தீபாவளிப் பண்டிகை – நரகாசுரனைக் கொன்ற நாள் அல்ல!

First topic message reminder :

(RTM என்கிற ரேடியோ டெலிவிசன் மலேசியா என்கிற மலேசியா அரசுக்கு சொந்தமான ரேடியோவுக்கு தெய்வமுரசு ஆசிரியர் அளித்த பேட்டி)

பேட்டியாளர் திருமிகு மனோன்மணி: ஐயா! தங்களை மீண்டும் சந்தித்துப் பேட்டி எடுப்பதில் மிக்க மகிழ்ச்சி. தற்போது மலேசியாத் தமிழர்களில் வரும் தீபாவளியின் பரபரப்பு தொடங்கிவிட்டது. இந்தத் தீபாவளிக் கொண்டாட்டத்தின் அடிப்படையைப் பற்றி சற்று எடுத்துச் சொல்லுங்கள் ஐயா!

தெய்வமுரசு ஆசிரியர்: அம்மா! தங்களை மீண்டும் ஒரு பேட்டிக்காகச் சந்திப்பதில் மெத்தமகிழ்ச்சி. தீபாவளிப் பண்டிகை என்பது 200 அல்லது 300 ஆண்டுகளாக தமிழர்களிடையே மிக்க பிரபலம் அடைந்திருப்பது உண்மைதான்.

கேள்வி: இது பற்றிக் கூறும்போது இது நரகாசுரனைக் கிருஷ்னண் கொன்ற நாள் என்றும் அதையே மக்களும் கொண்டாடுகின்றனர் என்றும் கூறுகிறார்களே! இதைப்பற்றி உங்கள் கருத்து என்ன?

பதில்: ஒருவர் கொல்லப்பட்டதைக் கொண்டாடுவது என்பது நாகரீகம் ஆகாது. அது காந்தியே ஆனாலும் அல்லது கோட்சேவே ஆனாலும் எவர் ஒருவர் சாவிலும் இனிப்பு கொடுத்துக் கொண்டாடுவது அநாகரீகமான செயலே. இறந்தவன் கெட்டவனே ஆனாலும் அவன் செய்த ஓரிரண்டு நல்ல செயல்களைக் கூறி அவனுக்காக அழுவது உலகியல்பு. அல்லாமல் இப்படியாக இன்னொருவர் வாழக்கூடாது என்று இவன் சாவில் நாம் பெறும் படிப்பினையாக இருக்கட்டும் என்றாவது சொல்வார்களே ஒழிய ஒருவன் மரணத்தில் இனிப்பு உண்டு மகிழ்வது எந்த வகையிலும் ஏற்கத்தக்கது அல்ல.

கேள்வி: ஆனால் புராணம் இப்படித்தான் சொல்கிறது என்கிறார்களே?

பதில்: விஷ்ணு புராணத்திலும், தேவி பாகவதத்திலும் இந்தக் கதை கூறப்படுவது உண்மைதான். ஆனால் அங்கே கூட நரகாசுரனின் தாயாகிய பூமாதேவி அவனை மன்னித்தருள் என்றுதான் கேட்டதாகக் கூறப்படுகிறதே ஒழிய (விஷ்ணுபுராணம் லிப்கோ பதிப்பு: பக்கம் 401) அவன் இறந்ததை இந்த பூமியில் உள்ளவர்கள் கொண்டாட வேண்டும் என்று கேட்டதாக கூறப்படவில்லை. அதுதான் தீபாவளியாகக் கொண்டாடப் படுகிறது என்கிற குறிப்பும் இல்லை.

இன்னும் சொல்லப்போனால் பூமாதேவி திருமாலின் இன்னொரு மனைவி. வராக அவதாரத்தில் திருமாலுக்கும் பூமாதேவிக்கும் பிறந்தவன் நரகாசுரன் என்று விஷ்ணுபுராணம் கூறுகிறது. திருமாலோ தேவர்களில் ஒருவர். அவருக்கு பிறந்தவன் எப்படி அசுரனாவான்? அகலிகையை தொட்டுக் கெட்ட இந்திரனைப் போல இவனும் ஒரு கெட்ட தேவனாகலாமே ஒழிய இவன் அசுரன் ஆவது எப்படி? புராணக் கூற்றில் இதுவே முரண்பாடு.

அதற்கப்புறம் மகனைத் தந்தை கொன்றதும் அவ்வளவு சரியானதாகக் கூற முடியாது. அப்படியே கெட்டதொரு மகனைத் தம் கையாலேயே கொன்ற நீதிமிக்கத் தந்தைதான் திருமால் என்றாலும் கொல்லலாம்! ஆனால் இதைப் பூமியில் உள்ளவர்கள் கொண்டாடுங்கள் என்றா ஒரு தந்தைக் கூறுவார்? கொல்வது வேறு; அதைக் கொண்டாடுவது வேறல்லவா?

எனவே நரகாசுரனை அவன் தந்தை நாராயணன் கொன்றதைக் கொண்டாடுவதே தீபாவளி என்பது விஷ்ணுபுராணத்திற்கும் அறிவிற்கும் உலகியலுக்கும் பொருந்தாமல் யாரோ வடநாட்டினர் கட்டிவிட்ட புரளி என்பதே உண்மை.

ஏனென்றால் வடஇந்தியாவில்தான் இன்று கூட இராவணலீலா என்று இராவணனை எரித்து அவன் மரணம் கொண்டாடப்படுகிறது. இது முற்றிலும் வட இந்திய வழக்கம். தமிழரிடம் இந்த அநாகரிகம் எப்போதுமே படிந்ததில்லை.

(தொடரும்)

உறவுகளுக்கு தீபாவளி வாழ்த்துக்கள்!

அன்புடன்
சாமி

தீபாவளி ஏன்? - வாரியார் சுவாமிகள் பதிவையும் படிக்கவும்
http://www.eegarai.net/t88509-topic#1026103

  
உண்மையான தகவல் பகிர்தமைக்கு நன்றி சாமி..

இப்படித் தான் ஐங்கரத்தானை தலையை வெட்டி ஒட்டி யானை வடிவு பெற்றார் என்று கதைகளிலும் கார்ட்டூனிலும் கதை விடுகின்றனர்...

தெய்வமுரசு ஆசிரியரின் விளக்கம் தீபாவளி பண்டிகை குறித்து முழுவதும் முழுமையாக அறிய ஓர் வாய்ப்பினை அளித்துள்ளது. நன்றி.

சதாசிவம் wrote:  
உண்மையான தகவல் பகிர்தமைக்கு நன்றி சாமி..

இப்படித் தான் ஐங்கரத்தானை தலையை வெட்டி ஒட்டி யானை வடிவு பெற்றார் என்று கதைகளிலும் கார்ட்டூனிலும் கதை விடுகின்றனர்...

புராணங்கள் பெரும்பாலும் புனைவுகளே!

தீபாவளி உலகமெல்லாம் கொண்டாடும் நன்னாள் பொன்னாள். இதை யாண்டும் எல்லோரும் குதூகலமாகக் கொண்டாடுகிறார்கள். சிவபெருமானை நினைத்துக் கடைத்தேறும் விரதங்கள் எட்டு. அதில் தீபாவளியும் ஒன்று. - வாரியார் சுவாமிகள்

ஒருவர் கொல்லப்பட்டதைக் கொண்டாடுவது என்பது நாகரீகம் ஆகாது. அது காந்தியே ஆனாலும் அல்லது கோட்சேவே ஆனாலும் எவர் ஒருவர் சாவிலும் இனிப்பு கொடுத்துக் கொண்டாடுவது அநாகரீகமான செயலே. இறந்தவன் கெட்டவனே ஆனாலும் அவன் செய்த ஓரிரண்டு நல்ல செயல்களைக் கூறி அவனுக்காக அழுவது உலகியல்பு. அல்லாமல் இப்படியாக இன்னொருவர் வாழக்கூடாது என்று இவன் சாவில் நாம் பெறும் படிப்பினையாக இருக்கட்டும் என்றாவது சொல்வார்களே ஒழிய ஒருவன் மரணத்தில் இனிப்பு உண்டு மகிழ்வது எந்த வகையிலும் ஏற்கத்தக்கது அல்ல.

உறவுகளுக்கு தீபாவளி வாழ்த்துக்கள்!

அன்புடன்
சாமி

தீபாவளி ஏன்? - வாரியார் சுவாமிகள் பதிவையும் படிக்கவும்
http://www.eegarai.net/t88509-topic#1026103

இப்ப என்ன சொல்றீங்க

தீபாவளியை கொண்டாடுவோமா வேண்டாமா

எப்படான்னு காத்துட்டு இருக்காங்க முதலாளிகள், நாத்திகவாதிகள், அரசாங்கம்

போனஸ் கொடுக்க வேண்டாம், தீபாவளி பண்டிகை கிடையாதுனு சொல்லிடலாம், அச்சச்சோ இதை வச்சுதான் டாஸ்மாக் டார்கெட் பிக்ஸ் பன்னிருக்கோம் னு அரசு இருக்கே

Manik wrote:இப்ப என்ன சொல்றீங்க ....................
தீபாவளியை கொண்டாடுவோமா வேண்டாமா .................

மேற்கோள் செய்த பதிவு: 1173421

ஐயா, உங்களை யாரு தீபாவளியைக் கொண்டாடவேண்டாம்னு சொன்னது?
கட்டாயம் நாம் கொண்டாட வேண்டிய பண்டிகை இது!!!

ஏன் கொண்டாடறோம்னு ஒழுங்காத் தெரிஞ்சுகிட்டு கொண்டாடுங்க!! அவ்ளோதான்...!!
இல்லாட்டி நரகாசுரனை கொன்ற நாள்னு எத்தனைநாள்தான் ஏமாந்துக்கிட்டே............. இருக்கிறது!