"டவுட்' தனபாலு

**கேசவன்** · **கேசவன்** Thu Jul 26, 2012 8:07 pm

முதல்வர் ஜெயலலிதா: கூட்டணிக் கட்சிகள் ஏற்படுத்தும் பிரச்னைகளில் சிக்கித் தவிக்கும் மத்திய அரசுக்கு, மக்கள் பிரச்னைகளில் கவனம் செலுத்த நேரம் இல்லை. எவ்வித கொள்கை முடிவுகளையும் எடுக்க முடியாமல், கொள்கை முடக்கத்தில் சிக்கியுள்ள மத்திய அரசுக்கு, தமிழகத்தின் ஜீவாதாரப் பிரச்னையான காவிரி நதி நீர் பிரச்னையைப் பார்க்க இயலவில்லை.
டவுட் தனபாலு: உங்களை மாதிரி, அவங்க தனி மெஜாரிட்டியிலயா ஆட்சி நடத்துறாங்க... கூட்டணி கட்சிகள் முட்டு கொடுக்குற தயவுல தானே, எட்டு வருஷமா அவங்க வண்டி ஓடிட்டு இருக்கு... அவங்களை, "தாஜா' பண்ணினா தானே, அந்த வண்டி, "மாமூலா' ஓடும்... இதுல, கொள்கை முடிவாவது, கொத்தவரங்காயாவது...?

மகாராஷ்டிரா நவநிர்மாண் சேனா தலைவர் ராஜ் தாக்கரே: மகாராஷ்டிராவில் உள்ள சுங்கச்சாவடிகளில் கட்டணம் வசூலிக்கும் நடவடிக்கைகளில், வெளிப்படையான அணுகுமுறை இல்லை. சுங்கச் சாவடிகளில், எவ்வளவு கட்டணம் வசூலிக்கப்படுகிறது என்பதை மாநில அரசு தெரிவிக்க வேண்டும்.
டவுட் தனபாலு: உங்க மாநிலம் மட்டுமில்லை... நாடு பூராவுமே, சுங்கச் சாவடிகள்ல, தனியார் வச்சது தான் சட்டமா இருக்கு... அவங்களையே ரோடு போட விட்டு, அவங்களையே அதை பராமரிக்கவும் சொல்லிட்டு, கட்டணத்தையும் வசூல் பண்ணிக்கலாம்னு சொல்றதுக்கு, ஒரு அரசாங்கம் தேவையாங்கிறது தான், என்னோட, "டவுட்!'

பத்திரிகை செய்தி: ஆதிதிராவிடர் மற்றும் பழங்குடியினர் மாணவர்களுக்கு, அரசு வழங்கிய கல்வி உதவித்தொகை, 80 லட்சம் ரூபாயை, பள்ளி தலைமையாசிரியர்கள் மோசடி செய்தது குறித்து, போலீசார் விசாரணை நடத்துகின்றனர்.
டவுட் தனபாலு: பள்ளி தலைமை ஆசிரியர்களே, 80 லட்சம் ரூபாயை, "அடிச்சிருக்காங்க'ன்னா, இதுக்கு மேல, இந்த துறையின் நிதியை கையாளுறவங்க, எத்தனை கோடி அடிச்சிருப்பாங்கன்னு கணக்கு போட்டு பார்த்தா, கால்குலேட்டரே தடுமாறுமே...

http://www.dinamalar.com

"டவுட்' தனபாலு

"டவுட்' தனபாலு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக