பசி நெருப்பும்;வயிற்றின் ஈரமும்

வித்யாசாகர் · வித்யாசாகர் Wed Oct 07, 2009 12:13 am

பசி நெருப்பும்;வயிற்றின் ஈரமும்

பசி நெருப்பில்
இன்று வரை - காயவில்லை
வயிற்றின் ஈரம்!

ஒரு தட்டில் உணவிட்டு
உண்ண அமர்கையில்

வாசலில் -
ஒரு நாய் வந்து நிற்கிறது;

ஒரு பிடி உணவை
வாசலில் சென்று வைத்துவிட்டு
மீண்டும் அமர்கிறேன்;

ஓரிரு கோழிகள் வந்து
வாசலில் நின்று - கூக் கூக் என்றது;

இரண்டு பிடி உணவெடுத்து
வாசல் நோக்கி வீசிவிட்டு
உண்ண எடுக்கையில் -

நான்கைந்து காக்கையின்
பசி சப்தம் காதை பிய்க்க

தட்டை வெளியே தூக்கிக் கொண்டு
வாசல் வருகிறேன்-

இரண்டு மூன்று பிடியெடுத்து
காக்கைகளின் திசை நோக்கி
வீச;

நான்கைந்து காக்கைகள் சட்டென
ஐந்து பத்தானது,

வாசலில் நின்ற ஒற்றை நாய்
இரண்டு மூன்றானது,

ஒன்றிரண்டு கோழிகள்
நான்கைந்தாய் மாறி

எனக்கு உனக்கு என -
அந்த ஒரு பிடி சோற்றிற்காய்
அடித்துக் - கொண்டு
என் தட்டின் முன்னே
வந்து நின்று - நீதி கேட்டன,

ஒரு தட்டு -
சோற்றினை மட்டும்
வைத்துக் கொண்டு நான்
என்ன செய்ய?????

வெறும் கேள்விகளை
வயிற்றுப் பசிக்குத் தின்றுவிட்டு-

அண்ணாந்து வானம் பார்த்தவாறு
தட்டை வீசிவிட்டு
கை அளம்பினேன்;

பசி நெருப்பில் -
காய்ந்திடாத
ஈரம் தாண்டி

பார்வை உலகின் மீது
நீண்டு நின்றது;
எனக்குத் தான்
எல்லோருக்கும் கொடுக்கும் உணவு
என் வீட்டிலில்லை!
------------------------------------
வித்யாசாகர்

மகாமுனி · மகாமுனி Wed Oct 07, 2009 12:16 am

நிதர்சனமான கவிதை அண்ணா! அருமை பசி நெருப்பும்;வயிற்றின் ஈரமும் 677196

ரூபன் · ரூபன் Wed Oct 07, 2009 12:18 am

நல்ல கவிதை அண்ணா ஆனால் யாராவது நாங்கள் எங்களுக்கு உணவில்லாமல் மற்றவருக்கு கொடுத்திருக்கிறோமா பசி நெருப்பும்;வயிற்றின் ஈரமும் 56667

**சிவா** · **சிவா** Wed Oct 07, 2009 12:20 am

///வெறும் கேள்விகளை
வயிற்றுப் பசிக்குத் தின்றுவிட்டு-///

அருமையான உணர்வுகளை வரிகளாக்கியுள்ளீர்கள் வித்யா!!!

மகிழ்ச்சி

வித்யாசாகர் · வித்யாசாகர் Wed Oct 07, 2009 12:22 am

திருவள்ளுவரிட்ட நம் தலைமைக்கு
என் தலை வணங்கிய நன்றிகள் பல!

**சிவா** · **சிவா** Wed Oct 07, 2009 12:25 am

வித்யாசாகர் wrote:திருவள்ளுவரிட்ட நம் தலைமைக்கு
என் தலை வணங்கிய நன்றிகள் பல!

ரூபன் அவர் படத்தை அங்கு வைக்கவில்லை என்று சண்டைக்கு நிற்கிறார்! சோகம்

ரூபன் · ரூபன் Wed Oct 07, 2009 12:27 am

சிவா wrote:
வித்யாசாகர் wrote:திருவள்ளுவரிட்ட நம் தலைமைக்கு
என் தலை வணங்கிய நன்றிகள் பல!

ரூபன் அவர் படத்தை அங்கு வைக்கவில்லை என்று சண்டைக்கு நிற்கிறார்!

நானும் எவ்வளவு குறள்கள் எழுதியிருக்கிறேன் தெரியுமா பசி நெருப்பும்;வயிற்றின் ஈரமும் 838572

வித்யாசாகர் · வித்யாசாகர் Wed Oct 07, 2009 12:30 am

ரூபன் wrote:நல்ல கவிதை அண்ணா ஆனால் யாராவது நாங்கள் எங்களுக்கு உணவில்லாமல் மற்றவருக்கு கொடுத்திருக்கிறோமா

இந்த கவிதை -

"அண்ணனின் கவிதைகளுக்கு அடிமை என்பதில் மகிழ்கிறேனென" பெரிய வார்த்தை சொல்லி -

ஒரு இளைஞனின் தலையசைப்பில் என் எழுத்து வெல்லுமென என்றோ நான் என் "திறக்கப் பட்ட கதவு" புத்தத்தில் சொன்ன சொல்லை உண்மையாக்கி -

என் சமூக அக்கரைக்கு மேலும் பலமூட்டிய தம்பி ரூபனுக்கும்,
உங்களனைவரின் அன்பிற்கும் சமர்ப்பணம்!