தீரா மீரா -18

ஈகரை தமிழ் களஞ்சியம் :: கவிதைக் களஞ்சியம் :: சொந்தக் கவிதைகள் :: புதுக்கவிதைகள்

Page 1 of 1 •

தீரா மீரா -18

#818060

மு.வித்யாசன்
சிறப்புக் கவிஞர்: பதிவுகள் : 1115
இணைந்தது : 19/03/2010

Post மு.வித்யாசன் Fri Jun 29, 2012 5:33 pm

பூமி-யின் அழுத்தம்
எப்போது அகோரமாகும்
தீ யாய்- எரிமலை
பிளம்பை கக்கும்போது;

வானத்தின் வேகம்
எப்போது வன்மையாகும்;
இடியாய்- மின்னலை
கீறிடும் போது;

ஒரு வேருக்குள் கொடூரப் பயணம்
எப்போது இடம்பெறும்;
விதையானது பாறையில்
முளைத்திருப்பின்;

அவமானங்கள் வெள்ளமென
எப்போது பீறிடும்;
அடங்கிப் போனவனின் நரம்புகள்
அறுப்பட்ட அடுத்த கணத்தில்;

அழுகையும், ஆத்திரமும்
எப்போது அவதரிக்கும்
ஆழகான காதல்
ஆழமாகப் பிரிக்கப்படும்போது;

மீரா
அழுகையுடன்;
தீரா
ஆத்திரத்துடன்;

விரல்களுக்கு இடையே
கசக்கப்பட்ட பூவாய்
சில பொழுதுகளை
மீரா- கழித்தாள்;
விறகிற்கு இடையே
மாட்டிக்கொண்ட கோடாறியாய்
பல நிமிடங்களை
தீரா- கிழித்தான்;

நாசித் துளைகள் நான்கு
விடும் மூச்சு காற்றோ ஒன்று;
இதயம் இரண்டு
இயங்கும் துடிப்போ ஒன்று;
மீரா -நினைத்துப் பார்த்தாள்!!

விழிகள் நான்கு
எழும் காட்சியோ ஒன்று;
இதழ்கள் இரண்டு
விழும் சொற்களோ ஒன்று;
தீரா -ஏங்கித் தவித்தான்!!

கடலிலிருந்து
நீரின் பிரிவானது மேகமாகும்;

நினைவிலிருந்து
வெட்கத்தின் பிரிவானது மோகமாகும்;

இரவிலிருந்து
இருளின் பிரிவானது பகலாகும்;

நிலவிலிருந்து
ஒளியின் பிரிவானது பிறையாகும்;

தீரா-விலிருந்து
மீரா-வின் பிரிவானது மெளனமானது !!

மீரா-விலிருந்து
தீரா-வின் பிரிவானது மயானமானது !!

(தொடரும்...)

/vidhyasan.blogspot.com அன்பு மலர்

மறுமொழி எழுத நீங்கள் உறுப்பினராக இருக்க வேண்டும்..

ஈகரையில் புதிய பதிவு எழுத அல்லது மறுமொழியிட உறுப்பினராக இணைந்திருத்தல் அவசியம்

உறுப்பினராக பதிவு செய்க

ஈகரையில் உறுப்பினராக இணைவது மிக எளிது

பதிவு செய்ய

உள்நுழைக

ஏற்கனவே பதிவு செய்துள்ளீர்களா? இங்கு இணையுங்கள்.

உள்நுழைக

Page 1 of 1