சென்னையில் பெட்ரோல் கிடங்கில் பயங்கர தீ

சென்னை, பிப்1 (டிஎன்எஸ்) சென்னை கொருக்குப்பேட்டையில் உள்ள பெட்ரோல் கிடங்கில் ஏற்பட்ட பயங்கர தீ விபத்தில் பல லட்ச ரூபாய் மதிப்புள்ள லூப்ரிகேட்டட் ஆயில் எரிந்தது. 30க்கும் மேற்பட்ட தீயணைப்பு வண்டிகள் தீயை அணைக்கும் பணியில் ஈடுபட்டனர். பெட்ரோல் கிடங்கு வெடித்துவிடும் என்ற அச்சத்தால் அங்கு பரபரப்பு நிலவியது. கும்மிடிப்பூண்டி மார்கமாக செல்லும் ரெயில்களும் நிறுத்தப்பட்டன.

சென்னை கொருக்குப்பேட்டையில் இந்துஸ்தான் பெட்ரோலிய நிறுவனத்தின் பெட்ரோல் சேமிப்பு கிடங்கு உள்ளது. இங்கு
20-க்கும் மேற்பட்ட ராட்சத டேங்குகளில் பெட்ரோல் மட்டும் டீசல் சேமிக்கப்பட்டு உள்ளது. இந்த ராட்சத டேங்குகளில் இருந்து பெட்ரோல், டீசல் விமானங்களுக்கு பயன்படும் பெட்ரோல் ஆகியவை பல இடங்களுக்கு விநி யோகிக்கப் படுகின்றன.

நாள்தோறும் 100க்கும் மேற்பட்ட டேங்கர் லாரிகள் இங்கு வந்து பெட்ரோல், டீசலை நிருப்பி செல்வது வழக்கம். இந்த பெட்ரோல் டீசல் சேமிப்பு கிடங்கின் ஒரு பகுதியில் லூப்ரிகேட்டட் ஆயில் சேமிக்கப்பட்டு பாக்கிங் செய்யப்படும் மற்றொரு கிடங்கு உள்ளது.

இதல் 100க்கும் மேற்பட்ட ஊழியர்கள் தினமும் பேங்கிங் பணியில் ஈடுபடுவது வழக்கம். பிப்-1 அன்று விடுமுறை நாள் ஆனதால் அங்கு ஊழியர்கள் யாரும் வேலைக்கு வரவில்லை. இந்தநிலையில், இன்று காலை 10 மணியளவில் லூப்ரிகேட்டட் ஆயில் பேக்கிங் செய்யும் பகுதியில் திடீர் தீ பிடித்தது.

இதில் அங்கு இருந்த ஆயில் எரிய ஆரம்பித்தது. இது பற்றிய தகவல் அறிந்ததும் வண்ணாரப்பேட்டை, தண்டையார்பேட்டை, ராயபுரம், எண்ணூர், மணலி, கொருக்குப் பேட்டை ஆகிய பகுதிகளில் இருந்து 15 தீயணைப்பு வண்டிகளும் 15-க்கும் மேற்பட்ட தண்ணீர் லாரிகளும் விரைந்து வந்து தீயை அணைக்கும் பணியில் ஈடுபட்டன.

மேலும், அந்த நிறுவனத்தை சேர்ந்த அதிகாரிகளும் ஊழியர்கள் சிலரும் தகவல் அறிந்ததும் அங்கு கூடினர். ஆயில் தீ பற்றி எரிந்ததால் தண்ணீர் கொண்டு முழுவதுமாக அணைப்பதில் சிக்கல் ஏற்பட்டது. இதையடுத்து நுரை பொங்கும் ரசாயனத்தை தண்ணீர் போல் தீ எரியும் இடத்தில் அடித்து தீயை அணைக்கும் பணியில் தீயணைப்பு படையினர் ஈடுபட்டனர்.

தீ பிடித்த இடம் அருகில் பெட்ரோல், டீசல் நிரப்பப்பட்ட ராட்சத டேங்குகள் இருப்பதால் அதில் தீ பரவினால் அவை வெடிக்கும் அபாயம் உள்ளது. அதனால் கொருக்குப்பேட்டை மற்றும் அதனை சுற்றியுள்ள பகுதிக்கு பாதிப்பு ஏற்படலாம் என்ற அச்சம் அப்பகுதி மக்களிடையே காணப்பட்டது. இதனால் அப்பகுதியில் பரபரப்பு காணப்பட்டது.

இந்த தீ விபத்தில் பல லட்ச ரூபாய் மதிப்புள்ள ஆயில் எரிந்து நாசமாகி இருக்கலாம் என்று கூறப்படுகிறது. தகவல் அறிந்ததும் சம்பவ இடத்திற்கு வண்ணாரப்பேட்டை போலீஸ் துணை கமிஷனர் காமினி, உதவி கமிஷனர்கள் ராஜாராம், முரளி மற்றும் கொடுக்குப்பேட்டை போலீசார் விரைந்து வந்து பாதுகாப்பு பணியில் ஈடுபட்டனர்.

தீ பிடித்த பெட்ரோல் கிடங்கு அருகே கும்மிடிப்பூண்டி மார்கமாக செல்லும் ரயில் பாதை உள்ளது. பெட்ரோல் கிடங்கு தீ பிடித்தால் அந்த வழியாக செல்லும் ரெயில்களின் பாதுகாப்பு கருதி சென்னை சென்ட்ரல் ரயில் நிலையத்தில் இருந்து கும்மிடிப் பூண்டி மார்கமாக செல்லும் மற்றும் வரும் ரயில்கள் தற்காலிகளாக நிறுத்தப்பட்டன. இதனால் சென்னை சென்ட்ரல் ரயில் நிலையத்தில் பயணிகள் கூட்டம் அதிகமாக காணப்பட்டது.

(டிஎன்எஸ்)