வாட்டர் வெற்றிவேல்...

யினியவன் · யினியவன் Mon Jun 18, 2012 5:59 pm

First topic message reminder :

வாட்டர் வெற்றிவேல்...

முரளி: என்ன தம்பி ஜேன் ஆளையே காணோமே? முகநூலில் ரொம்ப பிசியோ?

ஜேன்: இல்லன்னா அங்க நம்ம பகவதிய தேடிட்டு இருந்தேன்

முரளி: என்ன ஜேன் அதான் பகவதி ஆயாவ பாக்க பாயாவோட போயிருக்காரே

ஜேன்: என்னன்னா கையெல்லாம் இப்படி செவந்திருக்கு, காச்சிப் போயிருக்கே - என்னாச்சு?

முரளி: அத ஏம்ப்பா கேட்கற

ஜேன்: சரின்னா கேக்கல

முரளி: அட ஒரு பேச்சுக்கு சொன்னா ஒடனே கேக்க மாட்டியா? மனசு விட்டுப் போனத மனசு விட்டு சொன்னாதான் மனசு ஆறும்ப்பா.

ஜேன்: சொல்லுங்கண்ணா

முரளி: மாவு ஆட்டுறதுக்கு, சட்னி அரைக்கிறதுக்கு, சமைக்கிறதுக்கு - இதுக்கெல்லாம் வீட்ல எல்லா சாமானும் வாங்கி குடுத்திருக்காங்க.

ஜேன்: அப்புறம் என்னென்னா கவலை? அண்ணிதான் உங்கள நல்லா பாத்துக்கராங்களே

முரளி: அவங்கள நா ஒரு குத்தம் குறை சொல்லலப்பா - சொன்னா என் வாயி அழுகிடும்

ஜேன்: அப்புறம் என்னன்னா கஷ்டம்?

முரளி: கிரைண்டர், மிக்சி யூஸ் பண்ண கரண்டு இல்ல, அடுப்பு யூஸ் பண்ண கேஸ் இல்ல

ஜேன்: அதுனால?

முரளி: இந்தக் ஆட்டுக் கல்லோடையும், அம்மியோடையும், விறகடுப்போடையும் போராடி போராடி கை ரெண்டும் காச்சிப் போச்சு - அதப் பார்த்து எனக்கும் கஷ்டமா இருக்கு, உங்கன்னியும் ரொம்ப பீல் பண்றா.

வேலை செய்யறது கூட பொறுத்துக்கலாம் ஜேன் - உங்கன்னி கண்ணுல ஒரு சொட்டு கண்ணீர் வராத எம்மனசு தாங்க மாட்டேங்குதுப்பா

ஜேன்: அண்ணா கவலைப் படாதீங்கண்ணா - இதுக்கெல்லாம் சீக்கிரம் விடிவு காலம் வரூன்னா.

முரளி: இல்லப்பா உங்கண்ணி கண்ணுல - வேணாம்ப்பா அதப் பத்தி பேசப் பேச எனக்கு ஆத்திரம் அதிகமாவுது

ஜேன்: விடுங்கண்ணா என் கதையும் உங்கள மாதிரி தான்னா - ஆனா நா அதப் பத்தி பீலிங்க்ஸ் ஆவுறதில்ல

முரளி: எப்படி எப்படி - சொல்லேம்ப்பா

ஜேன்: அதாண்ணா அப்பப்ப டாஸ்மாக்காண்ட ஒதுங்குவேன் - கொஞ்சமா தீர்த்தம் சாப்பிட்டுட்டு அப்படியே முருக்க கொரிச்சிட்டு வந்தேன்னா உடல் வருத்தி வீட்டு வேலை செஞ்ச களைப்பே தெரியாதுன்னா

முரளி: அப்படியா சங்கதி - நானும் அத்தையே பாலோ பண்ணிக்கிறேன் இனிமே - ரொம்ப டேங்க்ஸ் ஜேன்

ஜேன்: இதுகெல்லாம் என்னன்னா டேங்க்ஸ் சொல்லிக்கிட்டு - எங்கண்ணே கஷ்டப் படாம இருந்தா எனக்கும் சந்தோஷம் எங்க அன்னிக்கும் சந்தோஷம்

அண்ணா ஒன்னே ஒன்னு சொல்ல மறந்துட்டேன்

முரளி: என்ன ஜேன்?

ஜேன்: அண்ணா - தீர்த்தம் சாப்பிட்டு களைப்பை போக்கி வெற்றி அடஞ்சதால எங்க ஏரியால என்ன வெற்றிவேல் - வாட்டர் வெற்றிவேல் ன்னு தான் கூப்பிடறாங்க

முரளி: அட ஷோக்கா கீதே பேரு - அப்ப இன்னிலே இருந்து எம்பேரும் வெற்றிவேல் வாட்டர் வெற்றிவேல் தான்...