தேங்காய் பால் விஸ்கி கிக்கோ கிக்..

First topic message reminder :


தரங்கம்பாடி, ஜூலை 18&
தேங்காய் பாலில் இருந்து விஸ்கி தயாரிக்கும் வழிமுறையை தரங்கம்பாடி வாலிபர் கண்டுபிடித்துள்ளார். கிக் அதிகம் இருக்கும். ஹேங்ஓவர் இருக்காது என்று அவர் கூறினார்.
நாகை மாவட்டம் பொறையார் சிவன் தெற்கு வீதியை சேர்ந்தவர் ஆதித்ய சுந்தர பாண்டியராஜ் (31). தேங்காயில் இருந்து விஸ்கி தயாரிக்கும் தொழில்நுட்பத்தை இவர் கண்டுபிடித்துள்ளார். இதுகுறித்து அவர் கூறியதாவது:
ஐடிஐ மெக்கானிக்கல் படித்தேன். 1998 முதல் ஆராய்ச்சியில் முழு கவனம் செலுத்தினேன். தேங்காய் பால் சாப்பிட்டால் நன்றாக தூக்கம் வரும் என்பார்கள். இதை அனுபவ ரீதியாக உணர்ந்த பிறகு, தேங்காயில் இருந்து விஸ்கி தயாரிக்கும் முயற்சியில் ஈடுபட்டேன். தேங்காய் பாலை கொண்டு பல்வேறு சோதனைகள் நடத்தி முடிவில் தேங்காய் விஸ்கியை 2003&ல் கண்டுபிடித்தேன்.
வீட்டருகே மது அருந்தும் பழக்கம் உள்ள ஒருவரிடம் கொடுத்து குடிக்கச் சொன்னேன். மற்ற மதுவகைகளை குடித்தால் ஏற்படும் ‘ஹேங்ஓவர்’ இதில் இல்லை. ஆனால், கிக் அதிகம் இருக்கிறது என்றார். தரங்கம்பாடிக்கு வந்த டென்மார்க் இன்ஜினியர் பென்ட் கிறிஸ்டியன் என்பவரிடமும் கொடுத்தேன். ஐரோப்பிய மதுபானங்களைவிட சூப்பராக இருப்பதாக சொன்னார். எனது கண்டுபிடிப்பான தேங்காய் விஸ்கி விற்பனைக்கு வந்தால், தென்னை விவசாயிகள் பெரும் பயனடைவார்கள். தேங்காய் விஸ்கி 100 சதவீதம் இயற்கையானது. ரசாயன கலப்பு இல்லாதது. உடலுக்கு ஆரோக்கியமானது. ஜீரண உறுப்புகளை பலப்படுத்தும் தன்மை கொண்டது.
தேங்காய் விஸ்கிக்கு 2006&ல் காப்புரிமையும் பெற்றேன். இதை விற்பனைக்கு கொண்டு வர அரசு அனுமதி பெற முயற்சி செய்து வருகிறேன். காப்புரிமை பெற்று 9 ஆண்டு ஆகியும் அரசு அனுமதி இன்னும் கிடைக்கவில்லை. ஆராய்ச்சிக்கான வாய்ப்புகளும் அங்கீகாரமும் இந்தியாவில் குறைவு. இதனால்தான் புதிய படைப்புகள் வருவதில்லை. லண்டனில் அதிகம் விற்கும் ‘கோப்ரா பீர்’ இந்திய மாணவரின் கண்டுபிடிப்புதான்.
வெளிநாட்டில் இருந்து இறக்குமதி செய்யப்படும் விஸ்கி ரூ.12 ஆயிரம் வரை விற்கப்படுகிறது. தேங்காய் விஸ்கியை ரூ.800க்கு விற்கலாம். தரங்கம்பாடிக்கு கவுரவம் அளிக்கும் வகையில் ‘டிரான்குபார் கோகனட் விஸ்கி’ என பெயரிட்டுள்ளேன்.
இவ்வாறு ஆதித்ய சுந்தர பாண்டியராஜ் கூறினார்.
ஆப்பத்துக்கு மட்டுமல்ல.. ‘ஆஃப்’ அடிக்கவும்தான்
தேங்காய்ப் பாலில் இருந்து உருவாக்கிய ‘டிரான்குபார் கோகனட் விஸ்கி’ வகைகளுடன் தரங்கம்பாடி வாலிபர் ஆதித்ய சுந்தர பாண்டியராஜ்.

நன்றி தினகரன்.



அழுவாதீங்க இனியவன், நாலு பாட்டில் உங்க ஊருக்கு கொடுத்தனுப்ப சொல்றேன்

சிவா wrote:பல வருடங்களுக்கு முன்னரே Malibu என்னும் சரக்கு அடித்துள்ளேன். இது தேங்காயிலிருந்து செய்ததுதான்! Chivas regal-லுடன் கலந்து குடிக்க அருமையாக இருக்கும்!

எனவே இது ஒரு புது கண்டுபிடுப்பு என்று கூறுவதற்கில்லை!

இதன் வாசனை தேங்காய் பர்பி போல நல்லா இருக்கும் தல ,

சிவா wrote:நீங்களும் ருசித்துள்ளீர்களா? அருமை.. அருமை!!!

தேங்காய் பால் என்று நினைத்து வாங்கி வந்துவிட்டேன் தல , மற்றபடி நான் உங்களை போல ஆளு இல்லை (வேணுமின்னா நாட்டாமை பாலாஜியை கேட்டுபாருங்க)

வாத்தியாரே நீங்களுமா? :அடபாவி:

சிவா wrote:அடடா, இவ்வளவு அப்பாவியா இருக்கீங்களே தல!

அது வேற ஒன்னும் இல்லியாம் சிவா - அவருதான தேங்காய் சட்னி அரைக்கணும் - அதுக்கு யூஸ் ஆவுதுன்னு வாங்கினாரு - வேற ஒன்னும் இல்ல.

வரட்டும் பார்க்கலாம்.

உங்களுக்கு காப்பு உரிமை குடுக்க நாம நாட்டில் இல்லை ..
ஜெயிலில் உள்ளோம்...

டாஸ்மாக்க விட நல்ல இருந்தா அப்புறம் எப்டி குடுப்பாங்க ...