அமுதன் குறள்-01

**தமிழ்நேசன்1981** · 21/11/2010

தாலாட்டுக் குறள்

அருமைக் குழந்தாய்! பெரியவன் ஆனால்
உறக்கம் தொலையும் உறங்கு. (1)

பகலில் உறங்கும் பழக்கம் குறைப்பாய்
இரவோ(டு) உறங்கி எழு. (2)

உறங்கும் பொழுதும் விழிப்போ(டு) இருப்பாய்
உறக்கம் உடலுக்(கு) உணர். (3)

தாலாட்டுப் பாடத் தளிர்வாய் இதழ்மலர்ந்து
காலாட்டிக் கேட்டுக் களி. (4)

கருவில் விளைந்த கனியே! அழகாய்
முறுவல் உதிர்த்து முகிழ். (5)

குதலை* மொழியும் குலாவு* நகையும்
மதலை* உனக்கிவை மாண்பு. (6)

முந்தானைத் தூளியில் முப்போழ்(து) இருந்தாடி
தந்தையின் கைப்பிடித்துத் தத்து. (7)

பாட்டி கதைகூற பாட்டனார் பாவிசைக்கக்
கேட்டு விழியுறக்கம் கொள். (8)

பொய்ம்மைக் கதைகேட்டுப் போழ்தைத் தொலைக்காதே!
மெய்ம்மை அறிதலே மேல்! (9)

உலகிலே இல்லாத ஓர்பேய்க் கதைக்கும்
கலங்காமல் ‘பொய்’என்றே சொல். (10)

--- அருமை நண்பர் அகரம் அமுதன் அவர்கள்
6.குதலை –மழலைச்சொல்; குலாவுதல் –வயப்படுத்துதல்; மதலை -குழந்தை

யினியவன் · யினியவன் Sat 14 Jul 2012 - 2:43

அருமை தமிழ்நேசன்.

பெரியவனாகி உறக்கம் தொலைத்ததனால் தான்
நீங்கள் எழுத நான் படிக்க இவ்விரவு விழித்திருக்கிறதோ!!!

முரளிராஜா · முரளிராஜா Sat 14 Jul 2012 - 9:17

மிகவும் அருமை நண்பரே

இந்த பதிவைத் துவங்கியவர் நன்றி கூறியுள்ளார் முரளிராஜா

Sponsored content · Sponsored content

அமுதன் குறள்-01

அமுதன் குறள்-01

Re: அமுதன் குறள்-01

Re: அமுதன் குறள்-01

Re: அமுதன் குறள்-01

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக