சுஷில் குமாருக்கு ஒலிம்பிக் கவுரவம்! * மூவர்ணக் கொடியை ஏந்திச் செல்கிறார்

**சிவா** · **சிவா** Mon Jul 16, 2012 5:50 pm

புதுடில்லி: ஒலிம்பிக் துவக்க விழா அணிவகுப்பில் மூவர்ணக் கொடியை ஏந்திச் செல்லும் அரிய கவுரவம் சுஷில் குமாருக்கு அளிக்கப்பட்டுள்ளது.

லண்டன் ஒலிம்பிக் போட்டி வரும் 27ம் தேதி துவங்குகிறது. இதன் துவக்க விழாவில் இந்திய குழுவுக்கு தலைமை ஏற்று, தாய்நாட்டு கொடியை ஏந்திச் செல்லப் போவது யார் என்ற எதிர்பார்ப்பு நிலவியது. ஒலிம்பிக்கில் ஏற்கனவே பதக்கம் பெற்று தந்த பயஸ்(டென்னிஸ்), விஜேந்தர்(குத்துச்சண்டை), அபினவ் பிந்த்ரா(துப்பாக்கி சுடுதல்), சுஷில் குமார்(மல்யுத்தம்) ஆகியோரது பெயர் பரிசீலிக்கப்பட்டது.

கடந்த ஒலிம்பிக்கில் தங்கம் வென்ற அபினவ் பிந்த்ராவுக்கு தான் வாய்ப்பு அதிகம் இருந்தது. ஆனால், இவர் ஜூலை 30ம் தேதி 10 மீ., "ஏர் ரைபிள்' போட்டியில் பங்கேற்க வேண்டியுள்ளது. துவக்க விழாவில் 6 மணி நேரம் பங்கேற்றால், கையில் வலி ஏற்படலாம் என தயங்கினார். இதே போல விஜேந்தரின் போட்டி ஜூலை 28ம் தேதி துவங்குவதால், சிக்கல் ஏற்பட்டது. பயசை பொறுத்தவரை ஏற்கனவே சிட்னி ஒலிம்பிக்கில்(2000) இந்திய கொடியை ஏந்தி வந்தார். எனவே, இம்முறை சுஷில் குமாருக்கு, 29, வாய்ப்பு அளிக்க முடிவு செய்யப்பட்டது. அரியானாவை சேர்ந்த இவர், 2008ல் பீஜிங் ஒலிம்பிக் மல்யுத்தத்தில்( "பிரீஸ்டைல்', 66 கி.கி.,) வெண்கலம் வென்று அசத்தினார்.

இது குறித்து இந்திய ஒலிம்பிக் சங்கத்தின் செயல் தலைவர் விஜய் குமார் மல்கோத்ரா கூறுகையில்,""வரும் 27ம் தேதி துவக்க விழா நடக்கிறது. இது முடிந்த சில நாட்களில் மற்ற வீரர்கள் தங்களது போட்டிகளில் பங்கேற்க வேண்டியுள்ளது. இதையடுத்து சுஷில் குமாருக்கு இந்திய கொடியை ஏந்தி வரும் வாய்ப்பு அளிக்கப்பட்டது,''என்றார்.

தினமலர்

இரா.பகவதி · இரா.பகவதி Mon Jul 16, 2012 6:00 pm

இந்த தடவை எத்தனை மெடல் வருதுன்னு பார்ப்போம் , பகிர்விற்கு நன்றி சிவா அண்ணா சூப்பருங்க

சுஷில் குமாருக்கு ஒலிம்பிக் கவுரவம்! * மூவர்ணக் கொடியை ஏந்திச் செல்கிறார்

சுஷில் குமாருக்கு ஒலிம்பிக் கவுரவம்! * மூவர்ணக் கொடியை ஏந்திச் செல்கிறார்

Re: சுஷில் குமாருக்கு ஒலிம்பிக் கவுரவம்! * மூவர்ணக் கொடியை ஏந்திச் செல்கிறார்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக