முயலாமையும் வெல்லும்

முயலையும் ஆமையையும் வைத்து நாம் பல கதைகள் படித்துள்ளோம், இது எனக்கு மின்னஞ்சலில் வந்த கதை

முயலும் ஆமையும் ஒரு நாள் ஓட்ட பந்தய போட்டி வைக்க தீர்மானித்தன . இலக்கு குறிக்கப்பட்டது , இருவரும் ஓட தொடங்கினர் . இலக்குக்கு சற்று முன் திரும்பி பார்த்தமுயல் , ஆமையை கேலியாக நினைத்து , அருகில் இருந்த மரத்தடியில் ஓய்வெடுக்க நினைத்து நன்றாக தூங்கிவிட்டது.
இந்த சமயத்தில் மெதுவாக நடந்து இலக்கை அடைந்த ஆமை போட்டியில் வெற்றியும் பெற்றது.

இது நாம் சிறு வயதில் படித்த கதை. கடின உழைப்பும் நிதானமும் வெற்றியின் ரகசியங்கள்.

கதை முடியவில்லை , தொடர்கிறது

தனது அலட்சியத்தை உணர்ந்த முயல் மீண்டும் ஆமையை போட்டிக்கு அழைத்தது .

இலக்கு குறிக்கப்பட்டது , இருவரும் ஓட தொடங்கினர். இம்முறை முயலானது போட்டி தொடங்கிய சில நிமிடங்களில் இலக்கை அடைந்து வெற்றியும் பெற்றது .

இதன் மூலம் நாமறிவது , தோல்வியின் பொது நாம் செய்த தவறுகளை திருத்தி கொண்டால் மறுமுறை மாபெரும் வெற்றியை பெற முடியும்

கதை முடியவில்லை , தொடர்கிறது

இம்முறை ஆமையனது , தன் தோல்விக்கான காரணத்தை ஆராய்ந்தது. ஆமை எவ்வளவு வேகமாக ஓடினாலும் முயலை வெல்ல முடியாது என்பதை உணர்ந்தது . இருப்பினும் ஆமை மீண்டும் முயலை போட்டிக்கு அழைத்தது. ஆனால் முயலோ ஆமையை கேலி செய்தது . முடிவில் போட்டிக்கும் ஒப்பு கொண்டது . இம்முறை இலக்கில் சிறிய மற்றம் செய்தது ஆமை.

ஆற்றின் அக்கரையில் இலக்கை நிர்ணயிதிருந்தது.இருவரும் ஓட தொடங்கினர். முயலானது ஆற்றின் கரையில் ஆற்றை கடக்க முடியாமல் அப்படியே நின்றது. மெதுவாக நடந்து ஆற்றையும் கடந்து போட்டியில் வெற்றியும் பெற்றது ஆமை.

இதன் மூலம் நாமறிவது , முயன்றால் முடியாதது இல்லை , தோல்வியை கண்டு துவளாதே, துணிந்து போராட கற்று கொள் .

கதை முடியவில்லை , தொடர்கிறது

தன் தவறை உணர்ந்து முயல் ஆமையிடம் மன்னிப்பு கேட்டு, இருவரும் நண்பர்களாயினர் . மீண்டும் ஒரு பந்தயம் , சற்றே வித்தியாசமானது. இலக்கு முந்தைய இலக்கு தான், ஆனால் இம்முறை முயலானது ஆமையை தன் தோளில் தூக்கி கொண்டு ஆற்றின் கரை வரை சென்றது . ஆமை முயலை தூக்கி கொண்டு ஆற்றை கடந்து இருவரும் இலக்கை அடைந்தனர்.

இப்போ வென்றது யார் ? இதன் மூலம் நாமறிவது என்ன?

முயலும் வெல்லும், ஆமையும் வெல்லும், முயலாமையும் வெல்லும் , முயற்சி செய்யாமை ????????????????

நல்ல பதிவு நன்றிகள் நண்பரே