மலேசியாஇன்று: படையெடுப்பு மருட்டல் : எல்லையில் பாதுகாப்பு வலுப்படுத்தப்பட்டது

மலேசியா மீது இன்று படையெடுக்கப் போவதாக இந்தோனிசிய தீவிரவாதக் கும்பல் ஒன்று மருட்டியிருப்பதைத் தொடர்ந்து கலிமாந்தான் பாராட்டிலிருந்து சரவாக்கிற்குள் நுழைவதற்கான எல்லா வாயில்களிலும் போலீசார் பாதுகாப்பை வலுப்படுத்தியுள்ளனர்.

தெபுடு, செரிக்கின் ஆகிய எல்லை நகரங்களில் பொது நடவடிக்கை பிரிவைச் சேர்ந்த வீரர்கள் கூடுதலாக நிறுத்தப்பட்டிருப்பதாக சரவாக் போலீஸ் படைத் தலைவர் முகமட் சாலே கூறினார்.

விரும்பத்தகாத சம்பவங்கள் ஏதும் நிகழாமல் தடுப்பதற்கு பல்வேறு சட்டவிரோத நுழைவாயில்களிலும் போலீசா கண்காணிப்பை அதிகரித்துள்ளதாகவும் அவர் சொன்னார்.

அந்த மிரட்டலை விடுத்த பெண்டேரா என்று அழைக்கப்படும் அந்த அமைப்பின் உறுப்பினர்கள் சம்பந்தப்பட்ட நடவடிக்கை எதனையும் நாங்கள் காணவில்லை”, என்றும் அவர் கூறியதாக பெர்னாமா தகவல் வெளியிட்டுள்ளது.

இந்தோனிசியத் தொழிலாளர்கள் பெரும் எண்ணிக்கையில் வேலை பார்க்கும் தொழிற்சாலைகள், தோட்டங்கள் ஆகியவையும் கண்காணிக்கப்படுவதாக முகமட் சாலே தெரிவித்தார்.

போலீசார் முக்கியமான சாலைகளிலும் சாலைத் தடுப்புக்களை அமைத்துள்ளனர்.

கலிமந்தானுக்குச் செல்லும் மலேசியர்கள் யாரும் மிரட்டப்பட்டதாக இது வரை எந்தத் தகவலும் இல்லை எனவும் அவர் தெரிவித்தார்.

பொந்தியானாக்கில் சூழ்நிலை அமைதியாக இருக்கிறது

பொந்தியானாக்கில் சூழ்நிலை அமைதியாக இருப்பதாகவும் மலேசிய எதிர்ப்பு நடவடிக்கைகள் ஏதும் இல்லை என்றும் பொந்தியானாக்கில் உள்ள மலேசியத் தூதரகப் பேராளர் எம் ஜைரி என் பஸ்ரி கூறினார்.

பொந்தியானாக்கிலிருந்து கூச்சிங்கிற்கு பஸ் சேவையை வழங்கும் முக்கிய பஸ் நிறுத்துமிடத்தில் நேற்று வழக்கத்திற்கு மாறான நிகழ்வுகள் ஏதும் நடைபெறவில்லை என்றும் அவர் குறிப்பிட்டார்.

“அங்கு நிலைமை அமைதியாக இருக்கிறது. பெண்டேரா உறுப்பினர்கள் அந்த நகரில் இருந்த போதிலும் அந்த அமைப்பு தொடர்பில் எந்த ஒரு நிகழ்வு நிகழவில்லை.”

“இங்கு பிரச்னை ஏதும் இல்லை. இவ்வார இறுதியில் நாங்கள் நோன்புப் பெருநாள் திறந்த இல்ல உபசரிப்பை நடத்த்விருக்கிறோம். அதற்கு மேற்கு கலிமந்தான் கவர்னரை அழைத்துள்ளோம். ஏனெனில் மலேசியா இந்தோனிசியா உறவுகள் மிகவும் நன்றாக இருக்கின்றன”, என அவர் மேலும் கூறினார்.

பொந்தியானாக்கில் வணிகர்களும் தொழிலாளர்களுமாக 300 பேர் வசித்து வருகின்றனர். அவர்கள் அடிக்கடி பொந்தியானாக்கிற்கும் மலேசியாவுக்கும் இடையில் அடிக்கடி பயணம் செய்து வருகின்றனர்.

பல விஷயங்கள் தொடர்பில் மலேசியா மீது அதிருப்தி அடைந்துள்ள பெண்டேரா மலேசியா மீது படையெடுக்கப் போவதாக அண்மையில் மிரட்டியிருந்தது.

கடைசியாக அது பாரம்பரிய பாலி நடனம் ஒன்றை மலேசியா திருடியிருப்பதாக அது குற்றம் சாட்டியுள்ளது.

இந்தோனிசிய ஆர்ப்பாட்டக்காரர்கள் மலேசியக் கொடிகளுக்கு எரியூட்டியுள்ளனர். அதே வேளையில் பல மலேசிய இணையத்தளங்கள் ஊடுருவப்பட்டன.

இந்தோனிசியத் தொழிலாளர்கள் மோசமாக நடத்தப்படுவது குறிப்பாக வீட்டுப் பணிப் பெண்கள் அவர்களுடைய முதலாளிகளினால் கடுமையாக துன்புறுத்தப்படுவதும் தகராற்றுக்குரிய அம்சமாகும்.

அண்ணா அனேகமாக நிலநடுக்கத்திற்கு பயந்து குடியேற்றமாக இருக்கப்போகிறது