புற்றுநோய் பாதிப்பு: தனது அனுபவங்கள் குறித்து புத்தகம் வெளியிடுகிறார் யுவராஜ் சிங்!

புற்றுநோய் பாதிப்பு: தனது அனுபவங்கள் குறித்து புத்தகம் வெளியிடுகிறார் யுவராஜ் சிங்!


பெங்களூர்: இந்திய கிரிக்கெட் அணியின் ஆல் ரவுண்டர் யுவராஜ் சிங், புற்றுநோயால் பாதிக்கப்பட்ட தனது அனுபவங்களை ஒரு புத்தகமாக வெளியிட தீர்மானித்துள்ளார். 'இன் டிப்பரன்ட் பார்ம்' என்று பெயரில் இப்புத்தகம் வரும் டிசம்பர் மாதத்திற்குள் வெளியாகும் என்று தெரிவிக்கப்பட்டுள்ளது.

இந்திய கிரிக்கெட் அணியின் ஆல் ரவுண்டர் யுவராஜ் சிங்(30). கடந்த ஆண்டு(2011) உலக கோப்பை தொடரில் சிறப்பாக ஆடிய இவர், தொடர் நாயகனாக தேர்வு செய்யப்பட்டார். ஆனால் அதன்பிறகு உடல்நலக் குறைவால் பாதிக்கப்பட்ட யுவராஜ் சிங், கிரிக்கெட் போட்டிகளில் பங்கேற்க முடியாமல் திணறினார்.

அவருக்கு நடைபெற்ற மருத்துவ பரிசோதனையில், நுரையிரலில் புற்றுநோய் பாதிப்பு இருப்பது கண்டுபிடிக்கப்பட்டது. இதற்கான சிகிச்சைக்காக அமெரிக்கா சென்று திரும்பிய யுவராஜ் சிங், தற்போது குணமடைந்துள்ளார். மேலும் பெங்களூரில் உள்ள தேசிய கிரிக்கெட் அகடமியில் பயிற்சி மேற்கொண்டு வருகிறார்.

இந்த நிலையில் கடந்த ஒராண்டிற்கு மேலாக புற்றுநோயால் பாதிக்கப்பட்ட தனது அனுபவங்கள் மற்றும் தனது வாழ்க்கை குறித்து, ஒருபுத்தகமாக வெளியிட யுவராஜ் சிங் தீர்மானித்துள்ளார். இது குறித்த அறிவிப்பை டுவிட்டர் இணையதளத்தில் அவர் தெரிவித்துள்ளார்.

இது குறித்து அவர் டுவிட்டர் இணையதளத்தில் கூறியிருப்பதாவது,

எனது கடந்த கால வாழ்க்கை மற்றும் புற்றுநோய் பாதிப்பில் கிடைத்த அனுபவங்களை பகிர்ந்து கொள்ளுமாறு, நண்பர்கள் விரும்புகின்றனர். இதனையடுத்து ரேண்டம் ஹவுஸ் இந்தியா எனது வாழ்க்கையை குறித்த புத்தகத்தை விரைவில் வெளியிட உள்ளது. இந்த அறிவிப்பு அனைவருக்கும் மகிழ்ச்சி அளிக்கும் என்று நம்புகிறேன் என்று தெரிவித்துள்ளார்.

யுவராஜ் சிங்கின் வாழ்க்கை குறித்த வரலாறை ரேண்டம் ஹவுஸ் இந்திய நிறுவனம் சார்பில், 'இன் டிப்பரன்ட் பார்ம்' என்ற பெயரில் புத்தகமாக வெளியிடப்பட உள்ளது. இதற்காக சிறந்த தோல் அட்டையுடன் கூடிய புத்தகம் வரும் டிசம்பர் 12ம் தேதி வெளியிட முடிவு செய்துள்ளதாக அந்நிறுவனத்தின் செய்திக்குறிப்பில் தெரிவிக்கப்பட்டுள்ளது.

இது குறித்து அந்நிறுவனம் வெளியிட்டுள்ள செய்திக்குறிப்பில் யுவராஜ் சிங் கூறியதாவது,

எனது வாழ்க்கையை குறித்து நான் யோசித்து பார்த்தால், பல இடங்களிலும் 'சி' என்ற ஆங்கில எழுத்தின் பயன்பாடு அதிகமாக இருந்துள்ளது. நான் பிறந்த ஊர் சண்டிகர். நான் ஒரு கிரிக்கெட் வீரர். சர்வதேச இந்திய அணிக்காக விளையாட வேண்டும் என்பதற்காக யாசித்தேன். இந்திய அணியில் தான் இருந்த போது, உலக கோப்பை கிடைத்தது. இந்த பட்டியலில் தற்போது புற்றுநோயும்(கேன்சர்) சேர்ந்துள்ளது.

கடந்த ஆண்டு உலக கோப்பை பெற்றது முதல் எனக்கு புற்றுநோய் பாதிப்பு ஏற்பட்ட வரை நான் கடந்த வந்த வாழ்க்கை பாதை மிகவும் கடினமாக இருந்தது. இதன்மூலம் நான் பல வாழ்க்கை பாடங்களை கற்று கொண்டேன். என்னால் இளைஞர்களுக்கு உதவ முடியும். மேலும் இந்திய அணியை சிறந்த அணியாக நிலை நிறுத்த முடியும் என்று நம்புகிறேன்.

எனக்கு புற்றுநோய் ஏற்பட்ட பிறகு தான் இந்தியாவில் எத்தனை புற்றுநோய் நோயாளிகள் உள்ளார்கள் என்பதை நான் தெரிந்து கொண்டேன். அவர்களில் ஒருவன் ஆக மாறின போது, புற்றுநோயாளிகளின் தனிமை, குழப்பம், பயம் ஆகியவற்றை என்னால் புரிந்து கொள்ள முடிந்தது. எனவே எனது வாழ்க்கையில் ஏற்பட்ட உயரங்களையும், தாழ்வுகளை நான் பகிர்ந்து கொள்ள விரும்புகிறேன்.

எனது இந்த முயற்சிக்கு ரேண்டம் ஹவுஸ் இந்தியா நிறுவனம் உதவுவது மகிழ்ச்சி அளிக்கிறது. இதே நிறுவனம் தான் புற்றுநோயால் பாதிக்கப்பட்ட சைக்கிள் வீரர் லான்ஸ் ஆம்ஸ்டார்ங்கின் புத்தகத்தையும் வெளியிட்டுள்ளது என்று அறிக்கையில் தெரிவிக்கப்பட்டுள்ளது.

இந்த புத்தகத்தில் உலக கோப்பையை பெற்ற போது, இந்திய வீரர்களின் அனுபவங்கள் மற்றும் அதன் பின்னணியில் நடைபெற்ற சம்பவங்களையும் யுவராஜ் சிங் நேரடியாக இதில் தெரிவித்துள்ளாராம்.

உலக கோப்பை தொடரின் இறுதிப் போட்டிக்கு முந்தைய இரவில் யுவராஜ் சிங்கிற்கு ஏற்பட்ட தூக்கமின்மை, இருமல், உணவு உட்கொள்ள முடியாமல் தவித்தது, ரத்த வாந்தி எடுத்தது என்று பல அனுபவங்களையும் யுவராஜ் சிங் இந்த புத்தக்கத்தில் தெரிவித்துள்ளாராம்.

http://tamil.thatscricket.com/news/2012/07/11/yuvraj-singh-s-memoir-coming-december-2012-001183.html

நல்ல முயற்சி ... சைக்கிள் வீரர் லான்ஸ் ஆம்ஸ்டார்ங் இன் வாழ்க்கை பலருக்கு உத்வேகத்தை தரும் அவரது மனதிட்பமும் கடின உழைப்பும் அதுபோல் இந்த புத்தகமும் வழிகாட்டினால் மிகவும் மகிழ்ச்சி... பதிவுக்கு நன்றி ...

ஆவலுடன் எதிர்பார்கிறேன்