அதிகம் சாப்பிடாவிட்டால் ஆபத்து!

**அருண்** · **அருண்** Sun Jul 08, 2012 2:15 pm

பிரிட்டனைச் சேர்ந்த எமி, 9 வயதுச் சிறுமி, <உலகில் அபூர்வமாக மிகச் சிலருக்கு மட்டுமே ஏற்படும், "கிளட்-1'என்ற நோயால் பாதிக்கப்பட்டிருக்கிறாள். இந்த நோயால் பாதிக்கப்படுவோருக்கு, மூளை வளர்ச்சியில் பாதிப்பு ஏற்படும். அவர்களின் அறிவுத்திறன் பாதிக்கப்படுவதோடு, நரம்பியல் தொடர்பான மற்ற நோய்களும் ஏற்பட்டு, உயிருக்கே ஆபத்து ஏற்படுவதாகவும், டாக்டர்கள் கூறுகின்றனர்.
இந்த நோயால் பாதிக்கப்பட்டுள்ள சிறுமி எமி, வழக்கமாக மற்றவர்கள் சாப்பிடுவதை விட, இரண்டு மடங்கு அதிகமான உணவை சாப்பிட்டால் மட்டுமே, தொடர்ந்து உயிர் வாழ முடியும் என, டாக்டர்கள் எச்சரித்துள்ளனர்.
அதிக கலோரி உள்ள உணவுகளை, அளவுக்கு அதிகமாக சாப்பிட்டால் தான், அந்த சிறுமியின் மூளைக்கு போதிய ஊட்டச் சத்துகள் கிடைக்கும் என்றும், தொடர்ந்து உயிர் வாழ முடியும் என்றும், டாக்டர்கள் கூறியுள்ளனர். இதனால், இந்த சிறுமி, தினமும் ஆறு முறை உணவு சாப்பிடுகிறாள். சாப்பிடும் அனைத்து உணவிலும், ஆலிவ் ஆயில், பாலேடு போன்றவைகளை சேர்த்து சாப்பிட வேண்டிய கட்டாயமும் அந்த சிறுமிக்கு உண்டு.
அந்த குழந்தையின் பெற்றோர், அவள் ஒவ்வொரு முறை சாப்பிடும்போதும், போதிய சத்துள்ள உணவுகளை சாப்பிடுகிறாளா என, கண்காணித்து வருகின்றனர். உலகம் முழுவதும், நூறு பேர், இதுபோன்ற வித்தியாசமான நோயால் பாதிக்கப்பட்டுள்ளதாகவும், அதில் சிறுமி எமியும் ஒருவர் என்பது பரிதாபமான விஷயம் தான்.

வாரமலர்..!