போலி சாமியார்களை பற்றிய கதை ஷகிலா சாமியாராக நடித்த படத்துக்கு தணிக்கை குழுவினர் கடும் எதிர்ப்பு 10 இடங்களில் வெட்டு

**ராஜா** · **ராஜா** Sat Jun 30, 2012 7:42 am

கவர்ச்சி நடிகை ஷகிலா, `ஆசாமி' என்ற படத்தில் போலி சாமியாராக நடித்து இருக்கிறார். சாமி உண்மை. ஆனால் சாமியார்கள் பொய் என்ற கருவை அடிப்படையாக வைத்து இந்த படம் தயாரிக்கப்பட்டுள்ளது.

கதை

ஷகிலாவுடன் சந்தானபாரதி, அனுமோகன், பாண்டு, நெல்லை சிவா ஆகியோர் போலி சாமியார்களாக நடித்து இருக்கிறார்கள். சந்தானபாரதி கொலை-கொள்ளையில் ஈடுபடுவது போலவும், அனுமோகன் நில அபகரிப்பில் ஈடுபடுவது போலவும், ஷகிலா மூலிகை மருந்தில் போதை கலந்து மாணவர்களுக்கு கொடுப்பது போலவும் காட்சிகள் இடம்பெற்றுள்ளன.

ஷகிலா கதாபாத்திரத்தின் பெயர், `பீரானந்தஜீ.' அவர் எப்போதும் பீர் குடித்துக் கொண்டிருப்பது போலவும், அவரை சந்திக்க செல்கிற மாணவர்கள் பீர் வாங்கி செல்வது போலவும் காட்சிகள் வைக்கப்பட்டுள்ளன.

தணிக்கை குழு எதிர்ப்பு

இந்த படம், தணிக்கைக்காக அனுப்பப்பட்டது. படத்தை பார்த்த தணிக்கை குழுவினர், மேலே குறிப்பிட்ட காட்சிகளுக்கு கடும் எதிர்ப்பு தெரிவித்தார்கள். சாமியார்களை கொச்சைப்படுத்துவது போல் இருக்கிறது என்று கூறி, படத்துக்கு சான்றிதழ் கொடுக்க மறுத்தார்கள்.

``படத்தில், நல்ல சாமியார்களும் இருப்பது போல் காட்சிகள் வைக்கப்பட்டிருக்கிறது. எனவே படத்தை திரைக்கு கொண்டு வருவதற்கு அனுமதி அளிக்க வேண்டும்'' என்று டைரக்டர் ஆண்டாள் ரமேஷ் வாதாடிப் பார்த்தார். அதை, தணிக்கை குழுவினர் ஏற்றுக்கொள்ளவில்லை.

மறு தணிக்கை

இதைத்தொடர்ந்து, `ஆசாமி' படம் மறு தணிக்கைக்கு அனுப்பப்பட்டது. மறு தணிக்கையில், 10 இடங்களில் வசன காட்சிகள் வெட்டி எறியப்பட்டன.

அதன்பிறகு படத்துக்கு, `யு ஏ' சான்றிதழ் கொடுத்து, தணிக்கை குழுவினர் அனுமதி அளித்தார்கள்.

-Thinathanthi

தர்மா · தர்மா Sat Jun 30, 2012 7:47 am

இன்றைய சாமியார்கள் அனைவருமே பயங்கர ஹய் டெக். கொஞ்சம் யோகா கொஞ்சம் ஆங்கிலம் கொஞ்சம் நிர்வாகத்திறமை அவ்வளவுதான் சாமியாருக்கான தகுதி மக்கள் கொடுத்து விடுவார்கள். ஏன் என்றால் மக்களுக்கு நான் இன்ன சாமியாரின் பக்தன் என்பதை பெருமையாக சொல்லிகொள்வதில் தான் எத்தனை ஆனந்தம்

யினியவன் · யினியவன் Sat Jun 30, 2012 7:50 am

இந்த போலிச் சாமியார்களின் கூட்டத்துக்கு இழுக்க பிரம்மப் பிரயத்தனம் செய்கிறார்கள் ஏற்கனவே ஏமாந்த அப்பாவி பக்தர்கள்.

இவர்களை காப்பாற்றுவார் யாரோ?

**ராஜா** · **ராஜா** Sat Jun 30, 2012 8:10 am

தர்மா wrote:ஏன் என்றால் மக்களுக்கு நான் இன்ன சாமியாரின் பக்தன் என்பதை பெருமையாக சொல்லிகொள்வதில் தான் எத்தனை ஆனந்தம்

உண்மை , அண்ணா.

முரளிராஜா · முரளிராஜா Sat Jun 30, 2012 9:55 am

இதை சினிமா செய்திகள் பக்கம் மாற்றிவிடலாம் ராஜா
யினியவன் ஏன் இன்னும் இந்த படம்வரலனு கேட்டுகிட்டே இருந்திங்கள
இப்ப புரியுதா? ஒன்னும் புரியல

Sponsored content · Sponsored content

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக