எங்கே எனது கவிதை!

**rameshnaga** · **rameshnaga** Fri Jul 13, 2012 6:45 pm

First topic message reminder :

எங்கேயோ தொலைந்து போய்விட்டது
இந்தக் கவிதை.

எல்லாம் இவளைப் பற்ற்யதுதான்.

வெகு நாட்களுக்குப் பிறகு
இப்போதுதான் புன்னகைத்திருக்கிறாள்.

அதனால்தான்...
இவளுக்காகக்...

கண்ணதாசனிடமிருந்து கொஞ்சம்...
வாலியிடமிருந்து கொஞ்சம்...
வைரமுத்துவிடமிருந்து கொஞ்சம்...
வாத்ச்யாயனரிடமிருந்து கொஞ்சம்...

என்று பிய்த்து நிரவி...
காக்டைலாய்
ஒரு கவிதை செய்து வைத்தேன்.

அநியாயமாய்
தொலைந்து போய் விட்டது.

கடவுளே!
என்னவளின் கையில் இது
கிடைக்காமல் இருக்கவேண்டுமே.

எக்ஸ்க்யூஸ் மீ!
யாராவது பார்த்தீர்களா....
நான் தொலைத்த இந்தக் கவிதையை.