அசாம் கலவரத்துக்கு 32 பேர் பலி: 1 1/2 லட்சம் பேர் வீடுகளை இழந்து தவிப்பு

GreatMortal · GreatMortal Wed Jul 25, 2012 1:40 pm

அசாம் மாநிலம் கோக்ரஜார் மாவட்டத்தில் போடோ இன இளைஞர்கள் சிலர் கொலை செய்யப்பட்டனர். இதையடுத்து, போடோ இன மக்களுக்கும், முஸ்லிம்களுக்கும் இடையே மதக்கலவரம் மூண்டது.

கொலை, தீவைப்பு, பொதுச் சொத்துக்களுக்கு சேதம் விளைவித்தல் போன்ற சம்பவங்கள் நடைபெறுகின்றன. கலவரம் பக்கத்து மாவட்டங்களுக்கும் பரவியது. கலவரத்துக்கு பயந்து கிராம மக்கள் ஊரை காலி செய்து விட்டு, முகாம்களில் தஞ்சம் புகுந்து விடுகின்றனர்.

கோக்ரஜார், சிராக் மற்றும் வங்காளதேசம் எல்லையில் உள்ள துப்ரி ஆகிய 3 மாவட்டங்களில் பயங்கர கலவரம் நடக்கிறது. 60 கிராமங்களில் வீடுகள் அனைத்தும் தீவைத்து முற்றிலுமாக அழிக்கப்பட்டுள்ளன.

கலவரத்தை அடக்க 3 மாவட்டங்களிலும் ராணுவம் குவிக்கப்பட்டுள்ளது. போலீசாருடன் இணைந்து ராணுவ வீரர்கள் ரோந்து சுற்றி வருகின்றனர். இந்த கலவரத்துக்கு இதுவரை 32 பேர் பலியாகி உள்ளனர். இரு தரப்பினர் மோதலில் 28 பேரும், போலீஸ் துப்பாக்கி சூட்டில் 4 பேரும் இறந்தனர்.