நூதன மணிக்கூடு புதிர் 3

இது ஏற்கனவே தெரிந்து இருக்கலாம். இணையத்துள் சிறந்த முதல் 10 புதிருக்குள் இதுவும் ஒன்று அதனால் இதை அறியாத புதியவர்களுக்கு சிந்திபதற்காக மீண்டும் தருகிறேன் .உடனே பதில் தரமாட்டேன் . முயற்சியுங்கள்!

ஒரு நூதன பழைய பொருட்கள் விற்கும் கடைக்குச் சென்று ஒரு அழகான பழைய கைக்கடிகாரம் ஒன்று வாங்கி வருகிறீர்கள்! இது சாதாரணமானது அல்ல. என்று வீடுவந்ததும் அறிந்து கொள்கிறீர்கள் ! ஒரு மாயசக்தி வாய்ந்தது.

அது நீங்கள் ஏதாவது சந்தேகத்தைக் கேட்டால் ஆம் அல்லது இல்லை என்று பதில் தரும் விதமாக நிறங்களை காட்டி பதிலளிக்கக்கூடியது. ஆனால் ஒருநாளுக்கு இரண்டே இரண்டு கேள்விகளுக்கு மட்டும்தான் பதிலளிக்கும்.

அதுவும் பதில் நீல அல்லது மஞ்சள் நிற ஒளியாக மின்னுவதன் மூலம்தான் தெரிவிக்கும். நீங்கள் புரிந்துகொள்ள வேண்டும். ஆனால் துரதிஸ்டவசமாக உங்களுக்கு எந்த பதிலுக்கு எந்த நிறம் என்று தெரியாது. ஏனென்றால் ஒவ்வொருநாளும் தன்னுடைய ஒழுங்கை மாற்றிக்கொள்ளும். இன்று ஆம் என்பதற்கு நீல ஒளியும், இல்லை என்பதற்கு மஞ்சள் ஒளியும்காட்டலாம். நாளை மாறி ஆம் என்பதை மஞ்சள் ஒளி மூலமும் இல்லை என்பதை நீல நிறமாகவும் காட்டலாம்.
இருந்தும் அது கூறும் பதில் நூறு வீதம் உண்மையானது என்பதால் அதில் மிகவும் நம்பிக்கை வைத்துள்ளீர்கள்!


ஒருநாள், உங்களுக்கு தொலைக்காட்சி போட்டி நிகழ்ச்சியொன்றில் கலந்து கொள்ளும் வாய்ப்பு கிட்டுகிறது. கலந்து கொள்கிறீர்கள். விளையாட்டில் சரியாக விளையாடி வென்றுவந்த உங்களுக்கு இறுதிக் கட்ட வாய்ப்பு கிட்டுகிறது அதில் விதிமுறை மிக எளிதானது.

அங்கே மூன்று மூடிய கதவுகள் இருக்கின்றன. இரண்டு கதவுகளுக்குப் பின்னால்
ஒவ்வொரு ஆடு நிறுத்தி வைக்கப்பட்டிருக்கிறது. ஒரு கதவின் பின்னால் மட்டும் புத்தம்புதிய சிவப்புநிறக் கார் நிறுத்தப்பட்டிருக்கிறது.

உங்களை ஏதாவது விரும்பிய ஒரு கதவை தெரிவுசெய்யச் சொல்லி நிகழ்ச்சி நடத்துபவர் கூறுகிறார். கதவுக்குப்பின்னால் இருப்பது உங்களுக்கு பரிசாக கிடைக்கும். நீங்கள் அந்தக் காரின் மேல் ஆசைப்பட்டு விட்டீர்கள் அதை எப்படியும் பெற்றாக வேண்டும்.

நீங்கள் அந்த ஆம் அல்லது இல்லை பதில்தரக்கூடிய இரண்டு கேள்விகளை உங்கள் மாயசக்தியுள்ள கைகடிகாரத்திடம் கேட்டு 100% நிச்சயப்படுத்தப்பட்ட வெற்றியை எப்படி அடைவீர்கள்?