செய்யாத குற்றத்திற்கு மரண தண்டனை விதிக்கப்பட்டது. அடுத்த நாள் காலை அவரை தூக்கில் போட வேண்டும் என்று அரசர் உத்தரவிட்டார். இப்படி ஒரு தீர்ப்பு சொன்னவுடன் அவர் எனக்கு ஒரு வருடம் அவகாசம் தாருங்கள் உங்கள் குதிரையை பறக்க வைப்பேன் என்றார்.

இதைக் கேட்ட அரசர் “சரி… ஆனால் குதிரை பறக்காவிட்டால் உன் தலையை யானையின் காலுக்கு கீழே வைத்து நசுக்கிவிடுவேன்” என்று எச்சரித்தார்.
அவருக்கு ஒரு வருடம் காலக்கெடு கொடுத்து அனுப்பினார்.

அரசரின் குதிரையை அழைத்துக்கொண்டு வீட்டுக்கு வந்த அம்மனிதரை பார்த்த அவர் மனைவி என்ன இப்படி செய்து விட்டீர்கள்? குதிரைக்கு எப்படி பறக்க கற்று கொடுப்பீர்கள்? எங்காவது குதிரை பறக்க முடியுமா? என்று சோகமாக கேட்டார்.

அதற்கு அந்த மனிதர் “எனக்கு ஒரு வருடம் அவகாசம் இருக்கிறது. இந்த ஒரு வருடத்தில் என்ன வேண்டு மானாலும் நடக்கலாம். அதில் அரசர் இறக்கலாம். அல்லது நானோ கூட இயற்கை மரணம் அடையலாம். இல்லை குதிரை இறக்கலாம். நானே அதற்கு பறக்கக் கூட கற்றுக்கொடுக்கலாம். யாருக்கு தெரியும்?” என்றார்.

நாளை என்ன நடக்கபோகிறது. என்பதை தற்போதைய சூழ்நிலைகளை வைத்து தீர்மானிக்க முடியாது. நாளை நடக்கப் போவதற்கும் இப்போதிருக்கும் சூழ்நிலைகள் ஒரு வழிகாட்டியாக வேண்டுமானால் இருக்கலாமே தவிர அவையே ஒரு தீர்மானமாக இறுதி முடிவாக இருக்கத் தேவையில்லை இன்றைய சூழ்நிலைகள் நாளைய எதிர்காலமாக மக்கள் கற்பனை செய்து கொள்வதால் தான் அவர்களுக்கு துயரங்கள் மன அழுத்தமும் ஏற்படுகிறது.


முகநூல்

நாளை என்ன நடக்கபோகிறது. என்பதை தற்போதைய சூழ்நிலைகளை வைத்து தீர்மானிக்க முடியாது. நாளை நடக்கப் போவதற்கும் இப்போதிருக்கும் சூழ்நிலைகள் ஒரு வழிகாட்டியாக வேண்டுமானால் இருக்கலாமே தவிர அவையே ஒரு தீர்மானமாக இறுதி முடிவாக இருக்கத் தேவையில்லை இன்றைய சூழ்நிலைகள் நாளைய எதிர்காலமாக மக்கள் கற்பனை செய்து கொள்வதால் தான் அவர்களுக்கு துயரங்கள் மன அழுத்தமும் ஏற்படுகிறது.

நல்ல கருத்து