ஆப்கானிஸ்தானில் கள்ளக்காதலில் ஈடுபட்ட பெண்ணை கொன்ற தீவிரவாதிகள்: பொதுமக்கள் முன்பு தண்டனை நிறைவேற்றம்

ஆப்கானிஸ்தானின் பல பகுதிகளில் இன்னும் தலிபான் தீவிரவாதிகளின் ஆதிக்கம் மேலோங்கி நிற்கிறது. அங்கு அவர்கள் இன்னும் தங்கள் சட்ட திட்டங்களை நிறைவேற்றி வருகின்றனர்.

சமீபத்தில் கள்ளக்காதலில் ஈடுபட்ட ஒரு பெண்ணை பொதுமக்கள் முன்பு சுட்டு கொன்று தண்டனையை நிறைவேற்றினர். இச்சம்பவம் தலைநகர் காபூல் அருகேயுள்ள குயிம்சோக் என்ற கிராமத்தில் நடந்தது. இது ஷின்வாரி மாவட்டத்தில் உள்ளது.

கிராம மக்கள் முன்னிலையில் பெண் சுட்டுக் கொல்லப்பட்ட வீடியோவை ராய்டர்ஸ் செய்தி நிறுவனம் வெளியிட்டது. அது 3 நிமிடம் மட்டுமே ஓடுகிறது. அதில், சால்வையால் மூடப்பட்ட ஒரு பெண் முழங்காலிட்டு அமர்ந்துள்ளார். அவர் அருகில் நிற்கும் தலிபான் தீவிரவாதி இறக்கமின்றி அவரது தலையில் பலமுறை துப்பாக்கியால் சுடுகிறான். அதை தொடர்ந்து அப்பெண் ரத்த வெள்ளத்தில் சாய்கிறாள்.

இதுபோன்ற கொடூர சம்பவங்கள் ஆப்கானிஸ்தானில் தலிபான்கள் ஆட்சி செய்த 1996 முதல் 2001-ம் ஆண்டு வரை நடந்தது. அப்போது பெண்களுக்கு பல கட்டுப்பாடுகள் விதிக்கப்பட்டன. அவர்கள் கல்வி பயிலவும், அலங்கார ஆடைகள் அணியவும், சுதந்திரமாக நடமாடவும் தடை விதிக்கப்பட்டது.

தற்போது தலிபான்கள் ஆட்சி அகற்றப்பட்டது. 11 ஆண்டுகளாக இங்கு 1 லட்சத்து 30 ஆயிரம் நேட்டோ படையும், 3 லட்சம் ஆப்கானிஸ்தான் ராணுவம் மற்றும் போலீசாரும் முகாமிட்டு பாதுகாப்பு பணியில் ஈடுபட்டுள்ளனர். இருந்தும் இன்னும் அங்கு இதுபோன்ற கொடுமைகள் அவ்வப்போது அரங்கேறி வருகின்றன.

Spoiler:

நன்றி : மாலைமலர்

என்ன கொடுமையான செயல்.! உயிருக்கு மதிப்பே இல்லையா?

இது அவர்களின் சட்டதிட்டம், அதை நிறைவேற்றியுள்ளார்கள். இதனால் அங்கு இதுபோன்ற நிகழ்வுகள் மேலும் நிகழாது என்பது அவர்கள் நம்பிக்கை.

மிருகங்கள் வாழும் நாடு

அசுரன் wrote:மிருகங்கள் வாழும் நாடு

சரியா சொன்னிங்க அன்பரே!!அவர்களை பெற்றது ஒரு பெண்தானே!

அசுரன் wrote:மிருகங்கள் வாழும் நாடு

சரியாகச் சொன்னீர்கள் அசுரன்