தந்தையார் தினம் -----17 ஜூன்

**T.N.Balasubramanian** · **T.N.Balasubramanian** Sun Jun 17, 2012 4:12 pm

விந்தையான உலகமைய்யா இது,
தந்தையார் தினமாம்
உலகம் கொண்டாடுது. இன்று.

கருவறையில் உருவாக
கருவியானவர் அவர்.
தந்தையர் தினமெனக் கூறி
வருடமொரு முறை மட்டும்
வாழ்த்திடல் நிறையாமோ?

அவர் கூறும் வார்த்தை மதியாது
நொந்திட வைத்தல் முறையாமோ?
வயதான காலத்தே பெரும் சுமை எனக் கருதி,
வரும் நாட்களில் மறந்திடுவோமோ
பெரும் பொறுப்பு முதியோர் இல்லத்திற்கென்றே!!

பெற்ற தந்தையை, சொத்தென போற்றி பேணும் இளம் தலைகளே!
வருடம் ஒருமுறை அல்ல
தினம் தினம் உம்மை வாழ்த்திடும்
முதியோன் ஒருவன் இங்கே.

விந்தையான உலகமைய்யா இது.!

ரமணியன்

--

ஹர்ஷித் · ஹர்ஷித் Sun Jun 17, 2012 4:30 pm

//பெற்ற தந்தையை, சொத்தென போற்றி பேணும் இளம் தலைகளே!
வருடம் ஒருமுறை அல்ல
தினம் தினம் உம்மை வாழ்த்திடும்
முதியோன் ஒருவன் இங்கே.//
உங்களின் வார்த்தைகள் உங்களை இளமையாகவே காட்டுகின்றது.
உங்களுக்கும் வாழ்த்துக்கள் ஐயா.